အစိုးရသစ်ပြောင်းတာနဲ့ အရာအားလုံးကောင်းမယ်လို့မျှော်လင့်တာဟာ အသိဥာဏ်နည်းတဲ့ အတွေးအခေါ်ဖြစ်ကြောင်း ထွန်းအိန္ဒြာဗိုက သုံးသပ်

အခုနောက်ပိုင်းမှာ သရုပ်ဆောင်အလုပ်ထက် ပရဟိတနဲ့ပတ်သက်တဲ့ အလှူအတန်းပွဲတော်တော်များများမှာတွေ့မြင်လာရသူကတော့ ထွန်းအိန္ဒြာဗိုပါ။ ဈေးကွက်မကောင်းတာကတစ်ကြောင်း ၊ ကာရိုက်တာရွေးချယ်မှုတွေကြောင့် ဇာတ်ကားတွေ အရင်လို ခပ်စိတ်စိတ်မရိုက်ဖြစ်တော့သလို ဇာတ်အိမ်ကောင်းကောင်းနဲ့ ကာရိုက်တာ မိမိတွေမှသာ ပြန်လည်ရိုက်ကူးဖြစ်နေတဲ့ ထွန်းအိန္ဒြာဗိုက ရုပ်ရှင်ကားကြီးအချို့ ပြန်လည်ရိုက်ကူးဖြစ်နေသလို လက်ရှိမှာလဲ ၅၂၈ ဂိမ်းဆိုတဲ့ ဗီဒီယိုကားလေးကို ရိုက်ကူးနေတာမို့သူမနဲ့တွေ့ဆုံခိုက်မေးမြန်းဖြစ်သမျှကတော့

-အခုရိုက်နေတဲ့ကားလေးအကြောင်းကို အရင်ပြောပြပေးပါဦး။

၅၂၈ ဂိမ်းပါ။ မိခင်မေတ္တာပြတဲ့နေရာလေးက ရိုက်ရတာပါ။ ကျွန်မရဲ့ ဇာတ်ရုပ်ကကျတော့ ငယ်ငယ်တုန်းက အရှေ့အနောက်မစဉ်းစားပဲ ဆုံးဖြတ်ခဲ့တဲ့ အမှားက အသက်ကြီးလာတဲ့အချိန်မှာ သားလေးနဲ့အတူတူနေခွင့်မရတာ့ သားမေတ္တာလေးရအောင်ပြန်ပြီးကြိုးပမ်းရတဲ့ အမေတစ်ယောက်ရဲ့ ကာရိုက်တာလေးပါ။

-မင်းသားအသစ်နဲ့တွဲရိုက်ရတာဆိုတော့ သူ့ကိုရော ဘယ်လိုမျိုးလက်တွဲခေါ်ယူဖြစ်လဲ။

သြော်အခုခေတ်ကလေးတွေက တစ်အားကြီးလက်တွဲခေါ်စရာမလိုဘူး။ သူတို့ကိုယ်တိုင်သူတို့ကျင့်ကြံလာပြီးသား နောက်ဒါရိုက်တာကလဲ နားလည်အောင်သင်ပြညွှန်ပြနိုင်တဲ့သူဆိုတော့ ကျွန်မအနေနဲ့ကကိုယ့်ကိုမေးမှပဲ ပြောပြဖြစ်ပါတော့တယ်။ ကိုယ်ဝင်ပြောစရာသိပ်မလိုဘူးပေါ့။

-ပရဟိတနဲ့ပတ်သက်ပြီး ရေသွားလှူတာလဲတွေ့ရတယ်။ အဲ့ဒါလေးကိုလဲသိချင်ပါတယ်။

ရှင်သန်ရေးကူညီမှုအသင်းရှိတယ်လေ။ အဲ့ဒီအသင်းက ကျွန်မအစ်ကိုအရင်းနဲ့ဝတ်မှုန်ရွှေရည်ရဲ့ အဖေနဲ့ထူထောင်ကြတဲ့အသင်းပေါ့။ သူတို့တွေရဲ့အသင်းက အခုဆိုရင်လဲ တစ်နှစ်ကျော်နှစ်နှစ်ထဲရောက်လာပြီ။ သူတို့တွေကရေတွင်းရေကန်တူးတယ်။ ရေလိုတဲ့နေရာတွေမှာလှူတယ်။ လူနာတွေကိုဆေးရုံရောက်အောင်ပို့ပေးတယ်။ လူတစ်ယောက်လိုအပ်နေတဲ့ရှင်သန်ရေးအတွက်လိုအပ်နေတဲ့အကူအညီမှန်သမျှကူညီနိုင်တာကူညီနေတဲ့အသင်းပေါ့။ ကျွန်မတို့လဲလစဉ်အဲ့ဒီမှာအလှူအတန်းရှိတယ်။ ပြီးခဲ့တဲ့အခေါက်ကရေလှူတာကတော့ နွေရာသီရေခန်းတဲ့အခါကြုံလို့လှူတာပါ။

