ယောက္ခမကို ဘယ်တော့မှ မပြောရမယ့် စကားများ

အိမ်ထောင်ရေးအဆင်ပြေဖို့အတွက် လိုက်နာရမယ့်စည်းမျဉ်းတွေနဲ့ ရှောင်ကြဉ်ရမယ့် စည်းကမ်းတွေ အများကြီးရှိတတ်ပါတယ်။ နှစ်ဦးနှစ်ဖက် အပေးအယူမျှရင်တောင် အသိုင်းအဝိုင်းရဲ့ လွှမ်းမိုးမှုက အရမ်းအရေးကြီးပါတယ်။ အဲ့ဒီထဲမှာ ကိုယ့် ယောက်ျားရဲ့ အမေနဲ့ အဆင်ပြေဖို့ အတတ်နိုင်ဆုံး ကြိုးစားဖို့ လိုပါတယ်။ ယောက္ခမနဲ့ အဆင်ပြေချင်တဲ့ ချွေးမများအနေနဲ့ ရှောင်ကြဉ်ရမယ့် စကားတွေရှိပါတယ်။ ဒီစကားလေးတွေကတော့-

-ကျွန်မယောက်ျားအကြောင်း ကျွန်မပိုသိပါတယ်ဆိုတဲ့ စကားမျိုး ယောက္ခမရှေ့မှာ သွားပြောလိုက်မိရင်တော့ သူနဲ့ကိုယ့်ကြားမှာ အကြီးဆုံး ရန်ပွဲကို အစပျိုးလိုက်သလို ဖြစ်မှာပါ။ ဒါက သူ့အမေနေရာကို ကိုယ်က အစားထိုးယူလိုက်ပြီး အမေက သားဖြစ်သူအတွက် အရေးမပါတော့အောင် ကိုယ်ကဖန်တီးနေသလို အထင်ရောက်သွားမှာ ဖြစ်ပါတယ်။

-ကျွန်မတို့ အိမ်ထောင်ရေးမှာ ဝင်မပြောပါနဲ့ ဆိုတဲ့ စကားမျိုးကလည်း လုံးဝမပြောသင့်တဲ့ စကားဖြစ်ပါတယ်။ ယောက္ခမဖြစ်သူက ပြောတဲ့အကြောင်းအရာကို ကိုယ်က လိုက်မလုပ်နိုင်ပေမဲ့ သူကလည်း မိဘတစ်ဦးဖြစ်တဲ့အတွက် လေးစားမှုရှိရပါမယ်။ သူ့အယူအဆကိုလက်မခံကြောင်း ပါးစပ်က ထုတ်ပြောလိုက်တာက လူကြီးတစ်ဦးရဲ့ စိတ်ခံစားချက်ကို ထိခိုက်စေနိုင်တယ်ဆိုတာကို ထည့်စဉ်းစားသင့်ပါတယ်။

-ကျွန်မအမေချက်တဲ့ လက်ရာက ပိုကောင်းတယ် ဆိုပြီး ယောက္ခမဖြစ်သူ ရှေ့မှာ ပြောလိုက်တာက သူ့စေတနာကို အသိအမှတ်မပြုဘူးဆိုတဲ့ သဘောပဲဖြစ်ပါတယ်။လောကမှာ ကိုယ့်အမေချက်တဲ့ အစားအသောက်ကသာ ကိုယ့်အတွက် အကောင်းဆုံးဖြစ်တယ်ဆိုတာ အမှန်ပဲ ဖြစ်သလို သူ့သားဖြစ်သူအတွက်လည်း သူ့အမေရဲ့ လက်ရာက အကောင်းဆုံး ဖြစ်တဲ့အတွက် သားဖြစ်သူကို သူ့စိတ်ကြိုက် ချက်ကျွေးခွင့် ပြုထားလိုက်ပါ။ဘယ်တော့မှ ကိုယ့်အမေဖြစ်သူနဲ့ နှိုင်းယှဉ်ပြီး မပြောမိပါစေနဲ့။

-ယောက္ခမ ဖြစ်သူဝယ်လာတဲ့ လက်ဆောင်ကို မကြိုက်ဘူးလို့ မပြောမိပါစေနဲ့ ။ဝယ်လာတဲ့ ပစ္စည်းက ကိုယ့်အကြိုက် မဟုတ်တဲ့ ပစ္စည်းတစ်ခု ဆိုရင်တောင် လိုလိုလားလား လက်ခံပေးလိုက်ပါ။နောက်မှ ကိုယ်မသုံးချင်လည်း ထားလိုက်လို့ရပါတယ်။ လက်ဆောင်ကို ဝမ်းပန်းတသာ လက်ခံပေးလိုက်ခြင်းအားဖြင့် ယောက္ခမဖြစ်သူကို ပျော်ရွှင်စေရုံမက အကောင်းဆုံး ချွေးမတစ်ယောက်လည်း ဖြစ်စေမှာ ဖြစ်ပါတယ်။

Ref:timesofindia.indiatimes
ခင်သူဇာ - Trend Myanmar