ငှက်ဖျားရောဂါတိုက်ဖျက်ဖို့အတွက် Bill Gates နဲ့ ယူကေအစိုးရတို့ပူးပေါင်းကာ ဒေါ်လာ ၄ ဘီလီယံ လှူဒါန်းသွားမည်

Bill Gates နဲ့ ဗြိတိန်ဘဏ္ဍာရေးဝန်ကြီး George Osborne တို့ဟာ ငှက်ဖျားရောဂါကိုတိုက်ဖျက်ဖို့အတွက် ဒေါ်လာ ၄.၃ ဘီလီယံ ပံ့ပိုးသွားမှာဖြစ်ကြောင်း ကတိက၀တ်ပြုပြောကြားလိုက်ပါတယ်။

ခြင်ကနေတဆင့်ကူးစက်ပျံ့ပွားတဲ့ငှက်ဖျားရောဂါကြောင့် လွန်ခဲ့တဲ့နှစ်မှာ ကမ္ဘာတစ်လွှား လူပေါင်း ၄၃၈၀၀၀ ကျော်လောက် သေဆုံးခဲ့ရပါတယ်။

Microsoft သူဌေး Bill Gates နဲ့ George Osborne ဟာ The Times သတင်းစာကနေ ယခုငွေပမာဏကို ကြေငြာခဲ့တာဖြစ်ပြီး၊ နောက်ငါးနှစ်အတွင်း ငှက်ဖျားရောဂါတိုက်ဖျက်ဖို့ကြိုးပမ်းမှုတွေနဲ့ သုတေသနလုပ်ငန်းတွေ မှာ ဒီငွေတွေကို အသုံးပြုသွားမှာဖြစ်ပါတယ်။

“ တိရိစ္ဆာန်တွေကြောင့် လူတွေသေကြေပျက်စီးရမှုမှာ ခြင်တွေကအဆိုးရွားဆုံးပါပဲ။ ကမ္ဘာ့ကျန်းမာရေးအတွက် ငှက်ဖျားရောဂါကင်းစင်တဲ့ ကမ္ဘာကြီးကို ဦးစားပေးဖော်ဆောင်သင့်ပါတယ်”

ငှက်ဖျားရောဂါတိုက်ဖျက်ရေးဟာ Bill and Melinda Gates ဖောင်ဒေးရှင်းရဲ့ ဦးစားပေးလုပ်ငန်းတစ်ခုဖြစ်ပြီး နိုဝင်ဘာလမှာ၊ ဖောင်ဒေးရှင်းဟာ ယူကေအစိုးရနဲ့ပူးပေါင်းကာ Ross Fund ကို ဒေါ်လာ ၁ ဘီလီယံနဲ့ စတင် တည်ထောင်ခဲ့ပါတယ်။

ကမ္ဘာ့ကျန်းမာရေးအဖွဲ့အစည်းရဲ့ထုတ်ပြန်ချက်အရ၊ ၂၀၁၅ ခုနှစ်အတွင်း ကမ္ဘာတစ်လွှားမှာ ငှက်ဖျားရောဂါ ဖြစ်ပွားမှုပေါင်း ၂၁၄ သန်းခန့်ရှိခဲ့ပြီး၊ ဒီထဲက ၈၉ ရာခိုင်နှုန်းလောက်ဟာ အာဖရိကတိုက်ရဲ့ ဆာဟာရသဲကန္တရာ တောင်ပိုင်းနိုင်ငံတွေမှာဖြစ်ပွားခဲ့တာဖြစ်တယ်လို့ သိရပါတယ်။ လူပေါင်း ၄၃၈၀၀၀ ကျော်သေဆုံးခဲ့ပြီး၊ အများစုဟာ အသက်ငါးနှစ်အောက် ကလေးအရွယ်တွေဖြစ်ပါတယ်။

ငှက်ဖျားရောဂါတိုက်ဖျက်ရေးနဲ့ထိန်းချုပ်ရေးလုပ်ငန်းတွေဟာ လွန်ခဲ့တဲ့ ၁၅ နှစ်အတွင်းမှာ တိုးတက်မှုတွေ ရှိခဲ့ပေမယ့်လည်း၊ ပိုးသတ်ဆေးနဲ့ကာကွယ်ဆေးတွေကို ဆေးယဉ်ပါးမှုကြောင့် သေဆုံးသူဦးရေဟာ များပြားဆဲ ဖြစ်နေရကြောင်း သိရပါတယ်။

Ye Wint