တန်းတူရေး၊ ကိုယ်ပိုင်ပြဌာန်းခွင့်နှင့် ဖက်ဒရယ်ပြည်ထောင်စုကို လက်ခံပါက အပစ်ရပ်စာချုပ် လက်မှတ် ထိုးမည်ဟု လိုင်ဇာအစည်းအဝေးက ဆုံးဖြတ်

တိုင်းရင်းသားများ လိုလားသည့် အမျိုးသား တန်း တူရေး၊ ကိုယ်ပိုင် ပြဌာန်းခွင့်နှင့် ဖက်ဒရယ် ပြည်ထောင် စု တည်ဆောက်ရေး အ ပေါ် အစိုးရ လက်ခံပါက တစ်နိုင်ငံလုံး အပစ်အခတ် ရပ်စဲရေး စာချုပ် လက်မှတ် ထိုး မည်ဟု ကချင်ပြည်နယ်၊ လိုင်ဇာမြို့တွင် ပြု လုပ် သော တစ်နိုင်ငံလုံး ဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ (NCCT) ထိပ်သီး ခေါင်းဆောင်များ အစည်းအဝေးတွင် ဆွေး နွေး ဆုံးဖြတ်ထားကြောင်း ရခိုင်ပြည်လွတ်မြောက်ရေး ပါတီ(ALP) ဒုဥက္ကဌ ခိုင်စိုးနိုင်အောင်က ဇူလိုင်လ ၂၈ရက်နေ့တွင် ပြောဆို လိုက်သည်။

“ဆွေးနွေးပွဲအခြေအနေကတော့ NCCT အဖွဲ့ဝင်တွေအားလုံး စည်းစည်းလုံးလုံး၊ ညီညီညွတ်ညွတ် နဲ့ ဆွေးနွေးပြီး စာချုပ်မူကြမ်း အခန်း ၇ခန်းစလုံး ဆွေးနွေးပြီးဖြစ်တယ်။ အမျိုးသားတန်းတူရေး၊ ကိုယ် ပိုင်ပြဌာန်းခွင့်နဲ့ စစ်မှန်တဲ့ ဖက်ဒရယ်ပြည်ထောင်စုကို အစိုးရအနေနဲ့ လက်ခံရင် တစ်နိုင်ငံလုံးဆိုင်ရာ အပစ်ရပ်စာချုပ်လက်မှတ်ထိုးဖို့ ဖြစ်လာမှာပါ”ဟု ALP ဒုဥက္ကဌ ခိုင်စိုးနိုင်အောင်က ကေအိုင်စီသို့ ပြော သည်။

ကချင်လွတ်မြောက်ရေးတပ်မတော်(ကေအိုင်အေ)ထိန်းချုပ်နယ်မြေ ကချင်ပြည်နယ်၊ လိုင်ဇာမြို့၌ ဇူလိုင်လ ၂၅ရက်က စတင် ကျင်းပခဲ့သည့် အဆိုပါအစည်းအဝေး၏ သုံးရက်မြောက်နေ့အပြီးတွင် တစ်နိုင်ငံလုံးဆိုင်ရာ အပစ်ရပ်စာချုပ်မူကြမ်းအခန်း ၇ခန်း ကို တက်ရောက်လာသည့် ကိုယ်စားလှယ်များက ဆွေးနွေးခဲ့ကြ ပြီးနောက် ထိုသို့ သဘောထားများ ရရှိခဲ့ခြင်းဖြစ်သည်။

၎င်းအစည်းအဝေး တက်ရောက်နေသည့် ကရင်အမျိုးသားအစည်းအရုံး(ကေအဲန်ယူ) ဗဟိုအလုပ်အ မှုဆောင်အဖွဲ့ဝင် ပဒိုစော တာဒို့မှုးကလည်း တိုင်းရင်းသားများ လက်နက်ကိုင်တော်လှန်ရေး လုပ်ကိုင်ခဲ့ သည်မှာ ယင်းအချက်များအပေါ် အခြေခံခဲ့ခြင်းဖြစ် ပြီး တစ်နိုင်ငံလုံးဆိုင်ရာ အပစ်အခတ်ရပ်စဲရေးစာချုပ် လက်မှတ်ထိုးရေးကိစ္စမှာ အစိုးရနှင့် ပြန်လည်ဆွေးနွေးပြီး ထွက်ပေါ်လာ သည့်အပေါ်တွင် မူတည်ကြောင်း ပြောဆိုသည်။

