ဗေလုဝ နတ်မောက်တွင် စာပေဟောပြောခွင့် အပိတ်ခံရ

နတ်မောက်မြို့နယ် မြင်းတဲကြီး ရွာမှာ စာပေဟောပြောပွဲလုပ်ရာ သက်ဆိုင်ရာက ဗေလုဝပါလျှင် ပွဲပါမစ်မပေးဟုဆိုသောကြောင့် ရုပ်ရှင်သရုပ်ဆောင် ဗေလုဝ ဟောပြောခွင့်မရကြောင်း သိရသည်။

'ဟုတ်တယ်ဗျ။ ဗေလုဝပါရင် ပါမစ်မပေးဘူးဆိုလို့ သူ ဒီညမဟောရဘူး။ ပွဲကို စီစဉ်ထားတာက ဗေလုဝ၊ သရဝဏ်(ပြည်)၊ စမ်းစမ်းနွဲ့ (သာယာဝတီ) ဆိုပြီး ၃ယောက် ကြေငြာထားတာ။ ဗေလုဝကို ခွင့်မပြုလို့ မဟောရဘူး။ ဗေလုဝကို မကွေးတိုင်းထဲခြေချခွင့်တောင်မရှိဘူးလို့ နတ်မောက်အုပ်ချုပ်ရေးမှူးက ပြောထားတယ်တဲ့ဗျ။ ဒေသခံတွေက အကြောက်တရားတော်တော်များနေတယ်'ဟု ဟောပြောပွဲရောက် စာရေးဆရာ သရဝဏ် (ပြည်) က အတည်ပြု ပြောကြားသည်။

ယင်းအပြင်ဟောပြောပွဲစင်အနောက်တွင် ချိတ်ဆွဲထားသော ဗီနိုင်းမှအပ ပွဲကျင်းပရာ နေရာဝန်းကျင်တွင် ဗိုလ်ချုပ်အောင်ဆန်း ရုပ်ပုံပါဗီနိုင်း၊ ဒေါ်အောင်ဆန်းစုကြည်ရုပ်ပုံပါ ဗီနိုင်းကြီးများကို နတ်မောက်မြို့နယ်အုပ်ချုပ်ရေးမှူး ဦးဌေးအောင်က စာပေဟောပြောပွဲတွင် နိုင်ငံရေးမဲဆွယ်မည်စိုးသောကြောင့်ဟုဆိုကာ ချိတ်ဆွဲခွင့်မပြုသဖြင့် ပြန်လည်ဖြုတ်သိမ်းပေးခဲ့ရကြောင်းလည်း သိရသည်။

News Watch(စောင့်ကြည့်သတင်းဂျာနယ်)