ကိုယ့်အနုပညာနဲ့ ပတ်သက်ရင် ကိုယ်တိုင် တိုက်ထုတ်ရမှာမို့ ပရိသတ်အကြိုက် မလုပ်ကြဖို့ တက်သစ်စလူငယ်တွေကို မှာကြားလိုက်တဲ့ ဂျောက်ဂျက်

ဖြတ်သန်းလာတဲ့ ဂီတသက်တမ်း ဆယ်နှစ်ကျော်အတွင်းမှာ ကိုယ်ကြိုက်တာတွေပဲ ကိုယ်ကိုယ်တိုင်ရွေးပြီး လုပ်လာခဲ့တဲ့အတွက် နေရာလေးတစ်ခု မပျောက်ပျက်ခဲ့သလို ထွက်ခဲ့တဲ့ အခွေတိုင်းရဲ့ အခွေတိုင်းကလည်း ပရိသတ်တွေရဲ့ အားပေးမှုကို အပြည့်အ၀ရခဲ့တဲ့ ရက်ပ်ပါ ဂျောက်ဂျက်နဲ့ ခုတစ်ကြိမ်တွေ့ဆုံဖို့ ဖြစ်လာတဲ့အခါမှာတော့ သူ့ရဲ့ ပထမအခွေ ငါသည်သာငါ့ပြိုင်ဖက်၊ ဒုတိယအခွေ တိုင်းသိပြည်သိနဲ့ ခုလက်ရှိမှာ ဖန်တီးပုံဖော်နေတဲ့ တတိယအခွေ စကားလုံးတိုက်ပွဲအကြောင်း မေးမြန်းဖြစ်ခဲ့ပါတယ်။

-ပထမဆုံး အနေနဲ့ လက်ရှိ ဂီတလှုပ်ရှားမှု အနေနဲ့ ဘာတွေ လုပ်ဖြစ်နေလဲဆိုတာလေး ပြောပြပါဦး။

လက်ရှိက ကျွန်တော် တတိယ အခွေ အသံသွင်းနေတယ်။ စကားလုံးတိုက်ပွဲတဲ့။ ဒီနှစ်ထဲ သင်္ကြန်အပြီးမှာ ထွက်ဖို့အတွက် ပြင်ဆင်နေတယ်။ နယ်ရှိုးတွေ နည်းနည်းပါပါးသွားတယ်။ ကြားထဲမှာ အွန်လိုင်း Release သဘောမျိုး သီချင်း လေးတွေ နည်းနည်းပါးပါး လုပ်ဖြစ်တယ်။ အခွေအတွက်လဲ လုပ်ဖြစ်တယ်။ အတွဲခွေတွေလဲဆိုဖြစ်တယ်။

-ပရိသတ်ကို တစ်ပုဒ်ပေးထားတာလဲတွေ့တယ်။

ဟုတ်တယ်။ ကျွန်တော် New Year Night တုန်းက ပေးထားတာ ကျွန်တော်ရယ်၊ Satan ရယ် နှစ်ယောက်ဆိုထားတာ ပေါ့။ အဲ့ဒီသီချင်းက ပေါက်မဲ့ သီချင်းမျိုး မဟုတ်ဘူး။ ကျွန်တော်တို့ သီချင်းတွေတော်တော်များများ လုပ်ဖူးတယ်။ မပေါက်ပဲနဲ့ လူတိုင်းမကြိုက်တဲ့ သီချင်းမျိုးလဲ ရှိတယ်။ အဲ့ဒီသီချင်းမျိုးက လူတိုင်းကြိုက်တဲ့ သီချင်းမျိုး မဟုတ်ဘူး။ ကျွန်တော်တို့ကြိုက်တဲ့ သီချင်းမျိုးကို New Year Night မှာရောင်းစားတာလဲ မဟုတ်ဘူး။ လူတိုင်းကို နားထောင်စေချင်လို့ အွန်လိုင်းကနေပေးခဲ့တယ်။ ကျွန်တော့်ကို အားပေးတဲ့ ကျွန်တော့်ကို စလက်ခံခဲ့တဲ့သူတွေအတွက် သူတို့လက်ခံတဲ့ပုံစံမျိုးပေါ့။ ကျွန်တော်ကြိုက်တဲ့ပုံစံတွေပါ။