ပဒိုစောတာဒို့မှုးက “တိုင်းရင်းသားတွေကတော့ အဲဒီ့အပေါ်မှာပဲ အခြေခံထားတာလေ။ အခု တတိယနေ့အ ထိ စာချုပ် မူကြမ်း ၇ ခန်းလုံး ဆွေးနွေးပြီးသွားပြီ။ အစိုးရကိုယ်စားပြုအဖွဲ့နဲ့ ပြန်ဆွေးနွေးတဲ့အခါ ဘယ်လောက်အထိ ရမလဲဆိုတာတော့ မသိသေး ဘူး”ဟု ကေအိုင်စီသို့ ပြောသည်။

ထို့အပြင် အပစ်အခတ်ရပ်စဲရေးနှင့် တိုင်းရင်းသားများ လိုလားသည့် ဖက်ဒရယ်ပြည်ထောင်စု ကို ဖော်ဆောင်နိုင်မည့် ဖွဲ့စည်းပုံအ ခြေခံဥပဒေ ပြုပြင်ရေးဆိုင်ရာ နိုင်ငံရေးဆွေးနွေးပွဲများသည် အချိန်ကာလ လိုအပ်ချက်နှင့်အညီ ဖြစ်ပေါ်လာကြောင်း၊ ပကတိအ ခြေအနေကို ထည့်သွင်းစဉ်းစားလျက် တိုင်းရင်းသားများ လိုလားချက်ကို ရယူနိုင်ရန်လိုကြောင်း၊ ပြည်တွင်းနိုင်ငံရေး အင်အားစု များနှင့် ဖွဲ့စည်းပုံပြင်လိုသူများက ၎င်းတို့ဖြစ်စဉ်ကို စောင့်ကြည့်နေသည့်အတွက် ရလဒ်ကောင်းထွက်ပေါ်လာရန် လိုကြောင်း ကေအဲန်ယူ ဥက္ကဌ ဗိုလ်ချုပ်ကြီးစောမူတူးစေးဖိုးက ညီလာခံ ဒုတိယနေ့တွင် ၎င်း၏မိန့်ခွန်း၌ ထည့်သွင်းပြောဆိုထားသည်။

အဆိုပါ NCCT ထိပ်သီးအစည်းအဝေးကို ဇူလိုင်လ ၂၇ရက်နေ့တွင် တစ်ရက်ရပ်နားကာ ဇူလိုင် ၂၉ရက်နေ့တွင် အပစ်ရပ်စာချုပ် မူကြမ်း အသေးစိတ်အပိုင်းများနှင့် စကားလုံးအသုံးအနှုန်းများ ကို ဆွေးနွေးကာ အဆုံးသတ်မည်ဖြစ်ကြောင်း၊ ယင်းနောက် မြစ် ကြီးနားမြို့တွင် အစိုးရ၏ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ(UPWC)နှင့် NCCT အဖွဲ့ဝင်များ တွေ့ဆုံ ရန်ရှိကြောင်း ပဒိုစောတာဒို့မူးက ဖြည့်စွက်ပြောဆိုသည်။

အဆိုပါ အစည်းအဝေးတွင် တိုင်းရင်းသားလက်နက်ကိုင် တော်လှန်ရေးအဖွဲ့အစည်းများဖြစ်ကြသည့် KNU, KIO/KIA, KNPP, NMSP, ANC, CNF, SSPP/SSA, PNLO, PSLF/TNLA, WNO, LDU, MNDAA, AA, ALP, KNU/KNLA(PC), DKBA စသည့်အ ဖွဲ့ ၁၆ဖွဲ့မှ ကိုယ်စားလှယ်များနှင့် လေ့လာသူများ စုစုပေါင်း ၁၀၀ ၀န်းကျင် တက်ရောက်ခဲ့ကြသည်။ ထို့အပြင် NCCT အစည်းအ ဝေး တတိယနေ့တွင် ကုလသမဂ္ဂ အထူးကိုယ်စားလှယ် မစ္စတာဘီဂျေနမ်ဘီးယား ဦးဆောင်သည့် ကိုယ်စားလှယ်အဖွဲ့နှင့် တရုတ်ပြည်သူ့ သမ္မတနိုင်ငံ အာရှရေးရာ အထူးအကြံပေးအဖွဲ့မှ မစ္စတာတန်ယန်း ဦးဆောင်သည့်အဖွဲ့ဝင်များ တက်ရောက်ခဲ့ကြ ကြောင်း သိရသည်။

ကေအိုင်စီ - KIC News