ငိုမလှ ရယ်မလှ သရဲမသက်ထား

တကယ့်ဖြစ်ရပ်မှန် ဇာတ်လမ်းတိုလေး တစ်ပုဒ်ပါ။ မိန်းကလေးတွေအများစု အရမ်းလှလွန်းရင် မူရာ၊ မာယာ များတတ်ပါတယ်။ သူတို့ကို ယောက်ျားလေးတွေ ၀ိုင်းဝိုင်းလည်နေရင် ပို၍ ပဲပေးတတ်ကြပါတယ်။ ဒါက မိန်းကလေးတိုင်းပါ။ ဘယ်လောက်ပဲ အထာမကိုင်တတ်ဘူး၊ မာနမကြီးတတ်ဘူး ပြောလေ့ရှိတဲ့ မိန်းကလေးတွေတောင် သူ့အလှတရားအတွက် တစ်နေရာရာမှာ ထင်ပေါ်စေချင်ကြ အပြောခံချင်ကြပါတယ်။

“အင်းစိန်မြို့နယ်” တစ်နေရာက အန်တီ့အချစ်ဆုံးသူငယ်ချင်းပေါ့။ နာမည်လေးက “မသက်ထား” တဲ့။ အလွန်ချော အလွန်လှပေါ့။ အန်တီတို့ခေတ်တုန်းက ထမိန်ကို ခြေသလုံးအလယ်အထိဝတ်၊ ဆံပင်တစ်ခြမ်းစောင်းကေနဲ့ မိန်းကလေးအများစု ထားခဲ့ နေခဲ့ဖူးကြတယ်လို့ အန်တီပြောတယ်။

အဲဒီခေတ်မှာ “အန်တီသက်ထား” က အင်းစိန်
အ.ထ.က (၁) ရဲ့ အချောဆုံး အလှဆုံး “ကွင်း” (Queen) တဲ့။ ၈-တန်းနှစ်ကတည်းက ရည်းစားထားတာ ၁၀-တန်းနှစ်အထိပေါ့။ အန်တီတို့သူတို့က ကျောင်းအရမ်းပြေးကြတာ။ အန်တီကလည်း ၁၀-တန်းနှစ်မှာ ရည်းစား စ,ထားတာတဲ့။ “မသက်ထား” ကတော့သူတို့ဆရာတဲ့။ “မသက်ထား” က တစ်ဦးတည်းသောသမီး။ ရည်းစား စ,ထားကတည်းက သူက သူ့ရည်းစားမိဘက ချမ်းသာရမယ်၊ ပညာတတ်ရမယ်။ သူ့ရည်းစားက စာတော်တာ မတော်တာမလိုဘူး။ သူ့လိုရုပ်လှရမယ်။ ချောရမယ်။ ရုပ်ရည်မသန့်ပြန့်တဲ့ကောင် ရည်းစားစကားလာမပြောနဲ့… ဆိုပြီး နှစ်ပြားမတန် အရှက်ခွဲပြောဆိုတတ်တယ်။

သူတို့သူငယ်ချင်းများ ၁၀-တန်းပထမနှစ်ပေါ့။ “မသက်ထား” ကျောင်းမှာ ရည်းစား၂-ယောက်။ အပြင်မှာ တက္ကသိုလ်ကျောင်းသားရည်းစား၂-ယောက် “မသက်ထား” ၄-ယောက် လက်မလည်အောင် ချိန်းတွေ့ရတယ်။ သူ့ရည်းစား ၄-ယောက်လုံးကလည်း အလန်း။ ပိုက်ဆံရှိ သားသမီးတွေပေါ့။