-တတိယအခွေအတွက် ဘယ်နှစ်ပုဒ်လောက်မှန်းထားလဲ။

၁၂ပုဒ်၊ ၁၃ ပုဒ်လောက်တော့ မှန်းထားတယ်။ အခုတော့ တော်တော်ပြီးနေပြီ။ ဒါပေမဲ့ ကျန်တာလေးတွေလဲ ကျန်နေသေးတယ်။ Featuring တွေလဲ အများကြီးပါမယ်။ ကျော်ထွဋ်ဆွေတို့ဘာတို့အများကြီးပဲ။ မိန်းကလေးလဲ ၃ယောက်လောက်ပါမယ်။ ဒါပေမဲ့ လုပ်ထားတာတွေတော့ ရှိတယ်။ ဘယ်အပုဒ်ထည့်မယ်ဆိုတာကို အတိအကျမရွေးရသေးဘူး။ သီချင်းကအခွေထွက်ခါနီးမှပဲ အတိအကျသိရပါမယ်။

-အခုလုပ်နေတဲ့ တတိယအခွေမှာ အရင် Flow တွေအတိုင်းပဲလား။ စာသားရေးဖွဲ့မှုအပိုင်းနဲ့ပတ်သက်ပြီးတော့ရော ပြောင်းလဲမှုတွေရော တွေ့ရဦးမလား။

အဓိကကတော့ တစ်နှစ်နဲ့တစ်နှစ် ကျွန်တော်တို့ အသက်တွေကြီးလာတယ်။ တွေးတာလေးတွေလဲ ပြောင်းပြောင်းသွားတယ်။ ကောင်းတာတွေလဲ ရှိသလို ဆိုးတာတွေလဲရှိတယ်။ အဲ့ဒီတော့ သီချင်းတွေလုပ်တဲ့နေရာမှာလဲ အဲ့ဒီလိုပဲ။ လက်ရှိစိတ်ခံစားမှု နဲ့လဲ ဆိုင်တယ်။ ဒီနှစ်ထဲမှာ ကျွန်တော် လူတွေကို ဘယ်လိုမြင်လဲ။ ဒီနိုင်ငံကို ဘယ်လိုမြင်လဲ။ လက်ရှိဖြစ်နေတဲ့ အရာတွေကို ထည့်ရေးတာက ကျွန်တော့်ရဲ့ အကျင့်လိုဖြစ်နေပြီ။

-အသည်းကွဲသီချင်း၊ အချစ်သီချင်းနဲ့ အခြား ဘယ်လိုသီချင်းအမျိုးအစားတွေကို ထည့်မယ်လို့တွေးထားလဲ။

