နှစ်ဦးသဘောတူ ကွာရှင်းပြတ်စဲသည်

ချက်မပိုင်လျှင် ပြင်ရခက် လွန်းသည့် ကိစ္စတစ်ခုဖြစ်မှန်း မခင်ချော(အမည်လွှဲ)တစ်ဦးသိခဲ့ ပါသည်။ ထို့ကြောင့်လည်း အိမ်ထောင်ပြုခြင်းဆိုသည့် ဘ၀လက် တွဲဖော်ရှာသောအမှုအတွက် အဘက်ဘက်မှ စဉ်းစားခဲ့ပြီး အသက် (၃၀)နီးမှ သင့်တော်မည့်သူတစ်ဦး နှင့် နှစ်ဦးသဘောတူထိမ်းမြား လက်ထပ်ခဲ့ခြင်းဖြစ်၏။ ၀န်ထမ်းတစ်ဦးဖြစ်သည့် ၎င်း၏အမျိုးသားနှင့် သုံးနှစ်ခန့် ပေါင်းသင်းခဲ့ပြီး သားသမီးရတနာ မရသေးမီမှာပင် ၎င်းတို့၏ကြားတွင် မုန်တိုင်းငယ် တစ်ခုမှာ တစ စ အားကောင်း၍လာခဲ့သည်။ ဤ သို့ဖြင့် မင်္ဂလာနှစ်ပတ်လည်ရောက် ရန် ရက် ၂၀ အလိုတွင် မခင်ချော တို့လင်မယားနှစ်ယောက် နှစ်ဦး သဘောတူစာချုပ်တစ်ခုကို ထပ်မံ လက်မှတ်ထိုးရန်ဖြစ်လာတော့သည်။

ဧပြီ ၂၄ ရက်တွင် ကျပ်ငွေ နှစ်ထောင်တန် ကွာရှင်းစာချုပ်အပေါ် မခင်ချောတို့နှစ်ဦးသား လက် မှတ်ရေးထိုးခဲ့ပါသည်။ နောက်နောင်ပတ်သက် စပ်ယှက်ခြင်း မပြုရန် နာကြည်းသော အကြည့်များဖြင့် တစ်ဦးနှင့်တစ်ဦးသတိပေးခဲ့ ကြသည်ဟု မခင်ချောကဆိုသည်။ သဘောထားချင်း မတိုက်ဆိုင်တော့သောကြောင့်ဟု မခင်ချောက ၎င်းတို့၏ လမ်းခွဲကို ခေါင်းစဉ် တပ်ပြောပါသည်။

‘‘သူ့အပေါ် မမုန်းချင်ပါဘူး။ စိတ်ထဲမှာ ယုံကြည်လို့ မရတော့ ဘူး။ သံသယနဲ့ ရှေ့မဆက်ချင်သလို ကိုယ်ကိုယ်တိုင်လည်း သူ့အ တွက်မပူလောင်ချင်တော့ဘူး’’ လက်ထပ်ထိမ်းမြားခြင်းနှင့် ၎င်း၏ဆန့်ကျင်ဘက် ကွာရှင်းပြတ်စဲခြင်း တို့အပေါ် အနောက်တိုင်းထက်စာလျှင် အရှေ့တိုင်းသူ တိုင်းသားများက ပို၍အယူသီးကြ သည်။ အရိုးစွဲ ထားကြသည်။ ယခု ထက်တိုင် အရှေ့တိုင်းတွင် ထိမ်းမြားလက်ထပ်ခြင်း အတွက် ကြီးကျယ်ခမ်းနားစွာပြင်ဆင် ကျင်းပကြသလို။ ကွာရှင်းပြတ်စဲခြင်းဆို သည့်အတွက်လည်း အလေးအနက်ထားကြသည်။ မြန်မာနိုင်ငံတွင်လည်း ကွာရှင်းပြတ်စဲသည် ဆိုသော စကားလုံး၏နောက်ကွယ်၌ ပတ်ဝန်းကျင်၏ ရိုက်ခတ်မှုနှင့် တစ်ဦးတည်း ရပ်တည်ရန်ခက်ခဲမှု စသည့် ခါးသီးသည့် ဖြစ်ရပ်များ ရှိနေမည်ကို အမျိုးသမီးအများစု စိုးရိမ်ကြောင့်ကြကြစမြဲ ဖြစ်သည်။

