ဖိလစ်ပိုင်တောင်ပိုင်း အပန်းဖြေကျွန်း၌ လူလေးဦး ပြန်ပေးဆွဲခံရ

ဖိလစ်ပိုင်နိုင်ငံတောင်ပိုင်းရှိ ရေပန်းစားသော အပန်းဖြေ ကျွန်းတစ်ကျွန်း၌ သေနတ်သမားများက ကနေဒါလူမျိုး ကမ္ဘာလှည့် ခရီးသည်နှစ်ဦး၊ နော်ဝေလူမျိုး အပန်းဖြေစခန်း မန်နေဂျာတစ်ဦးနှင့် ဖိလစ်ပိုင်လူမျိုး အမျိုးသမီးတစ်ဦး တို့ကို ပြန်ပေးဆွဲ ခေါ်ဆောင်သွားကြောင်း ကြည်းတပ် အရာရှိတစ်ဦးက စက်တင်ဘာ ၂၂ ရက်တွင် ပြောကြား သည်။

ဖိလစ်ပိုင်နိုင်ငံတောင်ပိုင်း မင်ဒါနာအိုကျွန်း၏ အကြီးဆုံး မြို့ကြီးဖြစ်သော ဒါဗောင်မြို့အနီး ဆာမယ်ကျွန်းရှိ အိုးရှင်းဗျူးအမည်ရှိ အပန်းဖြေစခန်း၌ စက်တင်ဘာ ၂၁ ရက်ညက သေနတ်သမားများ စီးနင်းဝင်ရောက်လာပြီး လူလေးဦးကို ပြန်ပေးဆွဲခေါ်ဆောင်သွားကြောင်း ဖိလစ်ပိုင်ကြည်းတပ်မှ ဗိုလ်ကြီးအယ်လ်ဘာတိုကာဘာက ပြောကြားသည်။

ဖိလစ်ပိုင်နိုင်ငံတောင်ပိုင်းရှိ သူပုန်အဖွဲ့နှင့် ငြိမ်းချမ်းရေးတည်ဆောက်နိုင်ရန် မကြာမီကစ၍ အစိုးရက ကြိုးပမ်းခဲ့ပြီးနောက် နိုင်ငံခြားသားသုံးဦး ပြန်ပေးဆွဲခံရသည့်ဖြစ်ရပ် ပေါ်ပေါက်လာခြင်းအတွက် စစ်ဘက်နှင့် ရဲတပ်ဖွဲ့မှ တာဝန်ရှိသူများ အံ့အားသင့်မှု ဖြစ်ခဲ့ကြရသည် ဆို၏။

ဒါဗောင်ဒေသသည် ဆယ်စုနှစ်တစ်စုကျော်မျှ ယခင် ကာလကထက် ပိုမိုတည်ငြိမ်အေးချမ်းလာသည့် ဒေသ ဖြစ်သည်။ ၂ဝ၁၄ ခုနှစ်တွင် နိုင်ငံတောင်ပိုင်း၌ ခြေကုပ် ပြုထားသော အကြီးဆုံးသူပုန်အဖွဲ့နှင့် ငြိမ်းချမ်းရေး သဘောတူညီချက်ရရှိခဲ့ရာ ၄၅ နှစ်ကြာ စစ်ရေး ပဋိပက္ခပြီးဆုံးခဲ့သည်။ ယင်းပဋိပက္ခအတွင်း လူပေါင်း ၁၂ဝဝဝဝ ခန့် သေဆုံးခဲ့ရပြီး လူနှစ်သန်းခန့် အိုးအိမ်များကို စွန့်ကာ ထွက်ပြေးခဲ့ကြရသည်။

ပြန်ပေးဆွဲသူများမှာ မည်သူမည်ဝါဖြစ်သည်ကို မသိရ သေးကြောင်း ဗိုလ်ကြီးကာဘာက ပြောကြားသည်။

The Mirror Daily