တတိအခွေမှာဆို အချစ်သီချင်းက ၂ ပုဒ်လားပဲ ပါသေးတယ်။ တစ်ပုဒ်က လှပါစေတဲ့။ ရည်းစားဟောင်းပေါ့။ အရမ်းကဲ တဲ့ရည်းစားဟောင်းက သူဌေးနဲ့ကြိုက်သွားပြီး မင်းဘ၀လှပါစေပေါ့။ အဲ့ဒီလိုလေးရေး ထားတယ်။ နောက်တစ်ပုဒ်ကကျတော့ ကောင်မလေးနဲ့ကမ်းခြေသွားတယ်ဆိုတဲ့ သီချင်းမျိုး အခွေမထွက်သေးတာ အချစ်သီချင်းနည်းနေသေးလို့လဲ ပါပါတယ်။ အချစ်သီချင်းကို ၄ ပုဒ်လောက်ထည့်ချင်တာပါ။ ကျန်တာကတော့ လူငယ်ဖြစ်တဲ့အတွက် လူငယ်ဖက်ကကြည့်ထားတဲ့အမြင်တွေ၊ လူငယ်ဖက်ကဆိုတဲ့ဟာတွေ တစ်ခါတစ်လေကျရင်လဲ နားလည်မှုလွဲတာမျိုးဖြစ်တာပေါ့။ နားထဲမှာ ကိုးလို့ကန့်လန့်ဖြစ်တဲ့သီချင်းမျိုးတွေလဲပါနိုင်ပါတယ်။ ဒါလဲ ကျွန်တော်လက်ခံပါတယ်။ ဒီအသက်အရွယ်မှာ ဒီစိတ်နဲ့ ဒီသီချင်းကိုလုပ်တယ်။ ကျွန်တော် ဆယ့်ခြောက်နှစ်လောက်က လုပ်ခဲ့တဲ့သီချင်းကို အသက်ငါးဆယ်လောက်ရောက်မှ မကောင်းဘူးပြောတာတော့ ကျွန်တော်မကြိုက်ဘူး။ အဲ့ဒါတွေကိုပဲ အားလုံးကို ပေးဖို့စိတ်ကူးရှိပါတယ်။

-လက်ရှိဖြတ်သန်းလာတဲ့ ဂီတသက်တမ်းကရော ဘယ်လောက်ရှိသွားပြီလဲ။

၂၀၀၄ နှစ်ကုန်မှာစဆိုတာဆိုတာ့ ၁၀ နှစ်တော့ကျော်ပါပြီ။

-အစ်ကိုတို့နောက်က တက်လာတဲ့ အသစ်လေးတွေအပေါ်မှာ အစ်ကို့အမြင်ကရော ဘယ်လိုရှိလဲ။

ကျွန်တော်က အငယ်တွေကို တွေ့ရင် အမြဲပြောတယ်။ ဆရာကြီးလုပ်ပြီးပြောတာတော့ မဟုတ်ဘူး။ အကြံပေးတာပေါ့။ ကျွန်တော်ကြုံခဲ့တဲ့ဟာမျိုး ရှိတယ်။ ဒီဟစ်ဟော့လိုင်းထဲမှာ ကျွန်တော့လိုလူမျိုး ၃ ယောက်၊ ၄ယောက်လောက် ထပ်ပေါ်လာတယ်။ ကျွန်တော်သိတယ်။ သူတို့ကို ကျွန်တော် အမြဲမှာတယ်။ မင်းတို့ကြုံရလိမ့်မယ်လို့ စအောင်မြင်တဲ့အချိန်မှာ ကိုယ်လုပ်ချင်တာ ကိုယ်လုပ်လို့မရတော့ဘူး။ ကိုယ့်အနုပညာနဲ့ပတ်သက်ပြီး ကိုယ်ကိုတိုင် တိုက်ထုတ်ရမှာ မဟုတ်ရင် မင်းတို့သုံး၊ လေးနှစ်လောက်ပဲ ခံမယ်လို့ကျွန်တော်ပြောလိုက်တယ်။