သူတို့အများဆုံး ဘဲနဲ့ချိန်းတွေ့တဲ့နေရာက “ကမ္ဘာအေးဘုရား”။ တစ်နေ့ သူနဲ့ သူငယ်ချင်းများတစ်ဖွဲ့ ကျောင်းပြေးပြီး ဘဲတွေကိုယ်စီနဲ့ပြန်လာကြတာ။ အဲဒီအချိန်မှာ တစ်လမ်းလုံး သူငယ်ချင်းတွေဆူညံ့
နေကြတာပေါ့။ လမ်းချိုးတစ်နေရာရောက်တော့
စက်ဘီးတစ်စီးက အမှတ်မထင် ရေအိုင်ကိုနင်းမိတော့ “မသက်ထား” ကိုစင်သွားပါလေရော။ အဲဒီအချိန်မှာ “မသက်ထား” ဒေါသဖြစ်ပြီး စက်ဘီးသမားကို အတင်းလှမ်းတား သူ့ရည်းစား “ကိုဇေ” က ပထမနှစ်ကျောင်းသား။ ရုပ်ချောသလောက် ခပ်မိုက်မိုက်ပေါ့။ စက်ဘီးသမားကို အတင်းတားတော့ စက်ဘီးသမားက ရပ်လိုက်တယ်။ အဲဒီစက်ဘီးသမားက “မသက်ထား” ကို၉-တန်းနှစ်က ရည်းစားစကားပြောဖူးတဲ့ “ကိုသော်” ဖြစ်နေတယ်။ “ကိုသော်” က စီးပွားရေး အဆင်မပြေတော့လို့ ကျောင်းမတတ်တော့ပဲ ဝက်သတ်ရုံမှာ လုပ်နေတာ။ “ကိုသော်” က စက်ဘီးပေါ်မှဆင်းပြီး တောင်းပန်နေပေမဲ့ “မသက်ထား” မကျေနပ်ဘူး။ သူ့ဘဲရှေ့မှာ
ပါဝါပြတာလည်းပါတာပေါ့။

“ဟဲ့… “ကိုသော်” ငါ့ကို ရေတွေစင်ကုန်တာ နင်ဘာလုပ်ပေးမှာလဲ…”

“ငါတောင်းပန်ပါတယ် “သက်ထား” ရယ်…”

“အေး… ငါမကျေနပ်ဘူး…”

“ငါတောင်းပန်နေတာ နင်ကမကျေနပ်ရင် ငါဘာလုပ်ပေးရမလဲ…”

“ဘာမှမလုပ်နဲ့… ကဲ… ထွီး… ဖျန်း…” ဆိုပြီး တံတွေးနဲ့ မျက်နှာကိုလှမ်းထွေးပြီး ပါးရိုက်လိုက်တယ်။

“ကိုသော်” က ရှက်ရှက်နဲ့ ပြန်လုပ်မယ်ပြင်တော့ သူ့ဘဲကပါဝိုင်းထိုးတာပေါ့။ သူငယ်ချင်းတွေက ၀ိုင်းဆွဲပြီး…

“သက်ထား” နင်မှားတယ်၊
နင်ဘဲကိုဆွဲသူက အပြင်လူတခုခုဖြစ်ရင် အားလုံးကျောင်းအထုတ်ခံကြရမှာ…” ၀ိုင်းပြောကြတော့ “မသက်ထား” က…

“လာပါ “ကိုဇေ” ရယ်… အဆင့်မရှိတဲ့ကောင်နဲ့ ဖက်ဖြစ်မနေပါနဲ့…” လို့ပြောပြီး သူ့ရည်းစားက်ို ဆွဲခေါ်သွားပါတယ်။

ဒါပေမဲ့ ယောက်ျားတစ်ယောက်မရဲ့ မာန၊
အရှက်တရားကိုထိခိုက်သွားတာ “မသက်ထား”
မသိလိုက်ပါ။ “ကိုသော်” အံကြိတ်ပြီးထွက်သွားပါ
တယ်။ ဒီလိုနဲ့ ၁၀-တန်း စာမေးပွဲဖြေလို့ စာမေးပွဲ
နောက်ဆုံးနေ့မှာ “မသက်ထား” ရဲ့ ရည်းစားဟောင်းနဲ့ ရည်းစားသစ် နှစ်ဦးသား စငြိကြပါလေရော။ “ကိုဇေ” ရယ် “ကိုထိုက်” ဆိုတဲ့ တက္ကသိုလ်
ကျောင်းသား နှစ်ယောက်ဆုံပြီး ကွိုင်တတ်ကြတယ်။ အဲဒီမှာ “ကိုဇေ” က သူ့ကို…

“နင့်ရုပ်လေး လှသလောက်
ငါတို့ကောင်တွေကိုလှည့်စားတယ်၊ နင်နောင်တ
မရစေနဲ့…” လို့ ပြောပြီးထွက်သွားတယ်။

