အစိုးရတပ်မတော်မှ နိုင်ထက်စီးနင်းပြု ကျူးကျော် တိုက်ခိုက်နေသည်ဟု SSPP/SSA ပြော

ဓါတ်ပုံ- SSPP/SSA ပြောခွင့်ရပုဂ္ဂိုလ် ဗိုလ်မှူးကြီး စိုင်းလ

အစိုးရတပ်မတော်မှ သျှမ်းလူထု နှင့် သျှမ်းပြည်တပ်မတော် SSPP/SSA အပေါ် အင်အားသုံးကာ နိုင်ထက်စီးနင်းပြု ကျူးကျော်တိုက်ခိုက်နေမှုများအား ဆက်လက်ခုခံ တိုက်ခိုက်သွားမည်ဟု SSPP/SSA က ထုတ်ပြန်ကြေငြာ လိုက်သည် ။

သျှမ်းပြည်တပ်မတော် SSPP/SSA ၏ မိုင်းရှူးမြို့နယ် ဝမ့်လွေတပ်စခန်း ၊ နောင်ခေတ် နားပေတပ်စခန်း ၊ တာ့ဆမ်ပူး နှင့် လွယ်လာဟတပ်စခန်း ၊ နမ့်မော်ခုံနွဲ့တပ်စခန်းများအား မိုင်းနောင်အခြေစိုက် စစ်ဆင် ရေး ကွပ်ကဲမှု ဌာနချုပ် စကခ ၂ နှင့် မိုင်းပန်အခြေစိုက် စကခ ၁၇ လက်အောက်ခံ တပ်ရင်းများက အင်အားအလုံးအရင်းဖြင့် တိုက်ခိုက်ကြောင်း ၊ တိုက်ခိုက်စဉ်အတွင်း လူထုရပ်ရွာများဘက် ၊ ကျေးလက် ဒေသ ခံအလုပ်လုပ်ရာတောင်ယာ ၊ လယ်ကွင်း များဘက် လက်နက်ကြီးများဖြင့်ပစ်ခတ်တိုက် ခိုက်နေသည် ဟု သျှမ်းပြည်တပ်မတော် ပြောခွင့်ရ ဗိုလ်မှူးကြီး စိုင်းလ က ပြောကြားလိုက်သည် ။

“ ဒါကျနော်တို့မွေးရပ်မြေဗျာ၊ တောင်ပိုင်းမှာဆို လွယ်လင် ၊ နမ့်ဇန် ၊ ကွန်ဟိန်း ၊ ကာလိ ကနေ မြောက်ပိုင်း မူစယ်နမ့်ခမ်းအထိ ၊ အနောက်ဘက်ဆို ပြင်ဦးလွင် ၊ မိုင်းကုတ် ၊ မိုင်းမိတ် အထိ ကျနော်တို့ တော်လှန် ရေး သမိုင်းဝင်နယ်မြေတွေဘဲ ။ ၁၉၈၉ အပစ်ရပ်က တည်း ကျနော်တို့နေလာတာ ။ ဗိုလ်ချုပ်ခင်ညွှန့် ခေတ် ကလဲ ဒီဒေသကိုအသိအမှတ်ပြုတာဘဲ ။ ပြည်ထောင်စုအဆင့်ငြိမ်းချမ်းရေးသဘော တူညီချက် မှာက နယ်မြေ သတ်မှတ်သာ မရှိဘူး ။ နယ်မြေကိစ္စက NCA ထိုးပြီးမှလုပ်ရမဲ့ကိစ္စ ” - ဟု ပြောခွင့်ရ ဗိုလ်မှူးကြီး စိုင်းလ ကပြောသည် ။

အောက်တိုဘာ ၁၉ ရက်နေ့တွင် အစိုးရတပ်မတော်ပိုင် မြ၀တီ သတင်းဌာန၊ အစိုးရပိုင် မြန်မာ့အသံနှင့် ရုပ်မြင်သံကြားသတင်းဌာနတို့မှ ထုတ်ပြန်ချက်တွင် သျှမ်းပြည်တပ်မတော် SSPP/SSA နှင့် တိုက် ပွဲဖြစ်ရ သည့် အကြောင်းရင်းများအားထုတ်ပြန်ရာတွင် “ ၂၀၁၂ ခု ဇန္နဝါရီ ၂၈ ရက် ပြည်ထောင်စု အဆင့်ငြိမ်း ချမ်းရေး သဘောတူညီချက်တွင် ဝမ့်ဟိုင်းဌာနချုပ်၌သာ အခြေပြုနေထိုင်ရန် သတ်မှတ် ထားသော်လည်း ဌာနချုပ် တောင်ဘက် ၁၀ မိုင်အကွာတွင် အခိုင်အမာတပ်စခန်းဆောက်ကာ အခြေပြုနေထိုင် သောကြောင့် နယ်မြေတည်ငြိမ်အေးချမ်းရေး ၊ ပစ်ခတ်တိုက်ခိုက်မှုရပ်စဲရေး မူဘောင်များမ ထိခိုက်စေရေး အကြိမ်ကြိမ်သတိပေးသော်လည်း မူလနေရာသို့မပြန် ------ သောကြောင့် တပ်မတော်စစ်ကြောင်း မှ ရှင်းလင်းတိုက်ခိုက်ရ --- ” ဟု ပါရှိသည် ။

ထို့အပြင် အဆိုပါ သတင်းစာတွင် အောက်တိုဘာ ၆ ရက်နေ့ မှ ၁၈ ရက်နေ့ အထိ တိုက်ပွဲပေါင်း ၃၇ ကြိမ် ၊ သျှမ်းပြည်တပ်မတော်ထံမှ အလောင်း ၇ လောင်း လက်နက်မျိုးစုံ ၈ လက် သိမ်းဆည်းရသည်ဟု ထုတ်ပြန်ထားသည် ။ သို့သော် အစိုးရဘက်မှ မည်မျှသေဆုံးသည်ကို မဖေါ်ပြသော်လည်း အရာရှိ ၊ စစ်သည်တချို့ အသက်ပေးလှူသွားသည်ဟု တပ်မတော်ပိုင် မြ၀တီသတင်းက ဖေါ်ပြသည် ။

သျှမ်းသံတော်ဆင့်