‘‘မြန်မာနိုင်ငံမှာ ကွာရှင်း ပြတ်စဲတယ် ဆိုတာ ရေငုပ်သလိုပဲ။ အောင့်အည်းသည်းခံပြီး ငုပ်နေကြ တယ်။ အောက်ဆီဂျင်ပြတ်တော့မှ ၀ူးဝူးဝါးဝါးနဲ့ ပေါ်လာမယ်။အဲ့ဒီလိုမျိုးပဲ’’ဟု ကျားမတန်းတူညီမျှရေး အဖွဲ့မှ ဒေါ်အေးကြွယ်ကမြန်မာလူမှုအသိုင်းအ၀ိုင်းအတွင်း ကွာရှင်းပြတ်စဲခြင်းကို တင်စားပြောသည်။

မခင်ချောအနေဖြင့် ကွာရှင်းပြတ်စဲခဲ့သည်ကို စိတ်အားငယ်မိသော်လည်း ရှေ့ဆက်ရမည့် အနာဂတ်ခရီးကို ပိုမိုအာရုံစိုက်မည်ဟု ဆို၏။ လက်ရှိ မခင်ချော ကြုံတွေ့နေရသောဖြစ်ရပ်နှင့် အခြေအနေမျိုးကို ခံစားနေရသူများမှာ လူ့အဖွဲ့အစည်းတွင် ထင်ထားသည်ထက် ပို၍ရှိနေပါသည်။

ကွာရှင်းပြတ်စဲခြင်းမှာ တစ်ကမ္ဘာလုံးတွင် လေထန်သည့် ပင်လယ်မှ လှိုင်းတစ်လုံးလို တရိပ်ရိပ်ဖြင့် အရှိန်မြင့်လာသည်။၂၀၁၆ ဖေဖော်ဝါရီ ၁၄ ရက် ထွက်ပေါ်ခဲ့ သော ကွာရှင်းမှုအများဆုံး ၁၀ နိုင်ငံစာရင်းတွင် ဘယ်လ်ဂျီယံနိုင်ငံက တစ်ပြေးနေပြီး လက်ထပ် ထိမ်းမြားသူ အယောက်တစ်ရာလျှင် ၇၀ ရာခိုင်နှုန်းကျော်မှာ ကွာရှင်းပြတ်စဲကြသည်ဟု ဆို၏။ ထို့ ပြင် ပေါ်တူဂီနှင့် ဟန်ဂေရီတို့က ၆၈ ရာခိုင်နှုန်းကျော် ကွာရှင်းပြတ်စဲသည့်နှုန်းဖြင့် နောက်မှလိုက်နေကြ၏။ ထို့ပြင် wekipedia မှ စာ ရင်းအရ တစ်ကမ္ဘာလုံးတွင် လေး စက္ကန့်လျှင် ကွာရှင်းသူ စုံတွဲတစ်တွဲ ရှိနေပြီး လက်ထပ်သူ ၆၀ ရာခိုင် နှုန်းကျော်မှာ ကွာရှင်းပြတ်စဲနေကြကြောင်း ဆို၏။ ထိုအချက်အလက် များမှာ အနောက်တိုင်းနိုင်ငံများ ကို အသားပေး၍ ကောက်ယူထားသော စာရင်းများဖြစ်၏။ Wekipedia နှင့် Dailymail၊ Country Dtail မှ အသီးသီး ကောက်ယူထား သော ဒေသတွင်း အာရှနိုင်ငံအချို့၏ ကွာရှင်းမှုနှုန်းမှာ ပို၍ပင်အံ့သြ ဖွယ်ကောင်းနေသည်။

