သင့်ကို ဆေးရုံတက်ရတဲ့အထိ ဖြစ်စေနိုင်တဲ့ သင်မထင်ထားမိတဲ့ အရာများ

ကိုယ်တွေနေ့စဉ် ပြုလုပ်နေတဲ့ အရာတစ်ချို့ဟာ ကျန်းမာရေးအတွက် တော်တော်လေးဆိုးရွားစေတယ်ဆိုတာ သတိပြုမိဖို့ ခဲယဉ်းတတ်ကြပါတယ်။ ဥပမာ ခဏခဏ နှာချေတတ်တဲ့သူဟာ နောက်ကျောရိုးတွေ နာကျင်စေတဲ့အပြင် ခြေတွေ လက်တွေ လှုပ်ရှားဖို့အတွက် ထိန်းချုပ်နိုင်တဲ့ အကြောတွေထိတောင် ဒဏ်ဖြစ်စေနိုင်တာပါ။ ဒီလိုမျိုး ဘာမဟုတ်တာလေးလို့ ကိုယ်ထင်မြင်နေတဲ့ အရာတစ်ချို့ဟာ သင့်ကို ဆေးရုံး၊ ဆေးခန်းရောက်စေတဲ့အထိ ဒုက္ခပေးနိုင်တယ်ဆိုတာနဲ့ ပတ်သက်ပြီး သင်သိထားသင့်တဲ့အရာတွေကတော့

ခြေညှပ်ဖိနပ်အပါးလေးများ စီးခြင်း

Flip Flop လို့ခေါ်တဲ့ ခြေညှပ်ဖိနပ်အပါးလေးတွေ စီးရတာ ဘယ်လောက် ပေါ့ပေါ့ပါးပါး ရှိုလိုက်သလဲ။ လွတ်လည်း လွတ်လပ်တယ်လေ။ ဒါပေမယ့် ဒီဖိနပ်တွေကြောင့် ကိုယ်တွေလမ်းလျှောက်တဲ့ပုံစံ ပြောင်းလဲသွားတတ်ပြီး တင်ပါးတွေနဲ့ ဒူးခေါင်းနာကျင်တဲ့ ဝေဒနာတွေ ခံစားရတတ်ပါတယ်။ ဒါ့ကြောင့် ဖိနပ်အပါးလေးတွေ ၀ယ်မယ်ဆို ကိုယ်နဲ့တကယ်အဆင်ပြေတဲ့ ဖိနပ်မျိုး၊ ခြေထောက်နဲ့ ကွက်တိဖြစ်မယ့် ဖိနပ်မျိုးတွေကို အသားပေးဝယ်ပါ။

ပိုက်ဆံအိတ်ထဲ ပြုံစုထည့်ပြီး ဘောင်းဘီနောက် အိတ်ကပ်ထဲ ထည့်ခြင်း

များသောအားဖြင့် ယောင်္ကျားလေးတွေဟာ ပိုက်ဆံအိတ်အသုံးပြုတဲ့အခါ ရှိသမျှ စာရွက်အပိုင်းအစ၊ ဘောက်ချာ စတာတွေကိုပါ ပိုက်ဆံအိတ်ထဲ ထိုးထည့်တတ်ကြပါတယ်။ ဒီလိုထည့်တဲ့အခါတိုင်း ခါးလိမ်လိမ်ပြီး နောက်ဘောင်းဘီ အိတ်ကပ်ထဲက ပိုက်ဆံအိတ်ထုတ်၊ ပြန်ထည့်နဲ့ တစ်ရက်တစ်ရက် အခါပေါင်းမနည်း ဒီလိုလှုပ်ရှားမှုမျိုး လုပ်တတ်ကြပါတယ်။ ဒါဟာ ခါးနဲ့ဇက်ကို ပြသနာပေးတော့တာပါပဲ။ ဒါ့ကြောင့် ဖြစ်နိုင်ရင် ဘောင်းဘီနောက်အိတ်ထဲ ပိုက်ဆံအိတ် ထည့်တာမျိုး မလုပ်ပါနဲ့။

အရမ်းကျပ်တဲ့ ဘောင်းဘီတွေ ၀တ်ခြင်း

skinny ဘောင်းဘီတွေထဲမှာ တစ်ချို့ဘောင်းဘီတွေက ၀တ်ရတာ တော်တော်ကို အဆင်မပြေပါဘူး။ ဒီလိုဘောင်းဘီမျိုးကို အတင်းထိုးစွပ်ပြီး ၀တ်မယ့်အစား သိမ်းသာထားလိုက်ပါ။ ဒီလို ကျပ်တဲ့ဘောင်းဘီတွေကို ၀တ်မယ်ဆိုရင် ပေါင်အပေါ်ပိုင်းနားက အာရုံကြောတွေကို ဖြစ်ညှစ်ထားသလို ဖြစ်ပြီး ခြေထောက်ကို သွားတဲ့သွေးကြောတွေကို ဒုက္ခပေးတတ်ပါတယ်။

ကိုယ်လက်လေ့ကျင့်ခန်း တရားလွန်လုပ်ခြင်း

ဘယ်အရာမဆို အလွန်အကျွံလုပ်မိခြင်းဟာ ကောင်းကျိုးထက် ဆိုးကျိုးကိုသာ များစေတာပါ။ လေ့ကျင့်ခန်းကို ပုံမှန်မလုပ်ပဲ လုပ်သင့်တာထက် လွန်လွန်ကျူးကျူး လုပ်နေမယ်ဆိုရင် သွေးကြောထဲကို ပရိုတင်းတွေ လွှတ်ပေးနေတဲ့ တစ်သျှူးတွေ ပြတ်ထွက်ကုန်တာမျိုး ဖြစ်တတ်ပါတယ်။ ဒါ့ကြောင့် ကိုယ်လိုချင်တဲ့ ကြွက်သားအနေအထားရောက်ရင် အသားကုန်ဆက်ဆော့တာမျိုးတွေ မလုပ်ပါနဲ့။

ရေကို အလွန်အကျွံသောက်ခြင်း

အားလုံးသိထားတာက ရေအများကြီးသောက်တာဟာ သင့်ခန္ဓာကိုယ်အတွက် ကောင်းတယ်။ ရေအများကြီး သောက်ခြင်းဟာ သင့်ခန္ဓာကိုယ်ထဲက သံဓာတ်၊ ဆိုဒီယံနဲ့ အခြား သတ္တုဓာတ်တွေကို လျော့သွားစေပြီး ခေါင်းကိုက်ခြင်း၊ အော့အန်ခြင်းတွေကို ဖြစ်စေပါတယ်။ ဒါ့ကြောင့် ရေအစား ရေဓာတ်ကြွယ်ဝတဲ့ အသီးအနှံတွေ၊ ကျန်းမာရေးနဲ့ ညီညွတ်တဲ့ အားဖြည့်အချိုရည်တွေ သောက်ပေးပါ။

Credit: Trend Myanmar