-မွေးနေ့နဲ့ပတ်သက်ပြီးတော့ရောဘာတွေလုပ်ဖြစ်သေးလဲ။

ထူးထူးခြားခြားတော့ကျွန်မ မလုပ်ဖြစ်ပါဘူး။ သံဃာ ၆၈ ပါးကို နေ့ဆွမ်းကပ်တယ်။ ၀တ္ထုငွေတွေလှူတယ်။ တကယ်တော့ မွေးနေ့ရယ်လို့သီးသီးခြားခြားလုပ်တာတော့မဟုတ်ဘူး။ အမြဲတမ်းလုပ်နေကျသဘောနဲ့လုပ်ခဲ့တာပဲ။ မွေးနေ့ဆိုပြီးထူးထူးခြားခြားသိပ်လုပ်စရာမလိုဘူးလို့ကျွန်မထင်တယ်။ ဒါနဆိုတာ သဒ္ဒါပေါက်တဲ့အချိန် အချိန်မရွေးလုပ်ရုံပဲ။ မွေးနေ့မှလုပ်ရမယ်လို့မဟုတ်ပါဘူး။။

-ဒါပြီးရင်ရော ဘာတွေလက်ခံထားတာရှိဦးမလဲ။

ဒါပြီးရင်ကျွန်မကိုလူမင်းတို့နဲ့လွိုင်ကော်မှာသွားရိုက်ရမဲ့ကားကြီးရှိပါတယ်။ ဒါရိုက်တာ သရုပ်ဆောင် ကိုလူမင်း၊ မြင့်မြတ်ပါမယ်။ ကျွန်မပါမယ်။ အိန္ဒြာကျော်ဇင်ပါမယ်။ ဇာတ်ပို့ဇာတ်ရံတွေအများကြီးပါပါသေးတယ်။

-ဗီဒီယိုထက်ကားကြီးတွေပိုရိုက်လာကြတဲ့အပေါ် အစ်မအမြင်လေးကိုလဲသိချင်ပါတယ်။

အနုပညာကတော့ ဂီတရောရုပ်ရှင်ရောက ပျက်နေတာကြာလှပါပြီ။ ပျက်နေတဲ့အထဲကမှ ကြားကန်ပြီးအားလုံးကကြိုးစားရတာဆိုတော့ အခက်အခဲတွေလဲအများကြီး၊ လစ်ဟာမှုတွေရော လိုအပ်မှုတွေရော အများကြီးပေါ့။ အဲ့ဒီထဲကနေ အလုပ်လုပ်နေကြတာပဲပေါ့။

-အခုနောက်ပိုင်း ဖေ့စ်ဘုတ်လူမှုကွန်ယက်တွေပေါ်မှာ အနုပညာသမားအချင်းချင်းအဆင်မပြေတာတွေ၊ ပြသနာဖြေရှင်းတာမျိုးတွေဖြစ်ပြီးစည်းလုံးမှုတွေပြိုကွဲနေကြတဲ့ အပေါ် အစ်မအမြင်လေးကိုလဲသိချင်ပါတယ်။

ဖေ့စ်ဘုတ်သုံးကြတဲ့လူတွေ ကာယကံရှင်များရဲ့အသုံးပြုမှုအပေါ်မူတည်ပြီးတော့မှပဲ ဒီပြသနာအကြီးအငယ်ကဖြစ်ကြတာပေါ့နော်။ အဲ့ဒီတော့ ဖေ့စ်ဘုတ်က မြန်မာတို့နိုင်ငံမှာကျတော့ အခုမှခေတ်စားလာတာ တော်တော်လေးသိပ်မကြာသေးတော့လဲ ရည်ရွယ်ချက်တွေကလိုသလိုတွေသုံးနေကြတာပေါ့။ သူ့ရဲ့စည်းမျဉ်းစည်းကမ်းတွေကိုမသိဘူးပေါ့။ ကိုယ်မထိခိုက်အောင်ဘယ်လိုသွားရမလဲ။ သူများမထိခိုက်အောင်ဘယ်လိုသွားရမလဲ။ ဆိုတဲ့ဟာကို ကြာလာရင်သုံးရင်းသုံးရင်းနဲ့သိလာမှာပါ။ အဲ့ဒီအခါကျရင်တော့ စနစ်တကျလေးဖြစ်သွားမယ်ထင်တယ်။ အခုကတော့လဲ ကိုယ်ကလူသိခံစရာမလိုပဲ ပြောလို့ရတဲ့နေရာမျိုးဖြစ်နေတော့လဲ တချို့ဟာတွေကလဲ ရည်ရွယ်ချက်တွေနဲ့လုပ်ထားတာမျိုးတွေလဲပါမှာပေါ့နော်။ အသုံးပြုတဲ့သူတွေရဲ့ ဥာဏ်ရည် ဥာဏ်သွေးပေါ်မှာပဲမူတည်ပြီးတော့သွားရမဲ့ကိစ္စပါ။

