မူးယစ်ရမ်းကားနေသူကို သွားရောက်ဖမ်းဆီးသည့် ရဲစခန်းမှူး အိမ်ပေါ်မှ တွန်းချခံရ၍ သေဆုံး

ရှမ်းပြည်နယ်မိုင်းယန်း မြို့တွင် မူးယစ်ရမ်းကားနေသူအ မျိုးသားကို သွားရောက်ဖမ်းဆီး သည့် ရဲစခန်းမှူးတစ်ဦးအိမ်ပေါ်မှ တွန်းချခံရ၍ သေဆုံးခဲ့ကြောင်း သတင်းရရှိသည်။

မိုင်းယန်းမြို့ ဟောကန်ရပ် ကွက်နေအသက်(၄၄)နှစ်အရွယ် အမျိုးသားတစ်ဦး နေအိမ်ပေါ်တွင် မူးယစ်ရမ်းကားနေစဉ် မိုင်းယန်းမြို့မရဲစခန်း စခန်းမှူးနှင့် ရဲတပ်ဖွဲ့ဝင်များ သွားရောက်ဖမ်းဆီးရာမှ ဖြစ်ပွားခဲ့ကြောင်း ရှမ်းပြည်နယ်ရဲတပ်ဖွဲ့ ဒုတိယပြည်နယ်ရဲတပ်ဖွဲ့မှူးရဲမှူးကြီး သက်လွင်က ပြောသည်။

‘‘သေဆုံးသွားတာက မိုင်း ယန်းမြို့မရဲစခန်းမှူးဒုရဲမှူးထွန်းစံ အောင်ဖြစ်ပါတယ်။ ဇွန်လ ၂၈ရက်ညက ဖြစ်တာ။ သူ(ဒုရဲမှူးထွန်းစံ အောင်)က မြို့မှာ ဆက်ဆံရေး လည်းကောင်းတယ်။ လူချစ်လူ ခင်လည်းပေါတော့ ကိုယ့်ကိုယ် ကိုယ်ယုံကြည်မှု လွန်ကဲသွားပုံရ ပါတယ်။ အိမ်ပေါ်ရောက်တော့ မူးနေတဲ့လူနဲ့ လုံးထွေးလိုက်ရပြီး နှစ်ယောက်စလုံး ပြုတ်ကျတာ။ သူက ၀တော့ အကျပြင်းသွား တယ်။ ခေါင်းကို ထိပြီးဦးနှောက် ထဲသွေးရောက်သွားတာ’’ဟု ရဲမှူး ကြီးသက်လွင်ကပြောသည်။

ပြုတ်ကျ၍ မြေပေါ် အ ရောက်တွင် ရဲအရာရှိက အောက် ဘက်သို့ ရောက်သွားပြီး အရက် မူးနေသူက ဖိလျက်အနေအထား ဖြင့် ပြုတ်ကျခဲ့ခြင်းဖြစ်ကြောင်း ကျိုင်းတုံခရိုင်ရဲတပ်ဖွဲ့မှူးဒုတိယ ရဲမှူးကြီး မြင့်ဦးဆွေကပြောကြားသည်။

‘‘အရက်မူးနေတဲ့သူက ဘာ ဒဏ်ရာမှ မရဘူး။ သူကအပေါ်က ထပ်ကျတာ။ ရဲစခန်းမှူးက အောက်ကကျတာ။ လူကလည်း ၀တယ်လေ။ ကျွန်တော်တို့အရေး ယူထားတဲ့သူက ဒဏ်ရာ မရပါ ဘူး’’ဟု ၎င်းကပြောသည်။

အိမ်အမြင့်မှာ ရှစ်ပေခန့်ရှိပြီး ဆေးရုံသို့ ချက်ချင်းပို့ဆောင်သော်လည်း ဒဏ်ရာ ပြင်းထန်သောကြောင့် သေဆုံးခဲ့ကြောင်း သတင်းရရှိသည်။

သေဆုံးသူ ရဲအရာရှိသည်ရခိုင်ပြည်နယ်ဇာတိဖြစ်ပြီး ဇနီးနှင့် သားသမီးသုံးဦးကျန်ရစ်ကာ လိုအပ်သော ထောက်ပံ့မှုများကို ရဲတပ်ဖွဲ့က ဖြည့်ဆည်းပေးထားကြောင်း ရဲမှူးကြီး သက်လွင်ကပြောသည်။

မူးယစ်ရမ်းကားသူကို လူ သေဆုံးသည်အထိ ကျူးလွန်ခဲ့ သောကြောင့် ပြစ်မှု ဥပဒေပုဒ်မ ၃၀၂ဖြင့် မိုင်းယန်းမြို့မရဲစခန်း တွင် အမှုဖွင့်ထားကြောင်းသတင်း ရရှိသည်။

အောင်သစ်လွင် - 7day