ပရိသတ်နောက်ကို အရမ်းမလိုက်နဲ့လို့ အဲ့ဒီစကားက တော်တော်တော့ရိုင်းပါတယ်။ ဒါပေမဲ့ မြန်မာပြည် အနေအထားနဲ့ကြည့်ရင် ပရိသတ်အနောက်ကိုလိုက်တာ အရမ်းမှားတယ်လို့ ခံစားရတယ်။ လူတွေကြိုက်နေတဲ့အရာတွေကိုပဲ လိုက်လိုက်လုပ်ပေးနေရင် အရမ်းလွဲတယ်လို့ကျွန်တော်ခံစားရတယ်။ ခဏခဏတွေ့နေရတယ်။ ဒါပေမဲ့ ကျွန်တော်မပုတ်ခတ်ပါဘူး။ အားလုံးက ကိုယ့်အလုပ်နဲ့ကိုယ်လုပ်နေကြတာဆိုတော့လေ။ ကျွန်တော့်တစ်ယောက်တည်းအမြင်နဲ့ပြောရရင် ကျွန်တော်က သူများကြိုက်တဲ့ဟာတွေကို လိုက်လုပ်တဲ့သူမျိုးမဟုတ်ဘူး။ ကျွန်တော်ကြိုက်တာ ကျွန်တော်လုပ်ရင်းနဲ့လူတွေကျွန်တော့်နောက် လိုက်လာတာလို့ပဲခံစားရတယ်။

အဲ့ဒါကြောင့် ကျွန်တော့်သီချင်းတွေကလဲ ဘယ်သူ့နောက်ကိုမှ လိုက်မှာမဟုတ်ဘူး။ အငယ်တွေကိုလဲ အမြဲပြောတယ်။ မင်းတို့က အဆိုတော်ဖြစ်နေပြီ။ မင်းတို့က နာမည်ကြီးနေပြီလို့မင်းတို့နောက်ကိုပဲ လူတွေက လိုက်ရမှာ။ လူတွေနောက်ကို မင်းတို့လိုက်စရာမလိုဘူးလို့ လူတွေနောက်ကိုလိုက်တာနဲ့မင်းတို့သွားမှာပဲလို့။ အဲ့ဒီစကားကို သူတို့ကတော့ နားလည်ချင်မှလဲ နားလည်လိ့မ်မယ်။ အဲ့ဒီစကားက ကျွန်တော်ဖြစ်ခဲ့တဲ့အရာတွေကို သင်ခန်းစာတစ်ခုအနေနဲ့ပြောပြတာပါ။ သူတို့လဲ တစ်ချိန်ကျရင်ကြုံမှာပါ။ သိပ်မကြာပါဘူး။ ခဏပါပဲ။ အောင်မြင်လာတဲ့ အချိန်မှာ လူတိုင်းကြုံရပါတယ်။ အဲ့ဒီဒဏ်ကိုခံနိုင်မှသာ လူတစ်ယောက်က ရေရှည်အဆင်ပြေတာပါ။ မဟုတ်ရင်တော့မလွယ်ပါဘူး။

-ဘယ်လိုမျိုးများကြုံခဲ့ရတာလဲ။

ဥပမာပေါ့ ။ ကျွန်တော်တို့အဆိုတော်တစ်ယောက်ဖြစ်လာပြီဆို ကျွန်တော့်အမြင်ပေါ့။ ကျွန်တော့ကိုလူမျိုးတွေအတွက် မှားတာတွေကို ပြောရင်ပြောမယ်။ ကျွန်တော်တို့ဆိုလာတဲ့သီချင်းတွေက နားကြားဆိုးတယ်။ ဒါပေမဲ့ မဟုတ်တာ မမှန်တာ မပါဘူး။ ကျွန်တော်တို့သီချင်းထဲမှာ တိုက်ခိုက်တယ်ဆိုတာ လူကောင်းတွေကို ဘယ်တော့မှ မတိုက်ခိုက်ဘူး။ နောက်တစ်ခုက အဲ့ဒါတွေ အကုန်လုံးကို ကိုယ်ကြိုက်လို့ကိုယ်လုပ်ရမယ်။ အနုပညာသများကို ဖျက်ဆီးတာက စီးပွားရေးသမားတွေ ဟုတ်သလို အနုပညာလောကကို မြှင့်တင်တာကလဲ စီးပွားရေးသမားတွေပါပဲ။ အဲ့ဒါကတော့ တကယ်ဒွန်တွဲနေတာပါ။

