ဒေါ်အောင်ဆန်းစုကြည်ပုံကို ညစ်ညမ်းစွာ ပြင်ဆင်ပြီး ဖေ့စ်ဘုတ်တွင် တင်ခဲ့သဖြင့် အမှုဖွင့်ခံထားရသည့့် ပြည်ခိုင်ဖြိုးပါတီ ခေါင်းဆောင်တစ်ဦးကို ပါတီရုံးအတွင်း ၀င် ရောက် ဖမ်းဆီး

ဒေါ်အောင်ဆန်းစုကြည်၏ ဓာတ်ပုံအား Photoshop ဖြင့် ညစ်ညမ်းပုံအဖြစ် ပြင်ထား
ပြီး ဖေ့စ်ဘုတ်တွင် ဖြန့်ဝေခဲ့သည့် ဧရာဝတီတိုင်းဒေသကြီး ကန်ကြီးထောင့်မြို့နယ်
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ခေါင်းဆောင်တစ်ဦးအား ကန်ကြီး
ထောင့် မြို့မရဲစခန်းက ပါတီရုံးတွင်း ၀င်ရောက် ဖမ်းဆီးလိုက်ကြောင်း သိရှိရသည်။
၎င်းအား တိုင်တန်းထားပြီး သုံးရက်မြောက်နေ့ အောက်တိုဘာ ၂၀ ရက်နေ့ နေ့လယ်
ပိုင်းတွင် ဖမ်းဆီးလိုက်ခြင်း ဖြစ်သည်။

“လူငယ်တစ်ယောက်က သူဟာ ဒီနေ့ ပါတီရုံးထဲမှာ ရှိနေပါတယ်လို့ သတင်းပေးလို့
နေ့လယ် ၁၂ ကျော် လောက်မှာ ဖမ်းဆီးခဲ့တာပါ။ အခုသူ့ကို စခန်းမှူးက စစ်ဆေးနေ
ပါတယ်” ဟု ကန်ကြီးထောင့် မြို့မ ရဲစခန်းမှ တာဝန်ရှိသူတစ်ဦးကပြောသည်။ ကန်
ကြီးထောင့်မြို့နယ် ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ တွဲဖက်အတွင်းရေးမှူး
ဦးသန်းထွန်းသည် စက်တင်ဘာ ၂ ရက်နေ့ ညနေ ၆း၄၂ နာရီ ခန့်က ၎င်းသုံးစွဲနေ
သည့် Thu Thu အမည်ရှိ ဖေ့စ်ဘုတ်အကောင့်တွင် အဆိုပါ ဓာတ်ပုံများအား တင်
ထားခဲ့ခြင်းဖြစ်ပြီး ၎င်းပြုလုပ်ခဲ့သည်ကို ၀န်ခံခဲ့ကြောင်း ကန်ကြီးထောင့် ရဲစခန်းမှ သိ
ရသည်။

ဦးသန်းထွန်းအား လူသိရှင်ကြား ပြန်လည်တောင်းပန်ရန် ညှိနှိုင်းသည်ကို လက်မခံ
သည့်အတွက် အောက်တိုဘာလ ၁၇ ရက်နေ့ညပိုင်းက ကန်ကြီးထောင့် မြို့မရဲစခန်း
တွင် မြို့ခံလူငယ်များက အမှုဖွင့်ခဲ့ပြီးနောက် ဦးသန်းထွန်းသည် နေအိမ်မှ တိမ်းရှောင်
နေသဖြင့် သုံးရက်အကြာမှ သတင်းပေး တိုင်ကြားမှုကြောင့် ဖမ်းဆီးခဲ့ခြင်း ဖြစ်
ကြောင်း ကန်ကြီးထောင့် ရဲစခန်းမှ သိရသည်။

ယခုဖြစ်ရပ်နှင့် ပတ်သက်၍ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ ကန်ကြီး
ထောင့်မြို့နယ် ကိုယ်စားလှယ်လောင်းနှင့် ဧရာဝတီတိုင်းဒေသကြီး အစိုးရအဖွဲ့ဝင်
တစ်ဦးတည်းသော အမျိုးသမီး လူမှုရေးဝန်ကြီးဒေါ်ခင်စောမူက စည်ရုံးရေးကာလ
ဖြစ်သည့်အတွက် အဆိုပါဖြစ်ရပ်ကို မှတ်ချက် တစ်စုံတစ်ရာ မပေးလိုကြောင်း ဖြေ
ကြားထားသည်။

“ကျွန်တော့်ကိုတော့ အကြောင်း မကြားသေးပါဘူး။ ဒါပေမဲ့ ရဲစခန်းကို သတင်းပေးခဲ့
သူက ဖုန်းဆက်လို့ ဖမ်းထားတယ်ဆိုတာ သိရပါတယ်။ တိုင်ထားတာ သုံးရက်ရှိပြီ”
ဟု အမှုဖွင့်တိုင်ကြားခဲ့သူ ကန်ကြီးထောင့်မြို့ Hand To Hand အခမဲ့ပညာဒါန ကွန်
ရက် အတွင်းရေးမှူး ကိုစည်သူအောင်က ပြောသည်။

ကန်ကြီးထောင့်မြို့မရဲစခန်းတွင် ဦးသန်းထွန်းအား (ပ) ၁၅၇/၂၀၁၅၊ အီလက်ထရော
နစ် ဆက်သွယ်ရေး ဥပဒေ ပုဒ်မ ၆၆(ဃ) ဖြင့် အမှုဖွင့် ဖမ်းဆီးအရေးယူထားကြောင်း
သိရသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အစိုးရအရာရှိ
များကို လှောင်ပြောင်သောပုံများကို ဖေ့စ်ဘုတ်ပေါ်တွင် တင်ခြင်း၊ ဝေမျှခြင်းများ ပြု
လုပ်သည်ဟုဆိုကာ မအူပင်မြို့မှ အမျိုးသမီး တစ်ဦးနှင့် ရန်ကုန်မြို့မှ အမျိုးသား နှစ်
ဦးတို့လည်း အီလက်ထရောနစ် ဆက်သွယ်ရေး ဥပဒေ ပုဒ်မ ၆၆ (ဃ) ဖြင့် ယခုရက်
ပိုင်းအတွင်း ဖမ်းဆီးတရားစွဲဆို ခံနေရသည်။

အီလက်ထရောနစ် ဆက်သွယ်ရေး ဥပဒေပုဒ်မ ၆၆ (ဃ) မှာ နိုင်ငံတော်အေးချမ်း
သာယာရေးနှင့် ဖွံ့ဖြိုးရေးကောင်စီ လက်ထက် ၂၀၀၄ ခုနှစ်တွင် ပြဋ္ဌာန်းခဲ့ခြင်းဖြစ်ပြီး
ဆက်သွယ်ရေး ကွန်ရက်တစ်ခုခုကို အသုံးပြု၍ ပုဂ္ဂိုလ်တဦးဦးအား ခြောက်လှန့်
တောင်းယူခြင်း၊ အနိုင့်အထက် ပြုခြင်း၊ မတရားတားဆီး ကန့်ကွက်ခြင်း၊ အသရေ
ဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်းနှင့် ခြိမ်းခြောက်ခြင်းများ ကျူးလွန်
ပါက ထောင်ဒဏ် သုံးနှစ် သို့မဟုတ် ငွေဒဏ် သို့မဟုတ် ဒဏ်နှစ်ရပ်စလုံး ချမှတ်နိုင်
သည်ဟု ပြဋ္ဌာန်းထားသည်။

သတင်း - MMK
The Ladies News Journal