ခိုင်သော အရိုးများ တည်ဆောက်နိုင်ရေး (သို့မဟုတ်) အရိုးပွရောဂါ အကြောင်း

Osteoporosis ဟုခေါ်သော အရိုးပွရောဂါ အကြောင်း ရေးသားလိုသည်။ အရိုးတွင် အပေါက်ငယ် ကလေးများ ပေါ်လာကာ အရိုး၏ခိုင်မာမှုကို ထိခိုက်ပြီး အရိုးကျိုး လွယ်သွားခြင်း ဖြစ်သည်။ အသက် ၃ဝ ကျော် အမျိုးသမီးများနှင့် အသက် ၄ဝ ကျော်လာသော အမျိုးသား များတွင် အရိုးများ တဖြည်းဖြည်း ပါးလွှာလာကာ အရိုးပွရောဂါ ဖြစ်ပွားလာ နိုင်သည်။ အရိုးပွရောဂါ ဖြစ်နေပြီဟု သတ်မှတ်ခံရသော အခါ အရိုးမှာ သိသာစွာ ပါးလွှာနေပြီ ဖြစ်ပြီး သာမန်ထိခိုက်မှု ကလေးကြောင့်ပင် အရိုးကျိုးနိုင်သည်။ ထိခိုက်မိခြင်း မရှိဘဲ အလိုအလျောက် ကျိုးသူများလည်း ရှိသည်။

အရိုးပွခြင်း

ကယ်လ်စီယမ် ထုံးဓာတ် ချို့တဲ့ခြင်းနှင့် အရိုးပွရောဂါ ဆက်စပ်လျက် ရှိသည်။ မ ဟော်မုန်း ဓာတ် oestrogen သည် အစာတွင် ပါဝင်သော ထုံးဓာတ်ကို အရိုးအတွင်း စိမ့်ဝင်စေကာ အရိုးခိုင်အောင် ပြုလုပ်ပေးရာတွင် အဓိက အခန်းကဏ္ဍမှ ပါဝင်နေသည်။ ထို့အပြင် အမျိုးသမီးများ၏ အရိုးမှာ အမျိုးသားများထက် ပိုမိုပါးလွှာသည်။ ထိုအချက်များကြောင့်ပင် အရိုးပွ ရောဂါသည် အမျိုးသားများထက် သွေးဆုံးပြီး အမျိုးသမီးများတွင် ပိုအဖြစ်များသည်။

ရောဂါ လက္ခဏာများ

ခါးနာခြင်း၊ ရင်ဘတ်အောင့်ခြင်း၊ လက်ကောက်ဝတ်နှင့် တင်ပါးဆုံရိုး နာခြင်း၊ ပေါင်ရိုးနာခြင်းတို့ ခံစားရတတ်သည်။ နာကျင်မှုသည် အလိုအလျောက် သို့မဟုတ် ထိခိုက်မိခြင်းကြောင့် ဖြစ်ပေါ်လာ တတ်သည်။ အရပ်နိမ့် သွားတတ်သည် (ခါးရိုးပွရောဂါ ရှိသူများတွင် တွေ့ရလေ့ ရှိသည်) သာမန်ထိခိုက် ဒဏ်ရာကြောင့် သို့မဟုတ် အလိုအလျောက် အရိုးများ ကျိုးတတ်သည်။ ပေါင်ရိုးကျိုးခြင်း၊ လက်ကောက်ဝတ်ရိုး ကျိုးခြင်းနှင့် ခါးရိုးကျိုးခြင်းတို့ ဖြစ်တတ်သည်။

ရောဂါ ဖော်ထုတ်ခြင်း နည်းလမ်းများ

Bone X-ray (အရိုးဓာတ်မှန်) ရိုက်ခြင်း၊ DXA (Dual energy X-ray Absortiometry) X-ray ကို အသုံးပြုကာ အရိုးပါးလွှာခြင်း ရှိ၊ မရှိ တိုင်းတာသည့် နည်းစနစ် ဖြစ်သည်။ T score -၁ နှင့် - ၂ ဒသမ ၅ ကြားတွင်ရှိပါက အရိုးပါးလွှာနေပြီ ဖြစ်ပြီး ၂ ဒသမ ၅ နှင့် အောက်ဆိုပါက အရိုးပွရောဂါ ရှိနေပြီ ဖြစ်သည်။

ကာကွယ်ရန် နည်းလမ်းများ

ကာကွယ်ခြင်းသည် ကုသခြင်းထက် ပိုမိုကောင်းမွန်သည်။ ရောဂါစဖြစ်နေ လျှင်တောင် နေထိုင်မှု ပုံစံပြောင်းလဲနိုင်ပါလျှင် အရိုးများ ကျိုးခြင်းကို ကာကွယ်တားဆီး နိုင်ပါလိမ့်မည်။ ကယ်လ်စီယမ် ပါဝင်သော အစားအစာများ စားသုံးခြင်း။ ဒိန်ချဉ်၊ နွားနို့၊ ငါးသေးကလေးများ၊ ဆာဒင်းငါးနှင့် ဆော်လမွန်ငါးများ၊ Almond (မက်မွန်သီး) တို့သည် ထုံးဓာတ်ကြွယ်ဝ ကြသည်။ ကိုယ်လက်လှုပ်ရှား အားကစား။ ပုံမှန်လမ်းလျှောက်ခြင်း၊ ပြေးခြင်းတို့ကို ပြုလုပ်ရမည်။ အရိုးရှိ ထုံးဓာတ်ကို လျော့နည်းစေသော အရည်များ သောက်သုံးမှုကိုရှောင်။

