“အသည်းကွဲဘုရင်မ”ရဲ့ ပေါ့ပါးပျော်ရွှင်တဲ့ဘဝ

ဂျပန်အမျိုးသမီးစာရေးဆရာ Chiyo Unoရဲ့တစ်သက်မှာ ရည်းစားအများကြီးထားခဲ့ဖူးတယ်။ ဒါပေမယ့် နောက်ဆုံးမှာ လမ်းခွဲခြင်းနဲ့ပဲ ဇာတ်သိမ်းခဲ့ရတယ်။ သူ့ကို “အသည်းကွဲဘုရင်မ”အဖြစ် ဂျပန်လူမျိုးတွေ သိထားကြပါတယ်။

Chiyo Uno ဟာ သူ့ကိုစွန့်ပစ်သွားတဲ့ချစ်သူရည်းစားကို မသွားပါနဲ့လို့ သူမတားခဲ့သလို လိုက်လံပြီးတော့ လည်းနေခဲ့ဖို့ သူမတောင်းဆိုခဲ့ဘူး။ ချစ်သူစွန့်ပစ်သွားလို့ဆိုပြီး နှလုံးသားအရှုပ်ထွေးမခံသလို ယောက်ျားတွေရဲ့ကျေးဇူးတရားကင်းမဲ့တဲ့စိတ်၊ ပြောင်းလဲတတ်တဲ့စိတ်ကိုလည်း သွားဆန်းစစ်မနေခဲ့ဘူး။ အသည်းကွဲလို့ခံစားရတဲ့ ဝမ်းနည်းပူဆွေးမှုကိုဖြေရှင်းတဲ့ သူ့ရဲ့နည်းလမ်းက ရိုးရိုးရှင်းရှင်းလေးပါ။ အသည်း ကွဲတိုင်း အိမ်တံခါးသော့ခတ်ပြီး သူအခန်းအောင်း ငိုပါတယ်။ အားရအောင်ငိုတယ်၊ ကြမ်းပြင်ပေါ်လူးလှိမ့် တယ်။ ဒါဟာ “အသည်းကွဲလေ့ကျင့်ခန်း”လို့ Chiyo Unoက သူ့ကိုယ်သူလှောင်ရယ်ပြောခဲ့ပါတယ်။ ဒီလိုငို ယိုလူးလှိမ့်လို့ ဝပြီးဆိုရင် သူအနှစ်သက်ဆုံး အဝတ်အစားကိုကောက်ဝင်ပြီး ခါတိုင်းလိုပဲ ပြုံးပြုံးရွှင်ရွှင်နဲ့ သူအပြင်ထွက်ပါတယ်။

သူအသည်းအသန်ခံစားလိုက်ရတဲ့ အသည်းကွဲဝေဒနာက Takeo Kitaharaနဲ့ချစ်ကြိုက်ခဲ့တဲ့ မနဲ့မောင် ဇာတ်လမ်းမှာဖြစ်တယ်။ အဲဒီတုန်းက အသက် ၄၂နှစ်ရှိတဲ့Chiyo Unoဟာ သူ့ထက်အသက် ၁ဝနှစ်ငယ်တဲ့ သတင်းထောက်Takeo Kitaharaနဲ့ မြင်မြင်ချင်းချစ်ကြိုက်ခဲ့ကြတယ်။ အဲဒီအချိန်တုန်းက သူဟာ လူသိသူသိ ထင်ရှားကျော်ကြားတဲ့ စာရေးဆရာတစ်ဦးဖြစ်နေပါပြီ။ Takeo Kitahara က မျက်နှာမွဲသတင်းထောက်လေး တစ်ယောက်ပါ။ သူတို့ဟာ တိုကျိုအင်ပါယာဟိုတယ်မှာ မင်္ဂလာပွဲကို ခမ်းခမ်းနားနားကျင်းပခဲ့ပါတယ်။

