ဒေါ်လာသုံးစွဲမှု ကန့်သတ်ခြင်းဖြင့် မြန်မာ့ကျပ်ငွေတန်ဖိုးမြင့်ကာ ငွေကြေးဖောင်းပွမှု ကာကွယ်နိုင်မည့် အလားအလာ

မြန်မာ့ငွေကြေးဈေးကွက် ခိုင်မာရေးနှင့် နိုင်ငံခြားငွေကြေးသုံးစွဲမှု စိစစ်ရေးအတွက် မြန်မာနိုင်ငံ တော် ဗဟိုဘဏ်က နိုင်ငံခြားသုံးငွေများ လက်ခံကိုင်ဆောင်ခွင့်လိုင်စင်ကို ရုပ်သိမ်းလိုက်ခြင်း ကြောင့် လုပ်ငန်းရှင်များအတွက် အခက်အခဲ အနည်းငယ်ရှိနိုင်သော်လည်း မြန်မာငွေတန်ဖိုး ပိုမိုခိုင်မာလာနိုင်ကြောင်း စီးပွားရေးကျွမ်းကျင်သူများက သုံးသပ်သည်။

ပို့ကုန်နှင့်သွင်းကုန် မမျှတခြင်းကြောင့် ဒေါ်လာတန်ဖိုးသည် မြင့်တက်လျက်ရှိပြီး ပြည်တွင်း ကျပ်ငွေတန်ဖိုးများကျဆင်းနေချိန်တွင် ဗဟိုဘဏ်က အောက်တိုဘာ ၁၃ ရက်ကစတင်ကာ နိုင်ငံခြားသုံးငွေ လက်ခံကိုင်ဆောင်ခွင့်လိုင်စင်ကို ရုပ်သိမ်းခဲ့ခြင်းဖြစ်ပြီး အောက်တိုဘာ ၁၉ ရက် က လိုင်စင်များ ပြန်လည်အပ်နှံခွင့်ပြုနေပြီဖြစ်ကြောင်း ဗဟိုဘဏ်ဒုတိယဥက္ကဋ္ဌ ဦးဆက်အောင် က အတည်ပြုပြောကြားသည်။

''ဒေါ်လာဝယ်လိုအားကို လျော့နည်းသွားစေပါလိမ့်မယ်။ ဗဟိုဘဏ်ရဲ့ညွှန်ကြားချက်ကို ထောက်ခံသူရှိသလို ဒေါ်လာလက်ခံကိုင်ဆောင်ခွင့်ပြုထားတဲ့လုပ်ငန်းရှင်တွေက ဒေါ်လာနဲ့ကြိုတင် ပေးချေတာ၊ လက်ခံထားတာမျိုးတွေလည်းရှိလို့ လုပ်ငန်းရှင်တချို့က ပြောဆိုတာတွေတော့ ရှိနေပါ တယ်။ သို့သော် ဒါက နိုင်ငံတကာရဲ့ လုပ်ဆောင်ချက်တွေထဲက တစ်ခုဖြစ်ပါတယ်။

နိုင်ငံအများစု မှာ နိုင်ငံတော်ငွေကြေးကိုသာ ကိုင်ဆောင်သုံးစွဲကြရပါတယ်။ အဲဒီတော့ ကိုယ့်တိုင်းပြည်မှာ လည်း ကိုယ့်ပိုက်ဆံကိုသုံးကြမယ်ဆိုရင် ဒေါ်လာလိုအပ်ချက် လျော့သွားမှာဖြစ်လို့ ကောင်း တဲ့ညွှန်ကြားချက်လို့ မြင်တယ်။ သို့သော် လုပ်ငန်းရှင်တွေအနေနဲ့ ကူးပြောင်းသုံးစွဲတဲ့ကာလမှာ အခက်အခဲတွေတော့ အများကြီးကြုံတွေ့ရနိုင်တယ်'' ဟု မြန်မာနိုင်ငံကုန်သည် ကြီးများနှင့် စက်မှုလက်မှု လုပ်ငန်းရှင်များအသင်းချုပ်ဥက္ကဋ္ဌ ဦးဝင်းအောင်က ဖြေကြားသည်။

