ကလေးတွေ မီးဖိုချောင်ဝင်ခြင်း အကျိုးကျေးဇူး

ကလေးတွေ အတွက် မီးဖိုချောင်ထဲမှာ ပညာရစရာတွေ ရှိသည်။

ကလေးတွေကို ထမင်းကျွေးရတာလောက် အာပေါက်သော အလုပ်၊ ပင်ပန်းသော အလုပ်မျိုး ရှိမည်မထင်။ သို့သော် ကလေးတွေကို မီးဖိုချောင်ထဲမှာ ချက်တာ ပြုတ်တာ ၀ိုင်းကူလုပ်ခိုင်းကြည့်ပါ။ သူတို့ချက်ထားတာကို အားရပါးရ စားကြပါလိမ့်မည်။

နောက်ထပ် အကျိုးကျေးဇူးကား ချက်တတ် ပြုတ်တတ်လာမည်၊ အရသာသစ်တွေ ထိတွေ့ ခံစားတတ်လာမည်။ တီထွင်ဖန်တီး ဥာဏ်တွေ ထက်သန်လာမည်။ မီးဖိုချောင်ထဲမှာ ချက်စရာ ပြုတ်စရာတွေကို ဘယ်လိုတွဲစပ်ရမယ်၊ ချိန်ဆရမယ် ဆိုတာလည်း ကလေးတွေ သိလာပြီး ပညာရေးပိုင်းမှာ ပါများစွာ အထောက်အကူ ရလိမ့်မည်။

ကလေးတွေ ချက်တတ် ပြုတ်တတ်ဖို့ ဘာကြောင့် အရေးကြီးသလဲ။

ဗြိတိန် လေ့လာမှု စစ်တမ်းတစ်ရပ် အရ ကလေးများ မီးဖိုချောင်ထဲ ၀င်ကာ ဟင်းအမယ်များ ကိုယ်တိုင် ရွေးချယ်ပြီး အခြေခံကအစ ချက်တတ် ပြုတ်တတ်ခြင်းဖြင့် ကြီးလာချိန်တွင်လည်း ကိုယ်တိုင်ချက်ပြုတ် စားသောက်ရခြင်းကို ပိုနှစ်သက်ကြကြောင်း သိရသည်။

ကိုယ်တိုင် ချက်ပြုတ် စားသောက်ခြင်းအားဖြင့် ပြင်ပဆိုင်များတွင် ရောင်းချသော ကျန်းမာရေးနဲ့ မညီသည့် ဟင်းလျာ၊ အစားအသောက်များ စားသောက် ဖြစ်နှုန်းလည်း နည်းသွားပြီး တစ်သက်တာ ကျန်းမာရေးနဲ့ ပိုညီညွတ်မည် ဖြစ်သည်။ ကလေးကို ငယ်စဉ်ကတည်းက ချက်တတ် ပြုတ်တတ်အောင် သင်ပေးခြင်းသည် ကလေး အနာဂတ် အတွက် အကောင်းဆုံး ရင်းနှီးမြှပ်နှံ ပေးလိုက်ခြင်းလည်း မည်၏။

ကလေးတွေကို ဘယ်ကစ ချက်ခိုင်းသင့်လဲ။

ကလေးကြိုက်တဲ့ အသုပ်မျိုး ၊ ဟင်းလျာမျိုးကနေသာ စခိုင်းလိုက်ပါ။ ကလေး စားချင်တာကို ချက်ခိုင်း၊ ပြင်ဆင်ခိုင်းခြင်းဖြင့် ကလေးလည်း ချက်ပြီးလျှင် စားရတော့မည် ဟူသော ပျော်ရွှင်မှုရကာ မီးဖိုခန်းထဲ မိဘနဲ့အတူ ၀ိုင်းကူ ချက်ပြုတ်ရတာ ပျော်ရွှင်လိမ့်မည်။

ကလေးက ဟင်းရွက်ကြော် ကြိုက်တယ်ဆို ဟင်းရွက် ချွေတာကအစ ကြော်ဖို့ ဟင်းအမယ်တွေ ထည့်တာအဆုံး ဖြည်းဖြည်းချင်း အချိန်ယူပြီး လုပ်ခိုင်းကြည့်ပါ။ အခြားသော ဟင်းလျာများနှင့် ပတ်သက်လျှင်လည်း ထိုနည်းလည်း ကောင်းဖြစ်၏။

ကလေးတွေ မီးခိုခန်းထဲ ၀င်ရတာ ပျင်းမသွားအောင် ဘယ်လိုလုပ်မလဲ။

ကလေးတွေ ၀ိုင်းချက်ပြုတ်ချင်စိတ် ဖြစ်လာအောင် မိဘက ဆွဲဆောင်တတ်ဖို့တော့ လိုမည်။ နေ့တိုင်း မီးဖိုခန်းထဲ ၀င်ခိုင်းတာမျိုးလည်း မလုပ်သင့်။ ချက်ရပြုတ်ရခြင်းကို နေ့စဉ်ဝတ္တရား တစ်ခုအဖြစ် ငယ်စဉ်မှာ မြင်သွားပါက ကိုယ်တိုင် ချက်ပြုတ် စားသောက်ရခြင်းကို ကလေးများ မချစ်သည့် အပြင် မုန်းပင် မုန်းသွားနိုင်သည်။ သို့ဖြစ်ရာ ကလေး ကျောင်းပိတ်ရက်လို နေ့မျိုးမှာမှ ကလေးကို ဘာစားချင်လဲ မေးကာ သူစားချင်တာကို သူပါ ၀ိုင်းချက်ပေးဖို့ မိဘက ပြောရမည်။

ဝတ္တရား တစ်ခုအနေနဲ့ မဟုတ်ဘဲ၊ ပျော်ရွှင်စရာ ကစားပွဲ တစ်ခုအနေနဲ့ ကလေးတွေ မြင်နေအောင် ဖန်တီးပေးရမည်။ လိုအပ်သည့် ဟင်းချက်အမယ် ပစ္စည်းများ စုံစုံလင်လင် ရှိနေအောင်လည်း မိဘက ကြိုတင် စီစဉ်ထားရမည်။ ကလေး ချက်ပြုတ်သည့်အခါ မိဘကို နောက်က လိုက်ကူခိုင်းခြင်းမျိုးထက် ကလေး ကိုယ်တိုင် ဦးဆောင် ချက်ပြုတ်ခြင်းကို မိဘက နောက်ကနေ ၀ိုင်းကူပေးခြင်းမျိုး ဖန်တီးရမည်။

ထိုသို့ ငယ်စဉ်ကတည်းက မီးခိုခန်းထဲမှာ ကိုယ်တိုင် ဦးဆောင်ချက်ပြုတ်ခွင့် ပေးခြင်းဖြင့် ကလေးသည် ကိုယ့် ကိုယ်ကိုယ်လည်း ဂုဏ်ယူတတ်မည် ဖြစ်ကာ ဘ၀တစ်လျှောက်တွင်လည်း မည်သည့် အလုပ်မျိုးမှာ မဆို ကိုယ်အားကိုယ်ကိုး လုပ်ကိုင်ချင်စိတ်မျိုး ထက်သန်နေမည် ဖြစ်သည်။

messenger news journal