ဒီကြီးကျယ်ခမ်းနားခဲ့တဲ့အိမ်ထောင်ရေးဟာ နောက်ဆုံးတော့လည်း Chiyo Uno အထားခံရတာနဲ့ ဇာတ် သိမ်းခဲ့ပါတယ်။ အဲဒီအချိန်က Chiyo Uno အသက် ၆၇နှစ်ရှိနေပါပြီ။ သူငယ်ချင်းမိတ်ဆွေတွေက “ဘယ်လို လုပ်မလဲ.. မင်း အစွန့်ပစ်ခံရပြန်ပြီ”လို့ သူ့ကိုကရုဏာသက်ကြတယ်။ Chiyo Uno က လူအများရဲ့သ နားစိတ်၊ ကိုယ်ချင်းစာစိတ်ကိုရလို့ဆိုပြီး မျက်ရည်မကျခဲ့ဘူး၊ တည်ငြိမ်တဲ့စိတ်နဲ့ပဲ ဖြတ်ကျော်ခဲ့တယ်။

Chiyo Uno အသက် ၈၈နှစ်မှာ တိုကျိုအင်ပါယာဟိုတယ်မှာ ကြီးကျယ်ခမ်းနားတဲ့ ပါတီပွဲတစ်ခုပြုလုပ်ခဲ့ တယ်။ သူကိုယ်တိုင် ဒီဇိုင်းဆွဲချုပ်လုပ်ထားတဲ့ဝတ်စုံကိုဝတ်ပြီး သူ့အပြုံးက မိန်းမပျိုလေးတစ်ယောက်လို လန်းဆန်းတက်ကြွ ရှက်သွေးဖြာနေခဲ့တယ်။ အမျိုးသားတချို့က Chiyo Unoနဲ့ချစ်ကြိုက်ခဲ့ဖူးတဲ့ချစ်သူအဖြစ် သရုပ်ဆောင်ပြီး စင်ပေါ်တက် ဖြေဖျော်ခဲ့တယ်။ ချစ်ခြင်း ကြင်နာမှုအပြည့်နဲ့ Chiyo Unoဘေးမှာ ပတ်လည် ဝိုင်းခဲ့ကြပြီး အနွေးထွေးဆုံးတောင်းဆုတွေ ပေးခဲ့ကြတယ်။ ပါတီပွဲကို အရှိန်အဟုန်ပြင်းပြင်းနဲ့ ကျင်းပနိုင်ခဲ့ ပါတယ်။ ဒီလိုအချိန်မျိုးမှာ Chiyo Unoဟာ ပျော်ရွှင်ကြည်နူးမှုအပြည့်နဲ့ ပြုံးရယ်နိုင်ခဲ့ပါတယ်။ သူနဲ့ချစ်ခဲ့ဖူးပြီး သူ့ကိုရက်ရက်စက်စက်ထားသွားခဲ့သူတွေက ဒီအချိန်မှာ သေဆုံးခဲ့ကြပြီဖြစ်တယ်။ သူကတော့ ဒီလောက ကြီးထဲမှာ ပျော်ပျော်ရွှင်ရွှင် ရှင်သန်နေဆဲဖြစ်ပါတယ်။

Chiyo Unoဟာ အသက် ၉၈နှစ်သေဆုံးသွားချိန်အထိ ဘဝကို ပျော်ပျော်ရွှင်ရွှင်ဖြတ်သန်းခဲ့ပါတယ်။

ကိုယ်ချစ်တဲ့သူထားသွားတာကိုခံရချိန်မှာ Chiyo Uno လည်း နာကျင်ခံစားခဲ့ရပါတယ်။ ဒါပေမယ့် သူ့ကိုယ် သူပျော်ရွှင်လာနိုင်အောင် သူနည်းလမ်းရှာခဲ့တယ်။ အချစ်က သူ့ကို လှိုင်းတံပိုးပမာ နိမ့်ချည်မြင့်ချည် ဆော့ ကစားခဲ့ပေမယ့် ဒါတွေဟာ သူ့အတွက် ပြင်ပဒဏ်ရာပဲဖြစ်ခဲ့တယ်။ ပျော်ရွှင်မှုကိုသာရှာဖွေခဲ့တဲ့ သူ့ဘဝကို ပိုအရောင်စုံစေခဲ့တယ်။

“အသည်းကွဲပြီးဆိုမှတော့ လက်လွှတ်လိုက်တော့… ကြိုးပြတ်သွားတဲ့စွန်ဟာ ပြန်လိုက်လို့မရနိုင်ပါဘူး” လို့ ပြင်သစ်စာရေးဆရာ Honoré de Balzac က ပြောခဲ့ပါတယ်။

နိုင်းနိုင်းစနေ