ဒေါင်းယောင်ဆောင်သောကျီးမ စာသားနှင့် ဒေါ်အောင်ဆန်းစုကြည်ကို ပုဂ္ဂိုလ်ရေးတိုက်ခိုက်သည့် ဗီနိုင်းချိတ်ဆွဲမှုများ မန္တလေးတွင် ဖြစ်ပွား

“မနက်ပိုင်းကတွေ့လို့ ဖြုတ်သိမ်းပြီး NLD ပါတီကို အကြောင်းကြားလိုက်တာ။ တနိုင်ငံလုံးမှာ “ရဲ”နေတာဆိုတော့ ပုတ်ခတ်တာလို့ ထင်တယ်. . ."

မန္တလေးမြို့တွင် မြို့နယ် ၂ ခု၌ ဒေါင်းယောင်ဆောင်သော ကျီးမ ဟူသော စာသားနှင့် ဓါတ်ပုံများပါရှိသည့် ဗီနိုင်း များချိတ်ဆွဲခဲ့ရာတွင် ရဟန်းစီး ဘိနပ်တရံ ထားရှိခဲ့ခြင်းကြောင့် သံဃာများနှင့် အထင်အမြင်လွဲမှားအောင်လုပ် ဆောင်ခြင်းဖြစ်ပြီး ကော်မရှင်သို့ အကြောင်းကြား သွားမည်ဖြစ်ကြောင်း မန်းတိုင်း NLD အောင်နိုင်ရေးဥက္ကဌ ဦးရွေလှက ပြောသည်။

အောင်မြေသာစံမြိုနယ်၊ ၂၆-လမ်းကျုံးဘေးသံဇကာတွင် တချပ်နှင့် မဟာအောင်မြေမြို့နယ်၊ လမ်း ၄၀၊ ၆၉ လမ်း×လမ်း ၇၀ မဟာမြိုင်ရပ်ကွက်၊ ထနောင်းပင်တွင် ကပ်ထားသည့် ဗိနိုင်းတချပ်ဖြစ်ပြီး ၄င်းအနီးရဟန်း စီးဖိနပ်တရံ တွေ့ရှိရသည်ဟုဆိုသည်။

“ရဟန်းစီးဖိနပ်တရံချထားတော့ မြို့ပေါ်သံဃာများနဲ့ အထင်အမြင်လွဲအောင်၊ အမုန်းပွားအောင် တမင် အ ကွက်ဆင်တာလို့ မြင်တယ်။ လက်ရှိဖြစ်နေတာက ပါတီဆိုင်းဘုတ်အဖျက်ခံရတာ ပိုစတာအဖျက်ခံရတာ၊ အဖွဲ့ ချုပ်ကို ထိပါးပုတ်ခတ်ရေးသားတာတွေကို ကော်မရှင်ကို အကြောင်းကြားသွားမယ်”ဟု ၄င်းကပြောသည်။

မဟာမြိုင်မှ ဗီနိုင်းကိုတွေ့ရှိခဲ့သူကပြောရာတွင် "မနက်ပိုင်းက တွေ့လို့ ဖြုတ်သိမ်းပြီး NLD ပါတီကို အကြောင်းကြားလိုက်တာ။ တနိုင်ငံလုံးမှာ “ရဲ”နေတာဆိုတော့ ပုတ်ခတ်တာလို့ ထင်တယ်"ဟု ဆိုသည်။

ပါတီအပေါ် အထင်အမြင်လွဲစေမည့် စာသားများချိတ်ဆွဲခြင်းအား သက်ဆိုင်ရာမြို့နယ်ကော်မရှင်အဖွဲ့ခွဲ၊ မြို့နယ် ရဲစခန်းကို အကြောင်းကြားပြီး အရေးယူဆောင်ရွက်ရန်မှာ ရဲအရေးမပိုင်ခြင်းနှင့် ယခုဖြစ်စဉ်တွင် ချိတ်ဆွဲသွား သူကို တိတိကျကျ ထုတ်ဖေါ်နိုင်ခြင်းမရှိသေး၍ အမှုဖွင့်ရန် အခက်အခဲက်ရှိနိုင်သည်ဟု ဆိုသည်။

“မဟာမြိုင်က ဗိနိုင်းကို လူငယ်တယောက်တွေ့ပြီး အကြောင်းကြားလာလို့ အဲဒီဗီနိုင်းကို သိမ်းထား။ ထူးတာက ဗီနိုင်းချိတ်တဲ့နေရာနားမှာ ဘုန်းကြီးစီးဖိနပ်တရံ ချထားတယ်။ ဆရာတော်တွေကိုလည်း လျှောက်ထားပြီးပါပြီ။ ပထမအဆင့် အကြောင်းကြားမယ်”ဟု NLD ပါတီမှ တိုင်းဒေသကြီးလွှတ်တော်ကိုယ် စားလှယ်လောင်း ဦးဇော်ဇော်အောင်က ပြောသည်။

၎င်းတို့အနေဖြင့် အဆိုပါ ဗီနိုင်းကိစ္စအား ဖွင့်မဖွင့်ကို အမှုဆောင်အဖွဲ့နှင့် တိုင်ပင်မည်ဖြစ်ကြောင်း၊ မဟာမြိုင် ၂ ရပ်ကွက်မှ ဗီနိုင်းမှာ ညပိုင်းအချိန်က ပြုလုပ်ခဲ့သည်ဟု ထင်မြင်ကြောင်း ၎င်းက ဆက်လက်ပြောဆိုသည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)