ဆယ်ကျော်သက် လူငယ်များက Facebook ထက် WhatsApp တွင်သာ အချိန်ကုန်ဆုံးလေ့ ရှိဟုဆို

နိုင်ငံ ၃၂ နိုင်ငံမှ အင်တာနက် သုံးစွဲသူ ၁,၇၀,၀၀၀ ကို စစ်တမ်း ကောက်ယူချက်အရ ဆယ်ကျော်သက် လူငယ်များသည် Facebook ထက် instant messaging app များတွင်သာ အချိန်ကုန်ဆုံးလေ့ ရှိကြောင်း သိရသည်။

အမေရိကန်နှင့် ဗြိတိန်တွင် နေထိုင်သည့် အသက် ၁၆ နှစ်မှ ၁၉ နှစ်အတွင်း ဆယ်ကျော်သက် လူငယ် ၆၆ ရာခိုင်နှုန်းသည် Facebook ကို အချိန်အနည်းငယ်သာ အသုံးပြုကြကြောင်း ဆိုသည်။

အဆိုပါ ကိန်းဂဏန်း အချက်အလက်များကို ဈေးကွက် သုတေသနအဖွဲ့ GlobalWebIndex (GWI) က ကောက်ယူခဲ့သည့် Social Summary for Q3 2014 စစ်တမ်းသစ်တွင် ဖော်ပြခဲ့ခြင်းဖြစ်သည်။

“Facebook မှာ သုံးစွဲသူတွေ ပိုများပေမယ့်လည်း ဓာတ်ပုံဝေမျှမှုနဲ့ message ပေးပို့မှုနှုန်းစတဲ့ လုပ်ဆောင် ချက်တွေက ပြီးခဲ့တဲ့ နှစ်နှစ်ကထက် ၂၀ ရာခိုင်နှုန်း လျော့ကျသွားခဲ့ပါတယ်”ဟု အထက်ပါ စစ်တမ်းတွင် ဖော်ပြခဲ့သည်။

ထို့အပြင် ဆယ်ကျော်သက် လူငယ် ၃၀ ရာခိုင်နှုန်းသည် Facebook ထက် Instagram နှင့်အခြားသော messaging app များပေါ်တွင်သာ သူငယ်ချင်းများနှင့် အချိန်ကုန်ဆုံးလေ့ ရှိကြောင်း Street-Insider.com မှထုတ်ပြန်ခဲ့သည်။

အထက်ပါ အစီရင်ခံစာတွင် Facebook သုံးစွဲမှုနှုန်း ကျဆင်းသွားခဲ့ကြောင်း ဖော်ပြခဲ့ပြီး ဆယ်ကျော်သက် လူငယ်များ အသုံးပြုသည့် messaging app များတွင်လည်း Messenger က WhatsApp ၏နောက်တွင် သာ ရပ်တည်နေကြောင်း သိရသည်။

နောင်နောင် | nternetjournal