မြန်မာအမျိုးသမီး တက်ကြွလှုပ်ရှားသူတွေ ငြိမ်းချမ်းရေးဆု ရရှိ

ကုလသမဂ္ဂ ဖွံ့ ဖြိုးရေးအစီအစဉ် UNDP ရဲ့ အာရှ - ပစိဖိတ် ဒေသဆိုင်ရာဌာနက ချီးမြှင့်တဲ့ N-Peace Awards ဆိုတဲ့ ငြိမ်းချမ်းရေးဆုကို ၂၀၁၄ ခုနှစ် အတွက် မြန်မာနိုင်ငံက ဒေါ်နော်အုန်းလှနဲ့ မသန္တာတို့  ဦးဆောင်ပါဝင် တဲ့ ဒီမိုကရေစီနဲ့  ငြိမ်းချမ်းရေး အမျိုးသမီး ကွန်ရက်အဖွဲ့ နဲ့  တစ်ဦးချင်းအဖြစ် နိုင်ငံရေးအကျဉ်း သူဟောင်း မဝေဝေနုနဲ့  တိုင်းရင်း သားအရေးလှုပ်ရှားသူ မိခင်ခင်ကြူတို့ ရရှိပါတယ်။

ဒီဆုဟာ အာရှတိုက်အတွင်း ငြိမ်းချမ်းရေး၊ လုံခြုံရေးနဲ့  အမျိုးသမီးရေးရာတွေမှာ တက်တက်ကြွကြွ ဆောင် ရွက်နေသူတွေကို ရွေးချယ်ချီးမြှင့်တာဖြစ်ပါတယ်။ အခုလိုဆုရရှိတာနဲ့ ပတ်သက်လို့  ဒီမိုကရေစီနဲ့  ငြိမ်း ချမ်းရေး အမျိုးသမီးကွန်ရက်အဖွဲ့  က ဒေါ်နော်အုန်းလှက RFA ကို အခုလိုပြောပါတယ်။

“ကျမက ဒီမိုကရေစီနဲ့  ငြိမ်းချမ်းရေး အမျိုးသမီးကွန်ရက်ပါ၊ ကျမတို့အဖွဲ့အစည်းကို ပေးတာလို့ပြောတယ် ပြီးတော့ ဝေဝေနု တို့ပါတယ်”

ဒီဆုကို ၂၀၁၁ ခုနှစ်ကစလို့ နှစ်စဉ်ချီးမြှင့်နေပြီး၊ သြစတေးလျ နိုင်ငံတကာဖွံ့ ဖြိုးမှုအေဂျင်စီ AusAID က ပံ့ပိုးကူညီနေပါတယ်။ အခု ၂၀၁၄ ခုနှစ်အတွက် ဆုတွေမှာတော့ မြန်မာနိုင်ငံက အမျိုးသမီးတွေနဲ့အတူ ဖိလစ်ပိုင်၊ အာဖဂန်နစ္စတန်၊ အင်ဒိုနီးရှား၊ နီပေါနဲ့ ပါကစ္စတန်နိုင်ငံတို့က အမျိုးသမီး ၁ ဦးစီ၊ အာဖဂန်နစ္စ တန်နဲ့  ပါကစ္စတန်က အမျိုးသား ၁ ဦးစီရရှိကြောင်း ကြေညာထားပါတယ်။

အခုသြဂုတ်လနဲ့ စက်တင်ဘာလမှာ ဆုရသူတွေကို မှတ်တမ်းရုပ်ရှင်တိုတွေ ရိုက်ကူးထုတ်လုပ်မှာဖြစ် ပြီး အောက်တိုဘာလမှာတော့ ဆုချီးမြှင့်ပွဲကျင်းမယ်လို့  ဆုရွေးချယ်ရေးအဖွဲ့ရဲ့ အင်တာနက်စာမျက်နှာ မှာ ဖေါ်ပြထားပါတယ်။

အခုလိုဆုရရှိတာနဲ့ ပတ်သက်လို့  ဒီမိုကရေစီနဲ့  ငြိမ်းချမ်းရေးအမျိုးသမီးကွန်ရက်အဖွဲ့ က ဒေါ်နော်အုန်းလှကို RFA ဝိုင်းတော်သား ကိုနေရိန်ကျော်ဆက်သွယ်မေးမြန်းထားတာ နားဆင်နိုင်ပါတယ်။

RFA