ယခင်ငါးနှစ်တာ ကောက်ယူမှုစာရင်းများအရ ဂျပန်နိုင်ငံတွင် ထိမ်းမြားလက်ထပ်သူ ၃၆ ရာခိုင် နှုန်းမှာကွာရှင်းပြတ်စဲကြပြီး တရုတ်တွင် ၂၂ ရာခိုင်နှုန်း၊ စင် ကာပူတွင် ၂၈ ရာခိုင်နှုန်းနှင့် အိမ်နီးချင်း ထိုင်းနိုင်ငံတွင် လက်ထပ်သူ ၂၅ ရာခိုင်နှုန်းမှာ ကွာရှင်းပြတ်စဲခြင်းပြုနေကြသည်။

တစ်လင်တစ်မယား စနစ်ကျင့်သုံးသော မြန်မာနိုင်ငံတွင်လည်း ယခုအချိန်အထိ သီးသန့်စာရင်းကောက်ခံမှု မရှိသော်လည်း ကွာရှင်းပြတ်စဲခြင်းဆိုသည့် လှိုင်းလုံးမှာ မြန်မာနိုင်ငံကိုပါ ရိုက်ခတ်နေသည်ကတော့ ကိန်းဂဏန်း အချို့က သက်သေပြနေပါသည်။

ရန်ကုန်တိုင်းအတွင်း ဗဟန်း မြို့နယ်တရားရုံး၊ မြောက်ဥက္က လာပမြို့နယ် တရားရုံးနှင့် ဗိုလ် တထောင်မြို့နယ် တရားရုံးသတင်းနှင့် ပြန်ကြားရေးရုံးမှ စာရင်းများအရ ခြောက်လတာကာလ အတွင်းမှာပင် ကွာရှင်းပြတ်စဲမှုများ နှင့် သားသမီးအုပ်ထိန်းခွင့် ရယူလိုသည့်ကိစ္စများ၊ အိမ်ထောင်ရေး ပြဿနာနှင့် သက်ဆိုင်သောအမှုများမှာ သိသာစွာတိုး၍လာခဲ့ပါ သည်ဟုဆိုပါသည်။ မြောက်ဥက္ကလာပ တရားရုံးတွင် ၂၀၁၄ ပထမ ခြောက်လတာ စာရင်းပေါင်းအရ အိမ်ထောင်ရေးပြဿနာနှင့် စပ်လျဉ်းသော အမှုပေါင်း ၁၂၀ကျော် ရှိခဲ့ပြီး ၂၀၁၆ ဇန်န၀ါရီမှ မေလအထိကိုပင် အိမ်ထောင်ရေးပြဿနာ နှင့် စပ်လျဉ်းသော အမှုပေါင်း ၁၆၄ မှုရှိခဲ့သည်။ ကျန်မြို့နယ် တရားရုံးများတွင်လည်း ထိုကဲ့သို့ အိမ်ထောင်ရေးပြဿနာနှင့် စပ်လျဉ်းသော အမှုများမှာ သိသာစွာမြင့် တက်နေသည်ဟု ဥပဒေနယ်ပယ် မှ ကျွမ်းကျင်သူများက ဆိုကြသည်။

‘‘ချက်ချင်းအမှုတွေ တက်လာတာတော့ မဟုတ်ဘူး။ တစ်စနဲ့ တိုးလာတာပါ။ အရင်နဲ့ပြန်ယှဉ်ကြည့်လိုက်တော့ အရေအတွက် တော်တော်ဟလာတယ်’’ဟု ဗဟန်းမြို့နယ်တရားရုံး သတင်းနှင့်ပြန်ကြားရေးမှ ကိုညီဘော်ကဆို၏။

အခြားတရားမမှုများနှင့် ရာဇ၀တ်မှုများမှာလည်း နှစ်စဉ် တိုးနေကျဖြစ်သော်လည်း အိမ်ထောင်ရေး ပြဿနာကွာရှင်းမှုနှင့် ပြစ်မှုများ တိုးလာခြင်းမှာ လူ့အဖွဲ့အစည်း၏ စာရိတ္တနှင့် ခံယူချက်ကို တိုင်းတာ ရန် ပေတံတစ်ခု
ဖြစ်လာသည်ဟု တရားလွှတ်တော်ရှေ့နေ ဦးအောင်ကြွယ်က ပြောသည်။