အရက်အလွန်အကျွံ သောက်သုံးခြင်း ကို ရှောင်ကြဉ်ရမည်။ ကော်ဖီကို တစ်နေ့နှစ်ခွက်ထက် ပိုမသောက်သင့်။ ကိုကာကိုလာ၊ Pepsi တို့တွင်ပါရှိသော Phosphoric Acid သည် အရိုးတည် ဆောက်မှုကို အနှောင့် အယှက် ပေးေ သာကြောင့် အလွန်အကျွံ မသောက်သင့်။ ဆေးလိပ် သောက်ခြင်းမှ ရှောင်ကြဉ်ခြင်း။ ဆေးလိပ် သောက်ခြင်းသည် အရိုးတည်ဆောက်မှု လုပ်ငန်း စဉ်များကို အနှောင့်အ ယှက် ပေးသောကြောင့် မသောက်သင့်။ အရိုးကို သက်ညှာစေသော လုပ်ဆောင်မှုများ။ ထိုင်သည့်အခါ ခါးကို မတ်မတ်ထားပါ။ တံမြက်စည်းလှည်း၊ ကြမ်းတိုက် သည့်အခါ ခါးမကုန်းဘဲ ဒူးနှင့် ပေါင်ဆစ်များ (Knee and hip joints)ကို ကွေးပါ။

ကြမ်းပြင်ပေါ်သို့ ကျနေသော ပစ္စည်းကို ကောက်ယူရာတွင် လည်းကောင်း၊ အိပ်ရာပြင်ရာတွင် လည်းကောင်း၊ အန်ဆွဲကို ဖွင့်ရာတွင် လည်းကောင်း၊ ခါးမကုန်းဘဲ ဆောင့်ကြောင့်ထိုင်၍ လုပ်ပါ။ အလေးအပင် မရန်လိုပါက မနိုင်ဝန် မထမ်းပါနှင့်။ မနိုင်ပါက ဘေးလူအကူအညီ ရယူပါ။ လေးလံသော ပစ္စည်းကို တွန်းရွှေ့ပါ။ ဆွဲမရွှေ့ပါနှင့်။ ချောင်းဆိုး၊ နှာချေလိုသောအခါ ခါးကို မတ်မတ်ထား၊ ဒူးကွေးကာ လက်နှစ်ဖက်ကို ပေါင်နှစ်ဖက်ပေါ် တင်ပြီးထိန်းကာ ချောင်းဆိုး၊ နှာချေပါ။

ခါးရုတ်တရက် လှည့်ခြင်းမှ ရှောင်ကြဉ်ရမည်။ ဘတ်စကား၊ ရထား ပေါ်သို့ ပြေးတက်၊ ပြေးဆင်းခြင်းကို မပြုလုပ်သင့်။ လက်ဖက်ရည်ကြမ်း သောက်သုံးခြင်း။ ၂ဝဝ၂ ခုနှစ်တွင် ထိုင်ဝမ်၌ ပြုလုပ်သော သုတေသန တစ်ခုအရ တစ်နေ့လျှင် လက်ဖက် ရည်ကြမ်း နှစ်ခွက်အနည်းဆုံး ပုံမှန်သောက် သုံးပါက ခြောက်နှစ်ကြာသောအခါ အရိုးပွရောဂါ ဖြစ်ပွားမှုနှုန်းကို လျော့ကျစေသည်ဟု တွေ့ရှိခဲ့ကြသည်။ လက်ဖက်ရည်ကြမ်းတွင် မ ဟော်မုန်း ဓာတ်နှင့် သဘာဝချင်းဆင်သော Flavonoids များ ပါဝင်သောကြောင့်ဟု ဆိုသည်။

ခေတ်မီနေထိုင် စားသောက်မှု ပုံစံသို့ ပြောင်းလဲ လာသောကြောင့် အရိုးပွရောဂါ ဖြစ်ပွားမှုနှုန်း မြင့်မားလာသည်။ အရိုးပွခြင်းကြောင့် ဆိုးရွားသော နောက်ဆက်တွဲ ဝေဒနာနှင့် ပြဿနာများ ဖြစ်ပွား တတ်သည်။ ကုသခြင်းထက် ကာကွယ်ခြင်းသည် အကောင်းဆုံး ဖြစ်သောကြောင့် ထိုရောဂါ အကြောင်း သိရှိနားလည် သဘောပေါက်ပြီး ကာကွယ်နိုင်ကြစေရန် ရည်သန်ကာ ရှောင်ရန်၊ ဆောင် ရန် အချက်များကို ရေးသားဖော်ပြ လိုက်ရပေသည်။ ။

မောင်ဥာဏ်မင်း - မြ၀တီ