အဲ့ဒါတွေကို ကြိုပြီးမြင်နိုင်မှလဲရမယ်။ သီချင်းတစ်ပုဒ်မှာ ကိုယ်လုပ်နိုင်တဲ့ အင်အားရာခိုင်နှုန်းက ၁၀၀ မဟုတ်တောင် ၈၀ ရာခိုင်နှုန်းလောက်ထည့်ပြီး လုပ်ကြတယ်။ ဒါပေမဲ့ လုပ်လိုက်တဲ့ အရာအားလုံးကို ၅၀ ရာခိုင်နှုန်းလောက်ကို ထပ်ပြီး အနုပညာလုပ်နိုင်တဲ့လူတစ်ယောက်ရဲ့ အနုပညာတွေ ပျက်စီးသွားအောင်လုပ်နိုင်တာလဲ စီးပွားရေးသမားပဲ။ ၁၀၀ ရာခိုင်နှုန်းမှာ ၃၀ လောက်ပဲ ကျန်တော့မယ်။ ကိုယ့် mood ကို ကြည့်ချင်လို့၊ ကိုယ့် mood ကိုနားထောင်ချင်လို့၊ကိုယ့် mood ကိုခံစားချင်လို့လာတဲ့သူတွေက ၁၀၀ တောင်မရှိတော့ဘူး။ ၈၀ တောင်မရှိတော့ဘူး။ ၃၀လောက်ပဲရှိတော့တယ်ဆိုရင် ပရိသတ်ယုံကြည်မှုနဲ့ဆိုင်သွားတာပေါ့။ အဓိက လူတွေယုံကြည်သွားပြီဆိုရင် ဘာလုပ်လုပ် အဲ့ဒီလူနောက်ကိုတော့ လိုက်ကြမှာပဲ။

လူတွေ Current မဖြစ်ကြတော့ဘူး။ Active မဖြစ်ကြတော့ဘူး။ အဲ့ဒါတွေမျိုးစုံကို ကျွန်တော်တို့လောကထဲမှာမြင်ခဲ့တာပဲ။ အဲ့ဒါတွေက သူတို့ကိစ္စ ၊ ကျွန်တော်တို့ကျတော့ ကိုယ့်သီချင်းကို ကိုယ်ကိုတိုင်ကြုံရတာနဲ့ ကိုယ်ကိုတိုင် တီးထားတဲ့ Beat ပေါ်မှာ ကိုယ်ကိုတိုင် ရေးပြီးစိတ်ကြိုက် အနုပညာတစ်ခုကို ဖန်တီးလိုက်တယ်။ အဲ့ဒီဖန်တီးမှုကို လက်ခံတဲ့သူတွေက တော်ရုံတန်ရုံ ကျွန်တော်တို့ကို ဘယ်တော့မှမမေ့ဘူး။ ကျွန်တော်တို့နယ်တွေ သွားနေရတယ်။ သီချင်းတွေဆိုနေရတယ်။ ရန်ကုန်မှာတော့ ခေတ်အလှည့်အပြောင်းနဲ့က အမြဲတမ်းကြုံရမှာပဲ။ တစ်သက်လုံး မပါတော့တာ မဟုတ်ဘူး။ နောက်လဲပြန်လာချင်လာမယ်။

ကျွန်တော်တို့အခွေထွက်ခါနီးမှပြန်ဆိုချင် ဆိုမယ်။ ဒါပေမဲ့ ပရိသတ်တွေ ပရိသတ်တွေရဲ့ အမြင်ထဲမှာကျတော့ သူတို့ရဲ့ ယုံကြည်မှုကို ပျက်ပြားအောင် မလုပ်ပါနဲ့။ အဲ့ဒီလိုလုပ်လိုက်တာနဲ့ အဲ့ဒီလူက ကိုယ့်သေတွင်းကိုယ်တူးတာနဲ့ အတူတူပဲလို့ခံစားရတယ်။ အဓိကကတော့ ကိုယ်ကြိုက်တာ ကိုယ်လုပ်ခဲ့ပြီးပြီမလား။ အဲ့ဒီဟာပဲ ဆက်လုပ်ပါ။ သူများလုပ်တာကို လိုက်လုပ်တာမျိုး ဘယ်တော့မှမလုပ်ပါနဲ့။ အဲ့ဒီဟာကို ကျွန်တော်အားလဲမပေးဘူး။