‘‘ပတ်ဝန်းကျင်မှာလည်း ကြားကြားနေရတယ်။ လင်မယားတွေ ခဏခဏကွဲကြတယ်။ ကွာရှင်းတယ်။ ပြီးရင် လူပျိ၊ အပျိုအတိုင်းပဲ ပြန်နေကြပြန်ရော။ မကွာရှင်းနဲ့ ဘာဖြစ်ဖြစ် သည်းခံပေါင်းလို့ ဆိုလိုတာ မဟုတ်ဘူး။ အရာရာကို လက်လွတ်စပယ် ဆုံးဖြတ်ပြီး ယုံကြည်မှုတွေ လွန်ကဲနေတာလည်း လူ့အဖွဲ့အစည်းမှာ အနုတ်လက္ခဏာပဲ’’ဟု ဦးအောင်ကြွယ်က သုံးသပ်ပြောကြားသည်။

ထို့ပြင် နိုင်ငံပိုင်သတင်းစာ၏ စာမျက်နှာ ၃၀နှင့် နောက်ပိုင်းတွင် နှစ်ဦးသဘောတူ ကွာရှင်းပြတ်စဲခြင်းဆိုသည့် ကြေညာချက်လေးများလည်း အတွေ့ရစိပ်လာ၏။ ၂၀၁၆ လေးလတာတွင် ကွာရှင်းပြတ်စဲသည့် ကြေညာချက် ၂၄ ခုတွေ့ရ၏။ ထိုအရေအတွက် မှာ ယခင်နှစ်များကထက် ပို၍တိုး လာခြင်းဖြစ်သည်။ ထို့ပြင် အိမ် ထောင်ရေးပြစ်မှုများ၊ ကွာရှင်းမှု များ ပိုမိုများပြားလာသည်ကို သိ သာလာစေရန် မီးမောင်းထိုးပြ လိုက်သည်ကတော့ တစ်လင်တစ် မယား စနစ်ကျင့်သုံးခြင်းဆိုင်ရာ ဥပဒေပြဋ္ဌာန်းလိုက်ခြင်းပင် ဖြစ်သည်။ အဆိုပါဥပဒေ ပေါ်ထွက်လာပြီးနောက် ယခင် လင်မယား ကွာရှင်းခြင်းဆိုင်ရာ လုပ်ထုံးလုပ်နည်းများမှာလည်း ပိုလာခဲ့သည်။

တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေအရ တရားဝင် ထိမ်းမြားလက်ထပ် ထားပါက တရားဝင် ကွာရှင်းပြတ်စဲခြင်း မပြုဘဲ နောက်အိမ်ထောင်ပြုလျှင် တစ်လင်တစ်မယားစနစ်အရလည်း ပြစ်မှုမြောက်သည်။ ထို့ပြင် တရားဝင်ကွာရှင်းပြီး လူသိရှင်ကြား ပြန်လည်ပေါင်းသင်းပါက စာချုပ် အလိုလိုပျက်ပြယ်၏။ ထပ်မံကွာရှင်းမည် ဆိုလျှင် ကွာရှင်းစာချုပ် ပြန်လည်ချုပ်ဆိုရမည် ဖြစ်သည်။ မဟုတ်ပါက တစ်လင် တစ်မယားဥပဒေနှင့် ငြိနိုင်ကြောင်း အထက်တန်းရှေ့နေ ဦးသာစောက အခြေခံ ကွာရှင်းပြတ်စဲခြင်းဆိုင်ရာ အချက်များကို ရှင်းပြ၏။ ထို့ ပြင် ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ မကြာသေးမီက ထုတ် ပြန်ခဲ့သောစာရင်းမှာ လင်မယား ကွာရှင်းမှုနှင့် အိမ်ထောင်ရေး ဆိုင်ရာပြဿနာများ ဖုံးမရနိုင်အောင် များပြားလာသည်ကို သိသာစေခဲ့သည်။