-ရုပ်ရှင်အစည်းအရုံး ဥက္ကဌ အန်ကယ်လေးအပေါ် မလိုလားတဲ့သူတွေ လဲရှိတယ်။ ၁၅ ရက်နေ့ဆိုလဲ ညှိနှိုင်းဆွေးနွေးပွဲရှိတယ်ဆိုတော့ ဒီအပေါ်မှာ အစ်မရဲ့ အမြင်လေးကိုလဲသိချင်ပါတယ်။

အများအတွက်အလုပ်လုပ်ရတဲ့သူတွေကတော့ အများထက်ပိုပြီးအနစ်နာခံရတာပေါ့နော်။ သူ့ပေါ်မှာ အမြင်ကြည်လင်သူရှိသလို အထင်အမြင်လွဲမှားသူတွေလဲရှိနိုင်တာပေါ့။ အခုတွေ့ဆုံပွဲကတော့ အမြင်လေးတွေကို ဖလှယ်ကြမှာနဲ့တူတယ်။ ကျွန်မကိုလဲဖိတ်ထားတဲ့အတွက်လာတက်ဖြစ်မှာပါ။ ဘာတွေပြောကြပြီးဘာတွေလုပ်ကြမလဲကျွန်မလဲမသိသေးဘူး။ လာနားထောင်ဖို့သက်သက်ပါပဲ။

-အရင်က NLD အောင်နိုင်ရေးအတွက်ကို အများကြီးအလုပ်လုပ်ခဲ့ကြတယ်။ ရှေ့ဆက်ပြီး ဘယ်လိုမျိုးများလုပ်ဆောင်သွားဖို့ရှိမလဲ။

ကျွန်မကလဲ နိုင်ငံသူတစ်ယောက်အနေနဲ့ ကျွန်မတို့နိုင်ငံတိုးတက်ဖွံ့ဖြိုးဖို့အတွက်တာဝန်ရှိတာပေါ့နော်။ ဒီနိုင်ငံမှာမွေးဒီနိုင်ငံမှာကြီးပြင်းတဲ့သူတစ်ယောက်အနေနဲ့ကိုယ့်မှာတာဝန်ရှိတယ်။ ကိုယ်နိုင်သလောက်ဘယ်နေရာကဖြစ်ဖြစ်ကူမှာပါ။ NLD မှမဟုတ်ဘူး။ တကယ် နိုင်ငံအတွက်ကောင်းအောင်လုပ်ပေးမဲ့ ဘယ်အစိုးရမဆိုကူဖို့အဆင်သင့်ပါပဲ၊ ကျွန်မ NLD တွက်လုပ်တာမဟုတ်ဘူး။ NLD ပါတီဝင်လဲမဟုတ်ပါဘူး။

-ရွေးကောက်ပွဲအပြီး အရပ်သားအစိုးရစတင်အုပ်ချုပ်တဲ့အချိန်မှာမှ မီးတွေခဏခဏ ပျက်တဲ့အပေါ် ဖေ့စ်ဘုတ်ကနေ ဝေဖန်သူများနဲ့ပတ်သက်ပြီး အစ်မက ဘယ်လိုမျိုးလေးပြောပြချင်ပါသလဲ။

ကျွန်မတို့ကနိုင်ငံတစ်ခုကို တည်ဆောက်တဲ့နေရာမှာ အခုရေတွင်းတူ အခုရေကြည်သောက်လို့မရပါဘူး။ ပိုဆိုးတာက ကျွန်မတို့က ဇီးရိုးက စရတာတောင်မဟုတ်ဘူး။ မိုင်းနပ်စ်ကစရတာ ဇီးရိုးထက်ကို အများကြီး မိုင်းနပ်စ်ဖြစ်တဲ့ ပျက်စီးချွတ်ချုံကျပြီးသားတကယ့်ကို အပျက်တွေထိုးအပ်ခံခဲ့ရတဲ့အစိုးရဆိုတော့သူ့ကိုပြင်ဆင်ချိန်တော့ပေးရမယ်။ တည်ဆောက်ခွင့်တွေပေးရမယ်လေ။ အချိန်ကတော့ ပေးရမှာပေါ့။ အဲ့ဒီတော့ ဒီအစိုးရသစ် လက်ထက်မှာ အစိုးရသစ်ပြောင်းတာနဲ့ဘွားကနဲ အရာရာကောင်းမယ်လို့မျှော်လင့်တာဟာတော်တော်အသိဥာဏ်နည်းတာပဲလို့ကျွန်မပြောချင်ပါတယ်။

ခင်ဆွေသက် - Trend Myanmar