ဒေါ်လာဈေးနှုန်းများသည် တိုင်းပြည်၏ အခြေခံ အဆောက်အအုံများ တည်ဆောက်ခြင်းအပါအဝင် သွင်းကုန်ကဏ္ဍ မြင့်မားလာသည်နှင့်အမျှ မြင့်တက်လာခဲ့ ပြီး တင်ပို့ကုန်များမှာမူ သွင်းကုန်ထက် နှိုင်းယှဉ်ပါက ပြီးခဲ့သည့်ဘဏ္ဍာနှစ်တွင် ပို့ကုန်မှာ အမေရိကန်ဒေါ်လာ သန်းပေါင်း၈၈၁ဝ ဒသမ ၇၉၇ နှင့် သွင်းကုန်မှာ အမေ ရိကန် ဒေါ်လာသန်းပေါင်း ၉၈၃၃ ဒသမ ၅၄၉ ရှိကြောင်း ကုန်သွယ်ရေးဝန်ကြီးဌာနမှ သတင်းထုတ်ပြန်ထားရာ ကုန်သွယ်မှုလိုငွေမှာ ကန်ဒေါ်လာသန်း ၁ဝဝဝ ဝန်းကျင် ရှိကြောင်း ခန့်မှန်းရသည်။

''ကုန်သွယ်မှုလိုငွေကွာခြားမှုကြောင့် ဒေါ်လာတန်ဖိုး က မြင့်နေရတာပါ။ ဗဟိုဘဏ်က ပြည်တွင်းဒေါ်လာ သုံးစွဲမှုကို ကန့်သတ်လိုက်ရင် ဒေါ်လာကိုင်ဆောင်သုံးစွဲသူ တွေအတွက် အခက်တွေ့နိုင်ပေမယ့် ရေရှည်မှာ မြန်မာငွေ တန်ဖိုး မြင့်လာနိုင်တယ်။ FDI အချို့ကတော့ အလုပ်ရှုပ် တယ်လို့ ပြောကြသလို နိုင်ငံခြားသားတွေနဲ့ တိုက်ရိုက် အလုပ်လုပ်နေတဲ့ ဟိုတယ်လုပ်ငန်း၊ ခရီးသွားလုပ်ငန်း၊ အရောင်းမြှင့်တင်ရေးလုပ်ငန်းတွေနဲ့ နိုင်ငံခြားတက္ကသိုလ် တွေ ဝင်ကြေးစတဲ့ လုပ်ငန်းတွေ၊ ဘဏ်လုပ်ငန်းတွေမှာ ငွေကြေးအပေးအယူကိစ္စတွေ အများကြီး ပြဿနာ ရှိနိုင်တာကိုလည်း သတိထားဖို့တော့ လိုအပ်တယ်'' ဟု CB ဘဏ်၏ ဥက္ကဋ္ဌ ဦးကျော်လင်းက ပြောကြား သည်။

နိုင်ငံတကာတွင် နိုင်ငံသုံးငွေကြေးနှင့် အမေရိကန် အပါအဝင် နိုင်ငံခြားငွေများ လဲလှယ်အသုံးပြုနိုင်ရန် အတွက် ငွေလဲကောင်တာများကို နေရာ အနှံ့အပြားတွင် ထားရှိပြီး အချိန်မရွေး အလွယ်တကူ လဲလှယ်အသုံးပြု နိုင်ရန် စီမံထားသော်လည်း မြန်မာနိုင်ငံတွင်မူ ဒေသ အလိုက် အချိန်အလိုက် ငွေလဲကောင်တာများ လုံလောက် ခြင်းမရှိခြင်းကြောင့် မြန်မာကျပ်ငွေဖြင့်သာ သုံးစွဲရမည် ဆိုသည့်အချက်ကို ကြိုက်နှစ်သက်မှုမရှိကြောင်း မြန်မာ နိုင်ငံတွင် ဗိသုကာဒီဇိုင်းပညာဖြင့် လာရောက်အလုပ် လုပ်ကိုင်သူ ထိုင်းနိုင်ငံသား နပွန်ချိုင်းက မြန်မာ့အလင်း၏ မေးမြန်းချက်ကိုဖြေကြားသည်။ ထိုင်းနိုင်ငံတွင်မူ ဒေါ်လာ ဖြင့် သုံးစွဲခွင့်ကို ကန့်သတ်ထားပြီး ဘတ်ငွေဖြင့်သာ လဲလှယ်အသုံးပြုကြကြောင်း ဆက်လက်ပြောကြား သည်။

