ရန်ကုန်တိုင်း ဒေသကြီးအတွင်း စက်မှုဇုန်ထုတ်ကားများ အပ်နှံခွင့် ပေးသည့်နေ့မှ စ၍တစ်ရက်လျှင်အစီးရေ တစ်ရာကျော် လာရောက် အပ်နှံကြောင်း က-ည-န ရုံး (မြင်သာ) ယာဉ်အိုယာဉ်ဟောင်း အပ်နှံမှုဌာနမှ သိရသည်။ စက်မှုဇုန်ထုတ် ကားများကို ဇူလိုင် ၁၄ ရက်က စတင် အပ်နှံခွင့် ပေးခဲ့ခြင်း ဖြစ်ကြောင်း သိရသည်။
လာရောက် အပ်နှံသည့် ကားများတွင် အက္ခရာစုံ ကားများဖြစ်ပြီး စလစ် ထုတ်ဝေပေးမှု စာရင်း အရ ဇူလိုင် ၁၄ ရက်က ၂၇ စီး၊ ၁၅ ရက်က ၅၉ စီး၊ ၁၆ ရက်က ၉၃ စီး၊ ၁၇ ရက်က ၁ဝ၈ စီး၊ ၁၈ ရက်က အစီးရေ ၁၃ဝ၊ ၂၁ ရက်က ၁၇၈ စီး၊ ၂၂ ရက်က ၁ဝ၈ စီးတို့ကို စလစ် ထုတ်ပေးခဲ့ကြောင်း သိရသည်။
ဧပြီ ၄ ရက်မှ စတင် အပ်နှံခွင့် ပြုခဲ့သော ''၁က'' အက္ခရာများမှာ ရန်ကုန်တိုင်း ဒေသကြီး အတွင်း အစီးရေ ၃၇၄ဝ ရှိရာ ဇူလိုင် ၂၁ ရက် အထိ အစီးရေ ၃၆၃ဝ အပ်နှံခဲ့ပြီး တစ်ရာကျော်သာ အပ်နှံရန် ကျန် ရှိ တော့ကြောင်း သိရသည်။
ထို့အပြင် ''၁က'' အက္ခရာ မတိုင်မီ လာရောက်အပ်နှံခွင့်ပြုသော ''လ''၊ ''သ''၊ ''အ'' အက္ခရာ များမှာ ဇူလိုင် ၂၁ ရက်အထိ အပ်နှံပြီး စာရင်းအရ ''လ'' အက္ခရာ ၄ဝ၃၉ စီး၊ ''သ'' အက္ခရာ ၄၈၇၅ စီး၊ ''အ'' အက္ခရာ ၅ဝ၁၁ စီးနှင့် Cherry QQ တက္ကစီ ၈၈၇ စီး အပ်နှံခဲ့ပြီး ဖြစ်ကြောင်း ယာဉ်အို ယာဉ်ဟောင်း အပ်နှံမှုဌာနမှ သိရသည်။
လင်းသစ် | မြ၀တီ
Sign up here with your email
ConversionConversion EmoticonEmoticon