အဆိုပါစာရင်းများအရ ရန်ကုန်တိုင်းအတွင်း တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေဖြင့် အမှုဖွင့်တိုင်ကြားမှု ပေါင်း တစ်လလျှင် အမှု ၂၀ အထိရှိနေပြီး နှစ်ရက်လျှင် တစ်မှုနှုန်း ဖြစ်ပွားနေခြင်းဖြစ်သည်။ ဥပဒေပြဋ္ဌာန်းသည်မှ လက်ရှိအချိန်အထိ ကိုးလအတွင်း အမှုပေါင်း ၂၀၀ ခန့်ရှိနေသည်ဟုလည်း လတ်တလော မေးမြန်းမှုများအရ စုံစမ်းသိရ၏။ အဆိုပါအရေအတွက်မှာ တစ်လင် တစ်မယားစနစ် ဥပဒေဖြင့် သက်ဆိုင်သော အရေအတွက်သာဖြစ်ပြီး နှစ်ဦးသဘောတူကွာရှင်းပြတ်စဲမှုများနှင့် ဥပဒေအရ ဟုတ်ဘဲလင်ခန်း၊ မယားခန်းပြတ်သည့် အရေအတွက် များမပါဝင်သေးပေ။

‘‘ဒါဟာ သိပ်အံ့သြဖို့ကောင်းတဲ့ ပမာဏဖြစ်နေပြီ’’ဟု အထက်တန်းရှေ့နေ ဦးသာစောက ပြော ပါသည်။

၎င်းအနေဖြင့်လည်း အိမ်ထောင်ရေးပြဿနာများ များပြားနေခြင်းမှာ မကောင်းသည့် လက္ခဏာဟု ဆက်၍ပြောသည်။ ရန်ကုန်မြို့တွင် လူဦးရေ ခုနစ်သန်းကျော်နေထိုင်ပြီး အမျိုး သား ၄၅ ရာခိုင်နှုန်းနှင့် အမျိုးသမီး ၅၄ ရာခိုင်နှုန်း တို့သည် အိမ်ထောင်ကျဖူးသူများဖြစ်သည်။ အမျိုးသမီးဦးရေသည် အမျိုးသားဦးရေထက် နှစ်သန်းခန့် ပိုနေသည်။အမျိုးသမီး ဦးရေမှာ ပို၍နေသည့်အပြင် ဥပဒေကြောင်းအရအပြင် ယဉ်ကျေးမှု ဓလေ့အရပါ ကွာရှင်းပြတ်စဲမှုဖြစ် ပွားလျှင် အမျိုးသမီးများကသာ ပို၍ နစ်နာကြောင်း ဥပဒေပညာရှင်များက ဆိုသည်။

ကြည့်မြင်တိုင်မြို့နယ် ဟုမ်းလမ်းတွင် နေထိုင်သူ မအေးမြင့် မြင့်စိုးကတော့ လင်မယားကွာရှင်းခြင်းသည် ဘ၀တစ်ခုလုံးကို မထိခိုက်နိုင်ဘဲ ပိုမိုကောင်းမွန်သည့် ရွေးချယ်မှုများပင် ပြုနိုင်သည်ဟု ယုံကြည်ထားသူဖြစ်သည်။ ၎င်း သည် ၂၀၁၄ စက်တင်ဘာတွင် အမျိုးသားနှင့် လင်မယားခန်းပြတ် ကွာရှင်းခဲ့သည့် သုံးနှစ်အရွယ် ကလေးတစ်ဦးမိခင်ဖြစ်သည်။ လက်ရှိတွင် အထည်ချုပ်လုပ်ငန်း လုပ်ကိုင်နေသည်။