အောင်စာရင်းမထွက်ခင်ကာလ၊ သူတို့ အန်တီတို့ တစ်ဖွဲ့၊ သူငယ်ချင်းတွေ တစ်ပတ်တစ်ခါ
အတွဲမပြတ် တွေ့ဖြစ်ကြတယ်။ ဒီလိုနဲ့ ကျောင်းပိတ်တာ၂-လကျော်လောက်၊ တစ်နေ့ညနေ အန်တီ့ကို လာခေါ်တယ်။

“…”တာတာ” ရေ… ဟေ့… “တာတာ”…”

အန်တီက အဖွားတို့ အဖိုးတို့ ရှိနေတော့ အသံခပ်အုပ်အုပ်နဲ့ အပေါ်ထပ်ကနေ ပြေးဆင်းလာပြီး
ထူးရင်းနဲ့…

“ဘာလဲ “သက်ထား”…”

“ငါနဲ့လိုက်ခဲ့ဟာ…”

“နင်ကလဲဟာ… ငါ့အမေနဲ့ အဖေရှိတယ်ဟဲ့၊ ဘယ်လဲ…”

“…”ကိုဇေ” က ငါ့ကိုတွေ့ချင်လိုတဲ့ဟ…”

“နင်ပြန်ဆက်နေတာလား…”

“မဟုတ်ဘူး၊ သူကသူ့အိမ်က
မိန်းမမပေးစားခင် နောက်ဆုံးအကြိမ် တစ်ခေါက်လောက် တွေ့ချင်တယ်ပြောလို့ သွားတွေ့မလို့…”

“နင်ကလည်း… မိုးချုပ်တော့မယ်၊ ဘယ်မှာချိန်းတာလဲ…”

“ဘူတာရုံဘက်မှာ…”

“မဖြစ်ဘူး၊ ငါရည်းစားထားတာ အိမ်ကသိလို့ ငါ့အမတွေ အမေတွေက အလစ်မပေးဘူးဟ… နင်လည်း သိရက်သားနဲ့…”

“အေးဟာ… ဒါဆို ငါတစ်ယောက်တည်းပဲ သွားတော့မယ်၊ နေတော့…”

“အမြန်သွား အမြန်ပြန်နော်…”

“အေး အေး…”

ထိုအချိန်မှာ အဖွားမိတာ

“နင်တို့ဘာတွေရှုပ်နေတာလဲ…အောင်စာရင်းထွက်လို့ မအောင်ရင် နင်ဒီနှစ်ရန်ကုန်မှာမထားဘူး…”

“အမေကလည်း ဘာမှမဆိုင်တာ…”

အန်တီကိုဆူပြီး အန်တီလည်း ဘာမှမပြောပဲအိမ်ခန်းထဲဝင်ပြီး ဘယ်လောက်မှမကြာဘူး၊ အိမ်ရှေ့ကနေ အန်တီ့သူငယ်ချင်း သူ့ရည်းစား “ကိုသန်းစိုး” က…

“ဟဲ့… “တာတာ” ရေ… “တာတာ” “မိသက်ထား” တစ်ယောက် ရထားလမ်းဘက်မှာ
မျက်နှာအက်ဆစ်နဲ့ အပတ်ခံရပြီး ဓါးနဲ့အထိုးခံရလို့တဲ့…”

အဲဒီအချိန် အန်တီလည်း အပြေးတစ်ပိုင်း ဆင်းလာပြီး…

“အမေရေ… လုပ်ပါဦး… “သန်းစိုး” အခုလေးတင် “သက်ထား” င့ါအိမ်က ထွက်သွားတာ…”

“အေး… အခု တရားခံရော ဘာရော တစ်ခါတည်း မိတယ်တဲ့… သူသေမလား ရှင်မလားတော့ မသိသေးဘူးဟာ… ဆေးရုံတော့ ခေါ်သွားကြပြီ…”

