မိန်းမလျာ တစ်ဦး ဖြစ်ရခြင်းကို ဂုဏ်ယူကြောင်း Apple အမှုဆောင်ချုပ် တင်မ်ကွတ်ခ် ဖွင့်ဟ

လိင်တူချင်း စုံမက်သည့် မိန်းမလျာ (Gay) တစ်ဦး ဖြစ်ရခြင်းအတွက် ဂုဏ်ယူကြောင်း Apple ကုမ္ပဏီ၏ အမှုဆောင်ချုပ် တင်မ်ကွတ်ခ်က ထုတ်ဖော် ဝန်ခံလိုက်သည်။

Businessweek တွင် ကိုယ်တိုင်ရေးသားသည့် ဆောင်းပါးတစ်ခု၌ ကွတ်ခ်က မိန်းမလျာ တစ်ဦးအဖြစ် ရပ် တည်ခွင့် ရခြင်းသည် ၎င်းအတွက် ဘုရားသခင် ပေးသနားသည့် အကောင်းဆုံး လက်ဆောင် တစ်ခုအ
ဖြစ် ဖော်ပြထားသည်။ ကွတ်ခ်က မိမိသည် ယခင်က လိင်မှုဘဝ မွေ့လျော်မှုနှင့် ပတ်သက်ပြီး တိတိကျကျ အသိအမှတ် မပြုသလို ငြင်းဆန်ခြင်းလည်း မရှိခဲ့ဟု ဆိုသည်။

“ဒီကိစ္စကို ရှင်းရှင်းလင်းလင်း ဖြစ်အောင် ပြောခွင့်ပေးပါ။ ကျွန်တော်က မိန်းမလျာဖြစ်ရတာ ဂုဏ်ယူပါတယ်။ ဘုရားသခင်က ကျွန်တော့်ကို ပေးအပ်ခဲ့တဲ့ လက်ဆောင်မွန်တွေထဲမှာ မိန်းမလျာဖြစ်ခွင့် ရခြင်းဟာ အကောင်းဆုံး တစ်ခုလို့ ကျွန်တော် ခံယူပါတယ်”ဟု Businessweek တွင် ကွတ်ခ်က ရေးသားထားခဲ့သည်။

၎င်းက မိန်းမလျာတစ်ဦး ဖြစ်လာသည့်အခါ လိင်တူနှစ်သက်သူ လူနည်းစု နေ့စဉ် ထိတွေ့ရင်ဆိုင်နေရသည့် စိန်ခေါ်မှုများကို ပိုမို၍ လေးလေးနက်နက် ခံစားနားလည်လာမိကြောင်းလည်း ဆိုသည်။ “ဒါက ကျွန်တော့်ကို စာနာစိတ် ဖြစ်လာစေတယ်။ အဲဒီစာနာစိတ်က ပိုပြီးကြွယ်ဝချမ်းသာတဲ့ ဘဝတစ်ခုဆီ ဦးဆောင်သွားတယ်” ဟုလည်း ကွတ်ခ်က မှတ်ချက်ပြုထားသည်။

ကွတ်ခ်သည် Apple ၏ ဗိသုကာအဖြစ် တင်စားခံရသူ စတိဗ်ဂျော့ဘ်စ် မကွယ်လွန်မီ ရာထူးမှ နုတ်ထွက် သွား ကတည်းက ကုမ္ပဏီ၏ အမှုဆောင်ချုပ်အဖြစ် ဦးဆောင်ခဲ့သူ ဖြစ်သည်။ ၎င်းသည် ယခင်ကတည်းက မိန်းမလျာနှင့် Lesbian (အမျိုးသမီးချင်း စုံမက်သူ)များ အခွင့်အရေးအတွက် ထောက်ခံရပ်တည်ခဲ့ပြီး ၎င်း တက်ရောက်ခဲ့ဖူးသည့် အော်ဘန်း တက္ကသိုလ်တွင် လိင်ခွဲခြား ဆက်ဆံခံရမှုနှင့် ပတ်သက်၍ ၎င်း၏ ကိုယ်ပိုင် အတွေ့အကြုံများကို ဟောပြောခဲ့ဖူးသည်။

၎င်း၏ အမြင်ဆောင်းပါးအတွင်းတွင် ကွတ်ခ်က ယခုအသိပေးမှုကို လွယ်လွယ်ကူကူ စဉ်းစားဆုံးဖြတ်ခဲ့ခြင်း မဟုတ်ဟုလည်း ဝန်ခံထားသည်။ “ကျွန်တော့်ကိုယ်ကျွန်တော် တက်ကြွလှုပ်ရှားသူ တစ်ယောက်လို့ ခံယူမ ထားပါဘူး။ ဒါပေမဲ့ တခြားသူတွေရဲ့ အနစ်နာခံ စွန့်လွှတ်မှုကနေ ကျွန်တော့်အပေါ် ဘယ်လောက်တောင်
ကောင်းကျိုး ဖြစ်ထွန်းလာစေသလဲ ဆိုတာကို ခံစား နားလည်ပါတယ်။

Apple ရဲ့ အမှုဆောင်ချုပ် ကိုယ်တိုင် က မိန်းမလျာ တစ်ယောက်ပါလို့ ကြားသိရတဲ့အခါ ဒီအခြေအနေမျိုးမှာ တစ်ကိုယ်တည်း ရုန်းကန်နေရတဲ့ သူတွေအတွက် နှစ်သိမ့်မှုတစ်ခု ဖြစ်စေမယ် ထင်ပါတယ်။ ဒါမှမဟုတ် လည်း သာတူညီမျှ အခွင့်အရေးကိုတောင်းဆိုဖို့အတွက် လွှမ်းမိုးမှုတစ်ခု ဖြစ်လာစေချင်တယ်။ ဒါဆိုရင် ကျွန်တော့် ပုဂ္ဂိုလ်ရေး ဘဝကို ဖွင့်ဟပြီး အလဲအထပ် လုပ်ရတာ ထိုက်တန်ပါတယ်”ဟု ကွတ်ခ်က ရေးသား ထားခဲ့သည်။

7day