ဓာတ်မတည့်မှုမဖြစ်စေရန် လေးလသားမှစ၍ အဖတ်ကျွေးသင့်

ဓာတ်မတည့်မှု ကို ကာကွယ်ဖို့အတွက် ကလေးတွေကို ခြောက်လသားမှ အဖတ်စကျွေးမယ့်အစား လေးလသားမှာ အဖတ်စကျွေးသင့်ကြောင်း သုတေသနတစ်ရပ်က ရှာဖွေတွေ့ရှိခဲ့ပါတယ်။

ကလေးတွေကို အစာစကျွေးရင် ဓာတ်မတည့်တာတွေ ဖြစ်ကောင်းဖြစ်နိုင်ပါတယ်။ ဥပမာ မြေပဲယို၊ ကြက်ဥ လိုဟာမျိုးတွေပေါ့။ လေးလသားမှာ စကျွေးမယ်ဆိုရင် နောက်ဆို အဲ့ဒီ့အစာနဲ့ ဓာတ်မတည့်တာမျိုး မဖြစ်နိုင်ဘူးလို့ သုတေသီတွေက ရှာဖွေတွေ့ရှိခဲ့တာပါ။

အရင်ကဆိုရင် ကလေးတွေ အနည်းဆုံး အသက် ၆လရှိတော့မှ အစာစကျွေးသင့်ကြောင်း အကြံပြုခဲ့ကြပါတယ်။ ဒီအချက်က အခု အကြံပေးချက်နဲ့ မကိုက်ညီဘူးတော့ ဖြစ်နေပါတယ်။ ဒါပေမဲ့ လေးလသားအရွယ်မှာ အဖတ်စကျွေးသင့်တယ်လို့ အမေရိကန် ကလေးအထူးကုအကယ်ဒမီ ကနေ ပြောထားပါတယ်။ ဗြိတိန်မှာဆိုရင်လည်း နိုင်ငံတော် ကျန်းမာရေး ဝန်ဆောင်မှု (NHS ) ကနေ ကလေး လေးလသား အရွယ်မှာ စကျွေးသင့်တယ်လို့ပဲ အကြံပြုပါတယ်။

“ကလေးတွေ ဓာတ်မတည့်တာမျိုး မဖြစ်ဖို့ ဘယ်လိုတားဆီးရမလဲလို့ လာမေးရင် လေးလကနေ ခြောက်လသားအရွယ်အတွင်း ဓာတ်မတည့်မှုဖြစ်နိုင်တဲ့ အစားအစာတွေကို စကျွေးသင့်တယ်ဆိုတဲ့ အကြံပြုချက် ကိုပဲ ပေးမှာပါ။ ဓာတ်မတည့်မှု ဖြစ်ဖို့ အလားအလာများတဲ့ အစားတွေကို စိတ်ရှည်ရှည် ကျွေးပြီး ကျင့်ပေးဖို့ တကယ်ပဲ အရေးကြီးပါတယ်။” လို့ ကနေဒါ၊ မန်နီတိုဘာတက္ကသိုလ်မှ ဒေါက်တာ Elissa Abrams နဲ့ ဒေါက်တာ Allen Becker တို့ကပြောပါတယ်။

အသက် တစ်နှစ်အောက် အရွယ်မှာ တစ်ပတ်ကို သုံးကြိမ်ထက်ပိုပြီး မြေပဲပါတဲ့ အစားအစာကို စားတဲ့လူတွေဟာ နောက်ပိုင်း ဘဝတစ်လျှောက်လုံးမှာ ဓာတ်မတည့်မှု ဖြစ်နိုင်ဖို့ အတော်ရှားသွားပါတယ်။

အစားအစာ ဓာတ်မတည့်မှုဟာ အသက်ရှူလမ်းကြောင်းဆိုင်ရာ ပြဿာနာတွေ ဖြစ်တတ်ပြီး တချို့ဆို သေတောင်သေနိုင်ပါတယ်။ ဒီ့အတွက်ကြောင့် ကလေး လေးလသားကစပြီး နောင် ဓာတ်မတည့်တာမျိုးမဖြစ်အောင် ကာကွယ်မှုတွေ လုပ်ပေးဖို့ အရေးကြီးလှပါတယ်။

Skyler - သစ်ထူးလွင်
Ref: Daily Mail