''မြန်မာငွေတန်ဖိုးကို ရသလောက်ဆွဲတင်နေတယ်လို့မြင်ပါတယ်။ သို့သော် အရင်ကလည်း လုပ်ခဲ့ဖူးတယ် လေ။ ဒေါ်လာအစား အက်ဖ်အီးစီဆိုပြီးထုတ်တယ်။ ဈေး တွေကCurrent မဖြစ်ဘူး။ လုပ်နည်းတွေက အစကတည်း က စနစ်မကျခဲ့တော့ အက်ဖ်အီးစီကလည်း တန်ဖိုးမြင့် မလာ ဘူး။ ဒေါ်လာကို ကိုင်ခွင့်မရှိခင်ကတည်းက ခိုးပြီး ကိုင်ကြတယ်။ သုံးစွဲလို့မရပေမယ့် ဈေးကစားတတ်ကြ တယ်။ အခုတရားဝင် ကိုင်ဆောင်သုံးစွဲခွင့်ပေးတော့ လည်း ဒေါ်လာတန်ဖိုးက ကျမလာဘူး။ အခုလိုပြောင်း တာတော့ဟုတ်တယ်။ သို့သော် အဆင်သင့်မဖြစ်သေး တာက ခက်နေတယ်''ဟု ပို့ကုန်/သွင်းကုန် လုပ်ငန်း လုပ်ကိုင်သူ ဦးစိန်မောင်က သူ့အမြင်ကို ဆွေးနွေးသည်။

ဗဟိုဘဏ်မှ ငွေကြေးဆိုင်ရာ ထိန်းချုပ်ညွှန်ကြားမှု များတွင် ဒေါ်လာဈေးနှုန်းများကို သတ်မှတ်ရည်ညွှန်းဈေး အဖြစ် နေ့စဉ်ထုတ်ပြန်ပေးလျက်ရှိပြီး ယင်းဈေးနှုန်းများ သည် ပြင်ပဈေးကွက်နှင့် နှိုင်းယှဉ်ပါက အနည်းငယ်သာ ကွာခြားပြီး လက်တွေ့ ငွေကြေးဈေးကွက်နှင့် သဟဇာတ ဖြစ်လာခဲ့ခြင်းသည် မြန်မာ့ငွေကြေးဈေးကွက် ရေရှည် ခိုင်မာရေးအတွက် အထောက်အပံ့ ဖြစ်စေနိုင်သည့်အပြင် ယခုကဲ့သို့ ဒေါ်လာသုံးစွဲမှုကို ကန့်သတ်ရန်ကြိုးပမ်းခြင်း သည် မြန်မာ့ငွေကြေးတန်ဖိုးကျဆင်းကာ ဖောင်းပွမှုနှုန်း ၁ဝရာခိုင်နှုန်းအထိ ရောက်ရှိနေခြင်းကို ကူညီရာရောက်စေ မည်ဟု စီးပွားရေးနှင့် ဥပဒေရေးရာ အတိုင်ပင်ခံ ကုမ္ပဏီ တစ်ခုဖြစ်သော ယူနွတ်၏ တာဝန်ရှိသူတစ်ဦးက ထောက်ခံ ပြောကြားသည်။

ဗဟိုဘဏ်ညွှန်ကြားချက်အရ နိုင်ငံခြားသုံးငွေ လက်ခံ ကိုင်ဆောင်ခွင့် လိုင်စင်များကို နိုဝင်ဘာ ၃ဝ ရက်တွင် နောက်ဆုံးထားပြီး လုပ်ငန်းရှင်များ ပြန်လည်အပ်နှံရမည် ဖြစ်ကြောင်းသိရသည်။

Myanmaalinn