-နယ်ရှိုးတွေရော လက်ခံထားတာရှိဦးမလား။

မနက်ဖြန် ပျော်ဘွယ်သွားရမယ်။ ချစ်သူများနေ့လဲ နယ်မှာပဲဖြစ်မယ်ထင်တယ်။

-ရန်ကုန်ရှိုးမှာ ပျောက်နေတာနဲ့ပတ်သက်ပြီး ပြောပြပေးပါဦး။

ရန်ကုန်ရှိုးမှာကျတော့ အလှည့်ပေါ့နော်။ ကျွန်တော်တို့ဆိုတုန်းကလဲ တခြားလူတွေကို အလှည့်ပေးရတာမျိုးရှိတယ်။ နောက်လူတွေလဲ ကျွန်တော်တို့အလှည့်ပေးရမှာပဲ။ အဓိကကတော့ ကျွန်တော်က စီးပွားရှာနေတယ်။ အလုပ်တွေ လုပ်နေတယ်ဆိုတာကတော့ ရန်ကုန်ရှိုးနဲ့မဟုတ်ပါဘူး။ ရန်ကုန်ရှိုးက ပရိသတ်တွေနဲ့တွေ့ဖို့ သက်သက်ပါ။ နယ်ကတော့ အမြဲသွားနေရပါတယ်။ ကိုဘိုစန်းတို့လာတောင်းတဲ့ တချို့ပွဲတွေဆို ကျွန်တော်ကရှောင်လိုက်တာ များပါတယ်။ New Year Night ဆိုရင်လဲ ကိုဘိုစန်းက အစောကြီးကတည်းကပြောတယ်။ ဒါပေမဲ့ကျွန်တော်ရှောင်ပြီး တခြားမှာပဲ သွားဆိုလိုက်တယ်။

-တက်သစ်စ လူငယ်တွေထဲမှာ ဘယ်သူတွေကို သဘောကျမိလဲ။

Lil ‘z ၊ X-box နဲ့အောင်ဟိန်းကိုကြိုက်တယ်။ ဒီကောင်တွေသုံးကောင်လုံးကို ကျွန်တော့်စိတ်ထဲမှာရှိတယ်။ အရည်အချင်းလဲရှိကြတယ်။ တစ်ယောက်နဲ့တစ်ယောက် ဆိုပုံဆိုပေါက်တွေလဲမတူကြဘူး။ ခံယူချက်ချင်းလဲ မတူကြဘူး။ ဒီကောင်တွေသုံးကောင်လုံးကိုကြိုက်တယ်။ သူတို့နဲ့သီချင်းတွေလဲ တွဲလုပ်ဖြစ်တယ်။ တူတူမျောဖြစ်တယ်။ lil’z နဲ့တစ်ပုဒ်လုပ်ထားတယ်။ သူ့အခွေထဲမှာ ထည့်မယ်ပြော တယ်။ နောက်တစ်ပုဒ် ထပ်လုပ်ဖို့ရှိသေးတယ်။ ကျွန်တော့်အကြိုက်ဆုံးပေါ့။

-တက်သစ်စ လူငယ်တွေ အစ်ကို့အကြောင်းကို သီချင်း ထဲမှာထည့်ရေးတာမျိုးတွေလဲ တွေ့ရတယ်နော်။

