လေယာဉ်ပြန်ပေးဆွဲ ဖြစ်ရပ်မှန် မြန်မာရုပ်ရှင်ဇာတ်ကား မိတ်ဆက်ပြသ(ရုပ်သံ)

မြန်မာနိုင်ငံအတွင်းမှာ ဖြစ်ပွားခဲ့တဲ့ ပထမဦးဆုံး လေယာဉ်ပြန်ပေးဆွဲ ဖြစ်ရပ်မှန်အကြောင်းကို ရိုက်ကူးထားတဲ့ “ရောင်နီဦး၏ အလင်းရောင်နဲ့အတူ” ရုပ်ရှင်ဇာတ်ကား မိတ်ဆက်ပြသပွဲကို အောက်တိုဘာလ ၂၄ ရက်က ရန်ကုန် Junction Square မှာ ပြသသွားပါတယ်။

၁၉၅၄ ခုနှစ် ဇွန်လ ၂၄ ရက်က ရန်ကုန်- စစ်တွေ ပြေးဆွဲတဲ့ အစိုးရပိုင် မြန်မာလေကြောင်းလိုင်းလေယာဉ်ကို KNDO ကရင်လက်နက်ကိုင်အဖွဲ့က ပြန်ပေးဆွဲခဲ့တဲ့ ဖြစ်ရပ်ကို အခြေခံပြီး ရိုက်ကူးထားတဲ့ ဖြစ်ရပ်မှန် ရုပ်ရှင်ဇာတ်ကားတစ်ကားဖြစ်ပါတယ်။

ဒီရုပ်ရှင်ဇာတ်ကားမှာတော့ လူငယ်မျိုးဆက်သစ်တွေ ပွဲထုတ်ရိုက်ကူး ပါဝင်သရုပ် ဆောင်ထားကြတာဖြစ်ပြီး ၂၀၁၅ အကယ်ဒမီ ပေးပွဲအမီ ရုံတင်ပြသနိုင်အောင် စီစဉ်ထားကာ ၂၀၁၆ ခုနှစ် နှစ်ဦးပိုင်းမှာ တနိုင်ငံလုံး ပြသနိုင်အောင်စီစဉ်ထားတယ်လို့ သိရပါတယ်။

မြန်မာနိုင်ငံအတွင်းမှာ နေထိုင်ကြတဲ့ တိုင်းရင်းသားတွေ ညီညီညွတ်ညွတ်နဲ့ ငြိမ်းချမ်းရေးရပြီး တိုင်းပြည်တိုးတတ်စေဖို့ ရည်ရွယ်ချက်နဲ့ ရိုက်ကူးခဲ့တာလို့ ဒါရိုက်တာ အဏ်ထော် နီက ဒီဗွီဘီကို ပြောပါတယ်။

ဒီရုပ်ရှင်ဇာတ်ကားကို ၂၀၁၃ ခုနှစ်မှာ စတင်ရိုက်ကူးခဲ့ကာ အကြောင်းအမျိုးမျိုးကြောင့် ၂၀၁၅ အောက်တိုဘာမှ မိတ်ဆက်ပြသနိုင်ခဲ့တာဖြစ်ပါတယ်။

ရုပ်သံ – သူသူအောင် / DVB

ရုပ် / သံကြည့်ရန်

http://burmese.dvb.no/archives/118391