ကလေးများ နှာစေးခြင်း နောက်ဆက်တွဲ နားလေးရောဂါဖြစ်ပွားနိုင်

ကလေးသူငယ်များ နှာစေးခြင်း၏ နောက်ဆက်တွဲဆိုးကျိုးအဖြစ် နားချွဲဆို့ရောဂါရပြီးနားလေးနိုင်ခြင်းကြောင့် မိဘများ ရင်သွေးငယ်များ ကို ဂရုစိုက်ပေးသင့်သည်ဟု နား၊ နှာခေါင်း၊ လည်ချောင်းအထူးကု ဆရာဝန်ကြီး အချို့က အကြံပြု ပြောကြားသည်။

‘‘နှာစေးတာ ပျောက်သွားပေ မယ့် နားလေးတာကျန်ခဲ့တယ်။ စာသင်တဲ့အခါ မကြားတဲ့အတွက် မတတ် ဘူး။ မေးတာ မဖြေနိုင်ဘူး။ ဒီတော့ ဆရာမတွေက ဉာဏ်ထိုင်း တယ်။ စာသင်လို့မရဘူးပြောကုန် တယ်။ အမှန်တော့ ကိုယ့်ကလေး ဉာဏ်ကောင်းတယ်။ ဒါကြောင့် မိဘတွေကလည်း ကိုယ့်ကလေးကို ဆရာ၊ ဆရာမတွေက စာမလိုက်နိုင်ဘူးပြောရင် သတိထားဖို့ လိုတယ်’’ဟု နား၊ နှာခေါင်း၊ လည်ချောင်းအထူး ကုဆရာဝန်ကြီး ဒေါက်တာဝင်းထိုက်ကြည်ကပြောသည်။

စာမလိုက်နိုင်သည့် ကလေး သူငယ်များတွင် နားလေးရောဂါ ကို ခံစားနေရသူများပါဝင်နေပြီး အဆိုပါရော ဂါ၏ ၈၀ ရာခိုင်နှုန်း သော အကြောင်းရင်းမှာ နားပြည်ယိုခြင်းကြောင့်ဖြစ်သည်။ နှာစေးခြင်း၊ လည်ချောင်း နာခြင်းတို့မှ နားပြည်ယိုခြင်းဖြစ်ပွားကာ ဂရုစိုက်ကုသမှုမရှိပါက ရောဂါပိုးများ နားအတွင်း ပျံ့နှံ့သွားမည်ဖြစ် သည်။

ထိုအခါ နားအလယ်အတွင်း ချွဲစုဆောင်းခြင်း(ချွဲစုိ့ရောဂါ)ဖြစ် ပွားသည်။ ယင်းရောဂါစတင်ဖြစ် ပွားချိန်တွင် နားမှ ချွဲများကို စုပ်ထုတ်ပေးပါက နားလေးရောဂါကို ကြိုတင်ကာကွယ်နိုင်မည်ဖြစ်ပြီး မကုသပါက နားအုံ အမြှေးသည် အတွင်းထဲသို့ကပ်ဝင်၍ နာတာရှည်နားလေးရောဂါ ဖြစ်ပွားတတ်သည်။

အဆိုပါရောဂါခံစားရပါက နားလေးပြီး ကျောင်းစာကို ကောင်းစွာ မကြားရခြင်းကြောင့် စာမလိုက်နိုင်ခြင်း၊ မိဘများ၏ ပြောဆိုခြင်းကို ဂရုမစိုက်ခြင်း၊ ထိုမျှသာမက ထုံခြင်း၊ အခြင်းစသည့် လက္ခဏာများဖြစ်ပွား တတ်ကြောင်းသိရသည်။

ချွဲဆို့ရောဂါမှာ မူကြိုတန်း တက်သည့် အရွယ်နှင့် မူလတန်း အရွယ်ကလေးသူငယ်များ၌ ပိုမို အဖြစ်များကာ အချို့မှာ လေး၊ ငါးလအတွင်း၌ ပျောက်ကင်းသော်လည်း အချို့မှာ အရွယ်ကြီးမြင့် သည်အထိ နားလေးရော ဂါစွဲကပ် သွားကြောင်း သိရသည်။

‘‘နားဆရာဝန်တွေက လိုအပ် သလို ကုသမှုမပေးဘဲ မပျောက် တတ်ဘူး။ လောကကြီးမှာ သင်စ ရာတွေ များနေတဲ့အချိန်မှာ အဲဒီလို ဖြစ်သွားတာက ကလေးတွေအ တွက် အရမ်းအရေးကြီးလို့ အဓိက အာရုံစိုက်
ပေးသင့်ပါတယ်’’ဟု ဒေါက်တာ ၀င်းထိုက်ကြည်က တိုက်တွန်းပြောကြားသည်။

လက်ရှိတွင် မြန်မာနိုင်ငံ၏ ကလေးသူငယ်ဦးရေ ၁၀ ရာခိုင် နှုန်းမှ ၁၅ ရာခိုင်နှုန်းခန့်မှာ နားချွဲ စို့ရောဂါဖြစ် ပွားဖူးကြောင်း ကျန်း မာရေးဝန်ကြီးဌာန၊ ကျန်းမာရေး သုတေသီများ၏ သုတေသနစာ တမ်းများအရ သိရှိရ သည်။

မြန်မာနိုင်ငံတွင် ကျောင်းနေ စအရွယ် ကလေးသူငယ်များတွင် နားလေးရောဂါဖြစ်ပွားနှုန်းသည် ရန်ကုန် တိုင်းဒေသကြီး၌ ၅ ဒသမ ၆ ရာခိုင်နှုန်းရှိပြီး တစ်နိုင်ငံလုံး၌ ၁၁ဒသမ ၇ ရာခိုင်နှုန်းအထိရှိ သည်ဟု မြန်မာ
နိုင်ငံ နားလေးရောဂါ ကာကွယ်ထိန်းသိမ်းရေးကော်မတီ၏ တွေ့ရှိချက်၌ ဖော်ပြထားသည်။

ယမင်း | 7day