အင်းပေါ့အင်းပေါ့။ အဲ့ဒါကလေ ကျွန်တော့်မှာ စိတ်ကူးတစ်ခုရှိတယ်။ ကျွန်တော်တို့ဟစ်ဟော့ က battle မြူးဇစ်။ တစ်ယောက်နဲ့တစ်ယောက်တိုက်ခိုက်ကြတယ်။ မှန်တယ်။ ဘာလို့တိုက်ခိုက်ကြတာလဲ။ တိုက်ခိုက်မှုတိုင်းမှာ ပြသနာအစဆိုတာရှိတယ်။ ကျွန်တော်သိလိုက်ရတဲ့အချိန်မှာက G-fatt ရဲ့သီချင်း ထွက်တာ ၄ နှစ် ၅ နှစ်လောက်ရှိပြီထင်တာပဲ။ ဒါပေမဲ့ ကျွန်တော် မသိဘူး။ နားလဲမထောင်ဖူးဘူး။ ကျွန်တော်မှ မကြိုက်တာကိုး။ ဒါပေမဲ့ တခြားသူတွေက နားထောင်ကြတယ်။ ဒီကောင်နဲ့လဲ အပြင်မှာ တွေ့ဖူးတယ်။ စတွေ့တုန်းကဆို ကျွန်တော်က အရမ်းကို ချစ်နေတာ ရိုသေတယ်။ အေးဆေးတယ်။

ဒါပေမဲ့ ဒီကောင်ဘာလို့ငါ့ကို အရမ်းအဲ့ဒီလို ဆက်ဆံနေတာလဲပေါ့။ သြော်စီနီယာမို့လို့အဲ့ဒီလို ဆက်ဆံတယ်ပေါ့။ ဒါပေမဲ့ နည်းနည်းတော့ မှားနေတယ်ပေါ့။ နောက်မှသိလိုက်တယ်။ သီချင်းထဲမှာ ဒီကောင်ငါ့ကို ထည့်ဆိုထားတာပဲလို့။ ညဖက်ကလဲ သူငယ်ချင်းတွေက လာပြောထားတယ်။ အဲ့ဒါနဲ့နောက်နေ့မနက်ချက်ချင်း လှမ်းဖုန်းဆက်ပြီးမေးလိုက်တယ်။ သူမဟုတ်ပါဘူးတဲ့။ သူကလဲသေချာတောင်းပန်ပါတယ်။ ဒီဟာကလဲဖြစ်တတ်ပါတယ်။ နာမည်မကြီးခင်မှာ နာမည်ကြီးတွေကို တိုက်ခိုက်ပြီးတော့ သူတို့နာမည်ကြီးလာတဲ့အချိန်မှာ မရှင်းတတ်ကြတော့တာပါ။ အဲ့ဒီလိုအောင်မြင်ဖို့ဆိုတာက အမှန်အတိုင်းပြောရရင် G – fatt ကိုတော့ စိတ်ထဲမရှိပါဘူး။ ကျွန်တော့်ညီတစ်ယောက်လိုပဲ ကျွန်တော် ဆက်ဆံပါတယ်။ ဒါပေမဲ့ Underground ကလူတိုင်းကို ကျွန်တော်ထပ်ပြောချင်တာက နာမည်ကြီးနေတဲ့လူတိုင်းကို တိုက်ခိုက်တဲ့သူတွေ ရှိကြတယ်။