ဒီလိုနဲ့ တခြားသူငယ်ချင်းတွေပါခေါ်ပြီး လိုက်သွားကြည့်တော့ သူအရေးပေါ်အခန်းမှာ တရားခံက “ကိုဇေ” နဲ့ “ကိုသော်” ပါ။ ဒီလိုနဲ့ နောက်နေ့ညနေ သူသိရလာပါတယ်။ ဟိုနှစ်ယောက်ကလည်း အချုပ်ထဲမှာ အမှု့စစ်တော့
အဲဒီနေ့ “မသက်ထား” သွားတော့ “ကိုဇေ” က ရထားလမ်းဟိုဘက်က မီးရထားခေါင်းတွဲအပျက်ထဲ
ခေါ်သွားပြီး “မသက်ထား” မျက်နှာကို အက်ဆစ်နဲ့ ပတ်တာပါ။ အဲဒါကို “မသက်ထား” ရထားလမ်းဘက်သွားတာကို “ကိုသော်” က အနောက်က လိုက်ချောင်းရင်းနဲ့ အဲဒီလို “ကိုဇေ” လုပ်တာတွေ့တော့ သူလည်း အရှက်ရထားတော့ကာ အပြီးဆိုပြီးတော့ လက်ထဲက အသင့်ပါလာတဲ့ဓါးနဲ့ ထိုးလိုက်တာပါ။ “ကိုဇေ” က အက်ဆစ်နဲ့ပတ်ပြီး ထွက်ပြေးသွားပြီးမှ “ကိုသော်” က အမြင်ကပ်ပုဒ်မနဲ့ သတ်တာပါ။ “ကိုသော်” ဓါးနဲ့ထိုးပြီး ရထားခေါင်းတွဲထဲကအထွက် မီးရထားရဲ့ လှည့်ကင်းက မသင်္ကာလို့ ခေါ်စစ်ရင်းနဲ့ လက်ကသွေးတွေလည်းပေနေတော့ အဲဒီညနေပဲ နှစ်ယောက်လုံးကို တစ်ခါတည်းဖမ်းမိတာပါ။ “မသက်ထား” ကဆေးရုံမှာ သတိပြန်ရပေမဲ့ ၅-ရက်နေတော့ ရရှိခဲ့တဲ့ ဒဏ်ရာတွေကြောင့် ဆုံးသွားပါတယ်။

သူမသေခင် သူငယ်ချင်းအရင်းဖြစ်သူ အန်တီနဲ့
သူငယ်ချင်း နောက်နှစ်ယောက်က နေ့ခင်းဆို
ဆေးရုံမှာ သူ့ကိုသွားစောင့်ပါတယ်။ သူကလေ သူငယ်ချင်းတွေအနားမှာရှိရင် မျက်ရည်တွေကျပြီး…

“ငါမလှတော့ဘူး… ငါသေရတော့မှာ…” ချည်း ငိုညည်းရင်း ပြောလေ့ရှိတယ်။

အဖေအမေကလည်း ၀မ်းနည်းမဆုံးပေါ့။ သေခါနီး ၁-ရက်အလိုနေ့ကပေါ့။ တစ်နေကုန် မျက်ရည်တွေကျပြီး ပါးစပ်ကနေ…

“ငါ့မျက်နှာကြီး ငိုရင်လည်းမလှ၊ ရယ်ရင်လည်းမလှတော့ဘူး…”

ဆိုပြီး တစ်နေကုန်ငိုနေတာ ပါးစပ်က တတွတ်တွတ်ပေါ့။ ၅-ရက်မြောက်နေ့ ညနေ ၅-နာရီမှာ သူသေသွားပါတယ်။ အဲဒီညနေက သူငယ်ချင်းတွေကို လိုက်အိပ်မက်ပေးတယ်။ အိမ်ကအန်တီဆို၂-ပတ်လောက်ဖျားတယ်။ အိပ်မက်လည်း တစ်ပုံစံတည်း သူငယ်ချင်းတွေကိုပေးတာ။ အိမ်မက်ထဲမှာ သူကအရင်မျက်နှာအတိုင်းပဲလာပြီး စကားပြောတယ်။

“…”တာတာ” ငါ့မျက်နှာ အရင်အတိုင်းပဲ လှသေးတယ်နော်…”

