တစ္ႏွစ္အတြင္း Emmy ဆုအမ်ားဆုံးရရွိတဲ့ ရုပ္သံဇာတ္လမ္းတြဲအျဖစ္ ‘Game of Thrones’ စံခ်ိန္တင္

HBO ရဲ့ ရုပ္သံစီးရီး ‘Game of Thrones’ ဟာ ၂၀၁၅ ခုႏွစ္ Emmy ဆုေပးပဲြမွာ ဆန္ကာတင္ဆု ၂၄ ခုနဲ ့ဦးေဆာင္ခဲ့ျပီး ၁၂ ဆုရရွိခဲ့ကာ တစ္ႏွစ္အတြင္း ဇာတ္လမ္းတြဲတစ္ခုတည္းက ဆုအမ်ားဆုံး ရရွိမွဳ အျဖစ္ စံခ်ိန္မွတ္တမ္း၀င္ခဲ့ပါတယ္။ အေကာင္းဆုံးဒရာမာစီးရီးဆု၊ စီးရီးစီစဥ္သူ David Benioff နဲ ့Dan Weiss တုိ ့က အေကာင္းဆုံးဇာတ္ညႊန္းဆု ၊ အေကာင္းဆုံးဒါရိုက္တာဆုကို David Nutter ၊ အေကာင္းဆုံး ဇာတ္ပုိ ့သရုပ္ေဆာင္ဆုကို Peter Dinklage တုိ ့က ရရွိခဲ့ျပီး က်န္တဲ့ရွစ္ဆုကိုေတာ့ လြန္ခဲ့တဲ့အပတ္က က်င္းပခဲ့တဲ့ Creative Arts Emmys ဆုေပးပြဲမွာ ရရွိခဲ့တာျဖစ္ပါတယ္။

Emmy ဆု ကိုးခုရရွိခဲ့တဲ့ NBC ရုပ္သံရဲ့ ‘The West Wing’ ဇာတ္လမ္းတြဲရဲ့ စံခ်ိန္ကို ‘Game of Thrones’ က ခ်ိဳးဖ်က္ခဲ့တာျဖစ္ပါတယ္။ လက္ရွိမွာ ‘Game of Thrones’ ဟာ ‘West Wing’ နဲ ့’Hill Street Blues’ ဇာတ္လမ္းတြဲေတြနဲ ့ျပသတဲ့ကာလအတြင္း ဆုအမ်ားဆုံးရရွိမွဳမွာ စံခ်ိန္တူေနျပီး ဇာတ္လမ္းတြဲမျပီးဆုံးခင္မွာ ဒီစံခ်ိန္ကိုပါ ေသခ်ာေပါက္ ေက်ာ္ျဖတ္သြားဖုိ ့ရွိေနပါတယ္။

အေမရိကန္တီဗီရုပ္သံနက္ေ၀ါ့ခ္ HBO ဟာ Primetime Emmys ဆုေပးပြဲမွာ ‘Veep’ ဇာတ္လမ္းတြဲနဲ ့အေကာင္းဆုံးဟာသဇာတ္လမ္းတြဲဆု၊ ‘Olive Kitteridge’ ဇာတ္လမ္းတြဲနဲ ့ အေကာင္းဆုံးဇာတ္လမ္းတြဲအတုိဆုတုိ ့ကိုပါ ရရွိခဲ့ကာ စုစုေပါင္း ၁၄ ခုရရွိခဲ့ပါတယ္။

Ye Wint - သစ္ထူးလြင္
Ref: variety