အမေရိကန်တွင် ကားပါကင်ထဲ လေယာဉ်ငယ် ပျက်ကျပြီး (၁)ဦးသေဆုံး

ဇူလိုင်(၃၀)ရက် ညနေပိုင်းက Mooney M-20L အမျိုးအစား အင်ဂျင်တစ်လုံးတပ် လေယာဉ်ငယ်သည် စတိုး ဆိုင် နှစ်ခုအနီး ကားပါကင်ထဲ ပျက်ကျလာခဲ့သည်။ ဆန်ဒီယေဂို မီးသတ်ဌာနမှ ပြောရေးဆိုခွင့်ရ အရာရှိ လီဆွမ်ဆန်က သေဆုံးသွားသော အမျိုးသမီးသည် လေယာဉ်ပေါ် လိုက်ပါလာသည့် ခရီးသည်ဖြစ်ကြောင်း ဆိုသည်။ လေယာဉ်မောင်းသူမှာလည်း အမျိုးသမီး တစ်ဦးဖြစ်ပြီး ဒဏ်ရာရရှိခဲ့သဖြင့် ဆေးရုံသို့ တင်ပို့ခဲ့ရ သည်။ သူမ၏ ဒဏ်ရာ အခြေအနေကိုမူ ရှင်းရှင်းလင်းလင်း မသိရသေးချေ။

ရဲတပ်ဖွဲ့မှ ပြောရေးဆိုခွင့်ရ အရာရှိ စတိဗ်ဘားရန့်ဒ်က လေယာဉ်သည် စတိုးဆိုင် တစ်ခု၏ အမိုးနှင့် မီးတိုင် တစ်ချောင်းတို့ကို ဖြတ်တိုက်သွားပြီးမှ ကားပါကင်ထဲ ပျက်ကျခဲ့ခြင်းဟု ဆိုသည်။ လေယာဉ်သည် ပျက်ကျ ချိန်တွင် မီးလောင်ကျွမ်းခဲ့ပြီး သေဆုံးသူ အမျိုးသမီးသည် ဆိုးဆိုးရွားရွား မီးလောင်ထားခဲ့ကြောင်း သိရှိရ သည်။

လေယာဉ်ပျက်ကျစဉ် အကူအညီပေးရန် သွားရောက်ခဲ့သူ နှစ်ဦးမှာလည်း မီးလောင်ဒဏ်ရာ အနည်းငယ် ရရှိခဲ့ပြီး တစ်ဦးကို ဆေးရုံသို့ တင်ပို့ခဲ့ရသည်။ ဖြစ်စဉ်ကို ပြည်နယ်အစိုးရ လေကြောင်းပျံသန်းမှု စီမံကွပ် ကဲရေး ဌာနနှင့် အမျိုးသား သယ်ယူပို့ဆောင်ရေး လုံခြုံမှု ဘုတ်အဖွဲ့တို့က တာဝန်ယူ စစ်ဆေးလျက်ရှိသည်။

Ref: USA Today

7day