အန်တီက အိမ်မက်ထဲမှာ…

“နင်ကလှပြီးသားပဲ “သက်ထား” ရယ်…” ပြောတော့…

“အေးပါ… ဒီမှာ ငါတကယ်မလှတော့ဘူး…” ပြောတော့ မျက်နှာက ကြောက်စရာကြီးတဲ့။ ဆေးရုံမှာတုန်းက
ပတ်တီးနဲ့ဆိုတော့ မသိရဘူးတဲ့။ အန်တီလည်း
အိပ်ယာကလန့်နိုး ကြောက်လန့်ပြီး၂-ပတ်လောက်
ဖျားပါလေရော။ ပြန်ကောင်းတော့ အဖွားက အန်တီ့ကို “ညောင်တုန်း” ကိုပို့လိုက်ရော။ အောင်စာရင်းတွေထွက်တော့ သူတို့တစ်ဖွဲ့ ကျတဲ့သူကကျပေါ့။ အန်တီနဲ့ “မသက်ထား” နဲ့ နောက်တစ်ယောက်က (ခ) နဲ့ အောင်တယ်တဲ့။ အန်တီလည်း နောက်နှစ်စာမေးပွဲတော့ “ညောင်တုန်း” မှာဖြေပြီးမှ ၁၀-တန်းအောင်တယ်တဲ့။ ဒါပေမဲ့ အန်တီစာမေးပွဲဖြေပြီး ရန်ကုန်ပြန်လာတော့ ရပ်ကွက်ထဲမှာ “မသက်ထား” သတင်းက ကြားနေရဆဲပဲ။ “မသက်ထား” တို့ အိမ်နားက မကျည်းပင်နားမှာ သရဲခြောက်တယ်တဲ့။ အခြောက်ခံရတဲ့သူတွေက ပြောတာကြည့်လိုက်ရင်…
“လှတယ်… အနားရောက်သွားရင် ကြောက်စရာမျက်နှာကြီး…” တဲ့။

တစ်နေ့ညက ဆိုက်ကားသမားတစ်ယောက် ဆိုက်ကားနင်းပြန်လာတာ မူးနေတာတဲ့။ ပါးစပ်သရမ်းပြီး

“ဟဲ့… “သက်ထား”… နင့်မျက်နှာလေး ပြစမ်း…”

ဆိုပြီး မကျည်းပင်အောက်ကပြောတာ ဟိုကပြလိုက်တာ ဆိုက်ကားသမားခမျာ တစ်ခါတည်း ၂-ပတ်လောက် နေမကောင်းဖြစ်သွားတယ်တဲ့။

“မသက်ထား” မိသားစုကတော့ “မသက်ထား” သေပြီး ဘယ်လောက်မှမကြာဘူး။ သူ့အဖေနဲ့ အမေက “မေမြို့” က အမျိုးတွေဆီကို ပြောင်းသွားတယ်တဲ့။ အချိန်အတော်ကြာကြာ အတိုင်းအတာတစ်ခုအထိ အဲဒီအချိန်တုန်းက အဲဒီ မကျည်းပင်ရှိတဲ့လမ်းကို “ငိုမလှ ရယ်မလှ မသက်ထားလမ်း” လို့ ခေါ်ကြတယ်။
အခုတော့ အဲဒီအပင်ကြီးလည်း မရှိတော့ဘူး။
“မသက်ထား” လည်း ဘယ်ဘ၀ရောက်မှန်း မသိတော့ပါဘူး။

ဇာတ်လမ်းလေးကဒါပါပဲကွယ်။ ရုပ်ချောချော၊ လှလှ၊ မမ၊ ညီမများ ဖြစ်နိုင်ရင်အတတ်နိုင်ဆုံး သဘောကောင်းပေးကြပါ။ ချစ်ရေးဆိုတဲ့ ကောင်လေးတွေကိုလည်း မျှော်လင့်ချက်မပေးပါနဲ့။ မမူပါနဲ့။ အဖြေတစ်ခါတည်းပေးပါ။ ဒီလူချစ်ရေးဆိုကတည်းက ကိုယ့်စိတ်မှာ အဖြေရှိပြီးသားပါ။ မမူနဲ့၊ ပဲမများကြပါနဲ့၊ မာန်မတတ်ကြပါနဲ့။ အချစ်စစ်မှန်ရင် ရုပ်လှဖို့၊ ပညာတတ်ဖို့မလိုပါဘူး။ ရိုးသားဖြူစင်တဲ့အချစ်နဲ့ ကိုယ့်ဘ၀တစ်ခုလုံးကို တစ်သက်လုံးတန်ဖိုးထားပြီး ကိုယ်ကလည်း တန်ပြန်တန်ဖိုးထားချစ်တဲ့အချစ်နဲ့ ချစ်ခင်နိုင်ကြပါစေ။

Credit:သရဲ ဘီလူးဂုမ္ဘန်ယက္ခပြိတ္တာစုန်းကဝေတစ္ဆေနာနာဘာဝများအကြောင်း-GROUP-နဝင်းမောင်