မလေးရှားမှာ မြန်မာနိုင်ငံသား ၂၃ ဦးသတ်ဖြတ်ခံရမှု လူ ၇ ဦးကို စတင်ဖမ်းဆီး

Police in Penang surround the body of a Myanmar man found in an oil palm estate last month. He was the 20th of 23 Myanmar nationals to have been murdered in the Malaysian state over the past 11 months. -- PHOTO: THE STAR/ASIA NEWS NETWORK

မလေးရှားနိုင်ငံမှာ မြန်မာနိုင်ငံသား ၂၃ ဦးသတ်ဖြတ်ခံရမှုနဲ့ ပတ်သက်လို့ သံသယရှိသူ ၇ ဦးကို အာဏာ ပိုင်တွေ ဖမ်းဆီးထိန်းသိမ်း လိုက်တယ်လို့ ကွာလာလမ်ပူမြို့ကလာတဲ့ သတင်းတွေမှာ ဖော်ပြပါတယ်။

အဖမ်းခံရသူတွေဟာ အသက် ၂၀ နဲ့ ၄၀အကြား ရခိုင်ဒေသက လာတဲ့ မွတ်စလင် အမျိုးသားတွေ ဖြစ် တယ်လို့ သိရပါတယ်။

အဓိက သံသယရှိသူ တစ်ဦးရဲ့ ၀န်ခံထွက်ဆိုချက်အရ ပြီးခဲ့တဲ့နှစ်က ရခိုင်ပြည်နယ်မှာ သူ့မိသားစုဝင် ၆ ဦး သတ်ဖြတ်ခံရတဲ့အတွက် အခုလို မလေးရှားမှာ သတ်ဖြတ်မှု ကျူးလွန်ခဲ့ရတာလို့ ဆိုပါတယ်။

သတ်ဖြတ်ခံရသူအများစုဟာ ရခိုင်တိုင်းရင်းသားတွေဖြစ်ပြီး၊ မလေးရှားအာဏာပိုင်တွေအနေနဲ့ မြန်မာ နိုင် ငံသား ၂၀ နီးပါး သတ်ဖြတ်ခံရတဲ့အထိ စုံစမ်းစစ်ဆေးဖော်ထုတ်မှုတွေ ထိထိရောက်ရောက် မလုပ်ဆောင် ခဲ့ဘူးလို့ ကွာလာလာမ်ပူအခြေစိုက် မြန်မာအလုပ်သမားတွေက ပြောပါတယ်။

ဒီသတ်ဖြတ်မှုတွေကို စုံစမ်းဖော်ထုတ်ဖို့ မြန်မာအမျိုးသားလွှတ်တော်က မလေးရှားလွှတ်တော်ကို စာပေး ပို့တောင်းဆိုသွားမှာဖြစ်ကြောင်း၊ အကယ်၍ စုံစမ်းစစ်ဆေးဖော်ထုတ်မှုတွေ မလုပ်ဆောင်ခဲ့ရင် IPU နိုင်ငံ တကာ ပါလီမန်များသမဂ္ဂကတဆင့် တောင်းဆိုသွားမှာဖြစ်ကြောင်း အမျိုးသားလွှတ်တော် ဥက္ကဌ ဦးခင်အောင်မြင့်က နိုဝင်ဘာ ၁၁ ရက်နေ့က ပြောဆိုထားပါတယ်။

ဒီတောင်းဆိုမှုတွေကြောင့် အပြင် မလေးရှားနိုင်ငံရဲ့ ဂုဏ်သိက္ခာကို ထိန်းသိမ်းလိုတဲ့အတွက် မလေးရှား အာဏာပိုင်တွေဘက်က အခုလို ဖမ်းဆီးစုံစမ်းမှုတွေ စတင်လုပ်ဆောင်လာတာဖြစ်နိုင်တယ်လို့ ကွာလာ လာမ်ပူမြို့အခြေစိုက် အာရကန်ရိုဟင်ဂျာ ဒုက္ခသည်များအဖွဲ့ အကြီးအကဲ မိုဟာမတ် ဆာဒတ် က ပြော ပါတယ်။

"ဒါကတော့ အာဆီယံနိုင်ငံအတွင်းမှာလည်း အချင်းချင်း နားလည်မှုလွဲသွားမှာဆိုတာ စိုးရိမ်လို့ နောက် ပြီးတော့ ဒီတိုင်းပြည်မှာလည်း ဒီလူကတော့ လူတွေအသတ်ခံရတယ်ဆိုပြီး၊ ခဏခဏ အသတ်ခံရတယ် ဆိုပြီး ဒီလူမလှုပ်ရှားနိုင်အောင်ဆိုပြီး ပစ်မှတ် နိုင်ငံနဲ့နာမည်ဖျက်မှာပဲ စိုးရိမ်လို့ သူက မနှောက်ယှက်နိုင် မှာပေါ့၊ ကျူးလွန်မှုမဖြစ်အောင် ဆက်လက်ပြီး ဖြစ်မလာအောင် သူတို့က အဲ့ဒီပုံသေနည်းတွေကို လုပ်နေ ကြတာ ဖြစ်ပါတယ်"

အခုနှစ်ဆန်းပိုင်ကလည်း မလေးရှားနိုင်ငံကွာလာလာမ်ပူမြို့မှာ ရခိုင်တိုင်းရင်းသားတွေနဲ့ တွေ့ဆုံဖို့ သွားရောက်ခဲ့တဲ့ ရခိုင်တိုင်းရင်းသားခေါင်းဆောင် ဦးအေးသာအောင်နဲ့ ဒေါက်တာအေးမောင်တို့ဟာ ကွာလာလမ်ပူမြို့မှာ သေနတ်နဲ့ ပစ်ခတ်လုပ်ကြံခံခဲ့ရပါတယ်။

မြန်မာနိုင်ငံတွင်းမှာ ဘာသာရေး၊ လူမျိုးရေးကို အခြေခံတဲ့ ပဋိပက္ခတွေဖြစ်ပွားတဲ့အခါတိုင်း မလေးရှားနေ
မန်မာလူမျိုးတွေ လည်လှီး သတ်ဖြတ်ခံရမှုတိုးလာတယ်လို့လည်း မလေးရှားရောက် မြန်မာအလုပ်သမား
တွေ နဲ့ လူမှုရေးဆောင် ရွက်နေသူတွေက ပြောပါတယ်။

ကွာလာလာမ်ပူမြို့အခြေစိုက် အာရကန်ရိုဟင်ဂျာ ဒုက္ခသည်များအဖွဲ့အနေနဲ့ မလေးရှားနိုင်ငံရောက် မြန်မာ အလုပ်သမားတွေ၊ ဒုက္ခသည်တွေအကြား ချစ်ကြည်မှုရှိအောင် အားစိုက်ကြိုးပမ်းနေကြောင်း အဖွဲ့ရဲ့အကြီး အကဲဖြစ်သူ မိုဟာမတ် ဆာဒတ် က ပြောပါတယ်။

RFA Burmese