သင်တို့နှစ်ယောက် မလိုက်ဖက်ဘူးဆိုတာ သိသာစေတဲ့ အချက်များ

သင်က စုံတွဲတစ်တွဲ လိုက်ဖက်မှုရှိမရှိကို ဇာတာတွေ ၊ဗေဒင်တွေနဲ့ တွက်ချက်ပြီး ကြည့်ရတာကို မယုံကြည်တတ်တဲ့ လက်တွေ့သမားတစ်ယောက်ဆိုရင် အခုဖော်ပြမယ့်အချက်တွေကို ကြည့်ပြီး သင်တို့စုံတွဲက လိုက်ဖက်ညီတဲ့ စုံတွဲ ဟုတ်မဟုတ် အဖြေထုတ်ကြည့်နိုင်ပါတယ်။ ဘယ်လောက်ကြာအောင် တွဲလာတဲ့ စုံတွဲဖြစ်ပါစေ လိုက်ဖက်ညီမှုမရှိရင် ပျော်ရွှင်မှုထက် စိတ်ပင်ပန်းမှုတွေကိုပဲ ရရှိနိုင်မှာ ဖြစ်ပါတယ်။

သင်တို့နှစ်ယောက်လုံးရဲ့ သူငယ်ချင်းတွေက သင်တို့နှစ်ယောက်တွဲနေတာကို မထောက်ခံကြပါဘူး။

ကိုယ်နဲ့ ပုံစံတူ အကြိုက်တူတဲ့ သူငယ်ချင်းအသိုင်းအဝိုင်းထဲမှာ အတူရှိပေးဖို့ အဆင်သင့်မဖြစ်တဲ့ သင့်အဖော်က သင့်အတွက်လည်း လိုက်ဖက်တဲ့ လက်တွဲဖော်ကောင်းတစ်ယောက် အဖြစ်အမြဲရှိနေဖို့ ခက်ခဲမှာဖြစ်ပါတယ်။

သင်တို့နှစ်ယောက်တွဲပြီးနောက်ပိုင်း မိတ်ဆွေသစ်ထပ်မရဘူးဆိုတာကလည်း ပျော်ရွှင်တဲ့ စုံတွဲမဟုတ်ဘူးဆိုတာကို ပြပါတယ်။

ပျော်ရွှင်နေကြတဲ့ချစ်သူတွေက အတူတူ့ ဖြတ်သန်းချင်တဲ့ အချိန်တွေ၊ အကြောင်းအရာတွေများသလို ပွဲလမ်းသဘင်တွေ မိတ်ဆွေ အပေါင်းအသင်းတွေနဲ့ တွေ့ဆုံတာတွေအပြင် နှစ်ယောက်စလုံးနဲ့ ရင်းနှီးတဲ့ မိတ်ဆွေအပေါင်းအသင်းတွေကိုလည်း ရှာဖွေလေ့ရှိကြပါတယ်။

အမြဲတမ်းနီးပါး အရေးမပါတဲ့ အကြောင်းအရာတွေအတွက် ရန်ဖြစ်နေရလေ့ရှိတယ် ။

ဘယ်စုံတွဲမဆို ရန်မဖြစ်ရတာ မရှိပေမဲ့ ဘယ်လောက်သေးငယ်တဲ့ ကိစ္စအတွက်ပဲဆိုဆို သဘောထားခြင်း မတိုက်ဆိုင်တာများတဲ့အတွက် ရန်ပွဲတွေပဲ ဖြစ်နေရတတ်ပါတယ်။

ဟာသဓာတ်ခံခြင်းမတူတာ ။

တစ်ယောက်ရယ်ရတဲ့ အကြောင်းက နောက်တစ်ယောက်အတွက် အူကြောင်ကြောင်ဖြစ်နေတာက စရိုက်သဘာဝ မတူတာကို အလွယ်ဆုံး ပြသနိုင်တာပဲ ဖြစ်ပါတယ်။ အတူတူရယ်မောနိုင်တာက ချစ်သူနှစ်ယောက်ကို သံယောဇဉ်အတိုးစေနိုင်ဆုံးပဲ ဖြစ်ပါတယ်။နှစ်ယောက် စိတ်တူကိုယ်တူ ရယ်စရာဖြစ်ရပ် ရှားပါးတာကလည်း လိုက်ဖက်ညီတဲ့ စုံတွဲမဟုတ်ဘူးဆိုတာကို ပြနိုင်ပါတယ်။

တစ်ယောက်မှာ သတင်းကောင်းတစ်ခုရှိရင် အရင်ဆုံး အချင်းချင်းအသိပေးလေ့မရှိတာ။

ကိုယ့်ရဲ့ ထူးခြားတဲ့ ကိစ္စတစ်ခုခုကို သိခွင့်ရှိတဲ့သူက သူမဟုတ်ဘူးဆိုရင် ရေရှည် ပျော်ရွှင်နိုင်မယ့် ပတ်သက်မှုမျိုး မဖြစ်နိုင်ပါဘူး။

သင့်ဘဝထဲက လူတစ်ချို့နဲ့ သူ့ကို မိတ်ဆက်ပေးရမှာ ရှက်နေတတ်တာ။

ကိုယ်က အမြဲ ဂုဏ်ယူနေနိုင်မယ့် လက်တွဲဖော်တစ်ယောက် မဟုတ်ဘူးဆိုရင် ကိုယ့်ရဲ့ လုပ်ဖော်ကိုင်ဖက်တွေ၊ဆွေမျိုးတွေနဲ့ ကိုယ်အထင်ကြီးခံချင်တဲ့သူတွေရဲ့ရှေ့မှာ လက်တွဲပြီးထုတ်ပြရဲမှာ မဟုတ်ပါဘူး။ဒါက လိုက်ဖက်မှု မရှိတဲ့ စုံတွဲတွေရဲ့ အမှတ်အသားပဲ ဖြစ်ပါတယ်။

Ref:bustle
ခင်သူဇာ - Trend Myanmar