‘‘အိမ်ထောင်ရေးမသာယာ ဘဲနဲ့တော့ ဘာမျက်နှာ၊ ညာမျက်နှာဆိုပြီး ကျွန်မရှေ့မဆက်နိုင်ပါဘူး။ ကျွန်မခြေ၊ ကျွန်မလက်နဲ့ လုပ်စားပြီး ကလေးကို ကျွေးမွေးနိုင်တယ်’’ ဟု ပြတ်သားစွာ ဆိုပါသည်။

မအေးမြင့်မြင့်စိုး၊ မခင်ချော (အမည်လွှဲ)အပါအ၀င် အိမ်ထောင်ကွဲဖူးသူ နောက်ထပ် လေး ဦးနှင့် အရပ်သား ၁၄ ဦး၊ရှေ့နေနှင့် ဥပဒေကျွမ်းကျင်သူ ငါးဦးကို စစ် တမ်းသဘောအဖြစ် အိမ်ထောင်ကွဲရသည့် အဓိကအကြောင်းရင်း များကို မေးမြန်းခဲ့သည်။ ပထမအချက်အနေဖြင့် စီးပွားရေး အဆင်မပြေမှု၊ ဖိအားနှင့် ထိတွေ့ဆက်ဆံမှုနည်းခြင်းတို့ကြောင့် အိမ်ထောင်ကွဲကြသည်ဟု အများစုက ဖြေကြသည်။

ဒုတိယအချက်ကတော့ ဖေ့စ်ဘွတ်ခ်၊ Bee Talk၊ Line၊ Viber စသည့် တစ်ဦးနှင့် တစ်ဦးလွယ်ကူအောင် ဆက်သွယ်စေနိုင်သည့် နည်းပညာ လူမှုကွန်ရက်ဟု ခေါ်ဆိုကြသောအရာများက အိမ်ထောင်ရေး အဆင်မပြေမှုများ အတွက် အကြောင်းအရင်းဖြစ်လာသည်ဟု ၎င်းတို့အများစုက တညီတညွတ်တည်း ဆိုကြသည်။

လက်ရှိမြန်မာနိုင်ငံတွင် လူသုံးအများဆုံးဟု ဆိုနိုင်သည့် ဖေ့စ်ဘွတ်ခ်လူမှုကွန်ရက်ကြောင့် ထိုကဲ့သို့ အိမ်ထောင်ရေးပြဿနာအများစုဖြစ်ကြသလိုပင် လင်မယား နှစ်ဦးကြား အိမ်ထောင်ရေးဖောက်ပြန်မှုများကို ဖေ့စ်ဘွတ်ခ်စာမျက်နှာ မှတစ်ဆင့် လူသိရှင်ကြားဖွင့်ချ ပြောဆိုခြင်းတို့မှာ အတွေ့ရစိပ်လာသည်။ ခင်ပွန်းယောက်ျားကတခြားအမျိုးသမီးနှင့် အွန်လိုင်းပေါ်တွင် ချစ်ကြိုက်၍ ပြောဆိုကြသည်ကို သက်သေရယူကာ အွန်လိုင်းတွင် ပြန်လည်ဖော်ပြ၍ အိမ်ထောင်ရေး အရှုပ်အရှင်းများကို အများသူငါသိရှိရန် ဖော်ထုတ်ပြောဆိုမှုများလည်း အတွေ့ရများလာသည်။ ထိုသို့ မိမိအကြောင်းနှင့် ခင်ပွန်းသည်၏ အွန်လိုင်းတွင် ဖောက်ပြန်မှုကို အွန်လိုင်းမှာပင် ဖောက်သည်ပြန်ချကာ ဖွင့်ချပြောဆိုမှုများကို သည်းခြေကြိုက်မျှဝေသူ၊ မှတ်ချက်ပေးသူများလည်း ရှိသည်။ ထို့ကြောင့် လူမှုကွန်ရက်တွင် ထိုကဲ့သို့ အိမ်ထောင်ရေး အရှုပ်အရှင်းများတွေ့ရပါက အချိန်တိုအတွင်းပင် ပျံ့နှံ့လေ့ရှိ၏။