ကျွန်တော်တုန်းကလဲ တိုက်ခိုက်တာပဲ။ ဒါပေမဲ့ ကျွန်တော်တို့က ပြသနာမရှိပဲနဲ့ အလွတ်တိုက်ခိုက်တာမျိုးတွေ မရှိပါဘူး။ အဓိကကတော့ ကိုယ်နာမည်မကြီးခင်မှာ ကိုယ့်အလုပ်ကို ကောင်းကောင်းလုပ်ပါ။ နာမည်ကြီးတွေကို တိုက်ခိုက်တဲ့လူတစ်ယောက်နာမည်ကြီးလာရင်လဲ အဲ့ဒီပြသနာတွေကို ပြန်ရှင်းရမှာပဲ။ လောကသဘာဝပါပဲ။ ကိုယ်လုပ်ထားတဲ့ဟာက တစ်ချိန်ကျရင် ကိုယ်ပြန်ခံရတယ်ဆိုတာကို နားလည်ရမယ်။ ကျွန်တော့်လောက်ပဲ တိုက်ခိုက်ဦးမလား။ ဘယ်သူ Battle rap တွေကို ကျွန်တော့်လောက် ဆိုးဆိုးရွားရွား ဆိုခဲ့ဖူးမလဲ။ ဒါပေမဲ့ ကျွန်တော့်ပြသနာတိုင်းကို ကျွန်တော်ရအောင် ရှင်းနိုင်ခဲ့တယ်။

ကျွန်တော်အသားလွတ်ကြီး တိုက်ခိုက်ထားတာမရှိဘူး။ မြင်နေတဲ့ပတ်ဝန်းကျင်မှာ မကြိုက်တဲ့ဟာတွေ ကိုပြောတယ်။ ရေးတယ်။ အခုလဲ G –fatt နဲ့ကျွန်တော့်ကြားမှာပြသနာမရှိပါဘူး။ အေးဆေးပါ။ ဖုန်းဆက်ပြီးပြောတဲ့အချိန်မှာလဲအေးဆေးပါ။ ဒီကောင်တော်တော်တောင်းပန်ပါတယ်။ အားလုံးကို ခြုံပြီးပြောရရင် နာမည်ကြီးတဲ့သူနဲ့ နာမည်မကြီးတဲ့သူက ရန်ဖြစ်နေရမှာ မဟုတ်ဘူး။ အလုပ်တွေတွဲ လုပ်နေရမှာ။ ကျွန်တော်ဘယ်တော့မှ သီချင်းဆိုနေတဲ့သူတွေနဲ့ရန်ဖြစ်ဖို့မစဉ်းစားဘူး။ ရန်ဖြစ်ဖို့လာရင်တောင်မှ ကျွန်တော်အကျိုးသင့် အကြောင်းသင့် စဉ်းစားချင့်ချိန်ပြီးမှ ပြသနာတစ်ခုကို ဆုံးဖြတ်ပါတယ်။ အဲ့ဒီနေ့တုန်းက စိတ်ထဲမှာတော့ ဒီကောင် ငါကောင်းရဲ့သားနဲ့လို့တော့တွေးမိတယ်။ သူကလဲ အရမ်း ကောင်းတယ်။

ကိုကြီးကိုကြီးနဲ့ ကျွန်တော်က ချစ်နေတာ။ နောက်မှ သီချင်းထဲမှာ အဲ့ဒီလို ရေးထားတာတွေ့ရတော့ စိတ်ဆိုးသွားတယ်။ အဲ့ဒါကြောင့်ဖုန်းဆက်ပြီးမေးဖြစ်တာပါ။ ကျွန်တော့်ကို Battle လုပ်တာ ကျွန်တော်စိတ်မဆိုးဘူး။ ဒါပေမဲ့ ပြန်တော့ရှင်းပေးရမယ်။ အခုကျတော့ ပြေလည်သွားပါပြီ။ တချို့ကိစ္စတွေကပြန်မရှင်းလိုက်ရင် အကောင်းသားလို့တွေးမိသေးတယ်။ လောကမှာ ပြန်ရှင်းလို့မကောင်းတဲ့ အရာတွေအများကြီးဆိုတာကို သိလိုက်ပါတယ်။ မရှင်းချင်ပဲ ရှင်းလိုက်ရတယ်။ ကျွန်တော့ fan တွေလာပြောလို့ပါ။ အပြောခံရတာ ကျွန်တော်ဖြစ်လို့ပါ။

ခင်ဆွေသက် - Trend Myanmar