‘‘အဓိကက လူမှုကွန်ရက် တွေပေါ်မှာ ယောက်ျား၊ မိန်းမတွေ ဇာတ်လမ်းရှုပ်ကြတာ။ ဖောက်ပြန်ဖို့ အလွန်အလွယ်တကူ ရှိလာကြတယ်။ အိမ်ထောင်ရေး မပြိုကွဲရင်တောင် အက်ကြောင်းတွေဖြစ်လာပြီး ယုံကြည်ဖို့ ခက်ခဲလာတာ’’ ဟု မန္တလေးမြို့မှ တရားလွှတ်တော် ရှေ့နေ ဦးစောထိန်သိန်းက ပြောသည်။ နိုင်ငံတကာမှ စစ်တမ်းကောက်သည့် အဖွဲ့များမှ ကောက်ယူထားပြီး Huffpost မဂ္ဂဇင်းနှင့် Wekipedia တွင် ဖော်ပြထားချက်အရ တစ်ကမ္ဘာလုံး၌ လူမှုကွန်ရက်ကြောင့် လင်မယား ကွာရှင်းပြတ်စဲမှုများ၊ အိမ်ထောင်ရေး ဖောက်ပြန်မှုများမှာ ၇၆ ရာခိုင်နှုန်းဖြင့် တတိယနေရာတွင် တည်ရှိနေ၏။

မအေးမြင့်မြင့်စိုးသည်လည်း လူမှုကွန်ရက်တွင် ပျော်မွေ့ခဲ့သည့် လင်ယောက်ျားဖြစ်သူနှင့် ကံအကြောင်းမလှစွာ လမ်းခွဲခဲ့ရသူဖြစ်၏။

‘‘အိမ်ထောင်သက်လည်း ကြာပါပြီ။ ဖေ့စ်ဘွတ်ခ်မှာ ကောင်မလေးတစ်ယောက် နဲ့ပတ်သက်ပြီး ရန်ခဏခဏဖြစ်ရတယ်။ ခဏခဏလည်း သူထပ်လုပ်တယ်’’ဟု ၎င်းက ပြောသည်။ ဆက်လက်၍ ‘‘နောက်ဆုံးတော့ ကျွန်မကို ထားခဲ့ချင်တဲ့ပုံပဲ။ ကျွန်မလည်း လမ်းခွဲပေးလိုက်ပါတယ်’’

သူတို့နှစ်ဦး၏ သဘောတူ လမ်းခွဲခြင်း သက်သေကို နိုင်ငံပိုင် သတင်းစာ၏ စာမျက်နှာ (၃၀) မှာ တရားဝင်မဖော်ပြခဲ့ပေ။ တရားဥပဒေအရ မဟုတ်ဘဲ လင်ခန်း၊ မယားခန်းပြတ် လမ်းခွဲခြင်းဖြစ်ပြီး အိမ်နီးချင်းနှင့် ဆွေမျိုးအသိုင်းအ၀ိုင်း မှလွဲ၍ သိရှိသူမရှိခဲ့ပေ။ ဥပဒေကြောင်းအရ လမ်းခွဲခြင်းမဟုတ် သောကြောင့် လင်ယောက်ျားထံမှ လျော်ကြေးငွေနှင့် ပစ္စည်းခွဲဝေမှု တို့လည်း မရခဲ့ပေ။ ကလေးတစ်ဦး မိခင်ဖြစ်သော မအေးမြင့်မြင့်စိုးသည် လင်ယောက်ျားကို ကွာရှင်းပေးခဲ့ရသော်လည်း ထိုလုပ်ရပ်အတွက် နောင်တမရကြောင်း ဆိုသည်။ ထို့ပြင် အလှည့်အပြောင်းများသည့် ယနေ့ခေတ်တွင် တစ်ဦး နှင့် တစ်ဦးချစ်သည် ဆိုသည်ထက် သစ္စာထားနိုင်ခြင်း ကသာ ပို၍အရေးကြီးကြောင်း ၎င်းကဆိုသည်။

ဟိန်းသာ - 7day