ပညာရေးလောက ရင်လေးစရာ

ကျွန်တော့်အနေနဲ့ မည်သည့်အခါမျှ သူတစ်ပါး အကြောင်းကိုလိုက်လံဝေဖန်နေရတဲ့ ဝေဖန်ရေးဆရာ တစ်ယောက် ဘယ်တော့မှမဖြစ်ချင်ခဲ့ပါ။

သူတစ်ပါးမတောင်းကြောင်း ပြောဆိုနေရတဲ့သူ မဖြစ်ပါရစေနဲ့လို့ အမြဲတမ်းဆုတောင်းနေခဲ့သူပါ။

ဒါကြောင့်လည်း မရေးဖြစ်ခဲ့တာတွေ၊ အခုတော့ စာဖတ်ပရိတ်တွေကို တင်ပြပေးချင်တဲ့ စိတ်တွေဖြစ် လာတာကြောင့် ရေးသားတင်ပြပေးလိုက်ပါရစေ။

ကျွန်တော် ၁၀ တန်းအောင်ခါစ (၁၉၇၉-၁၉၈၀) လောက်မှာ ဆရာရင်းဖြစ်သူမြို့နယ်ပညာရေးမှူး၏ အကူအညီတောင်းမှုကြောင့် မော်လမြိုင်ကျွန်းမြို့ရဲ့ အစွန်းအဖျားဒေသတွေမှာ (ယခုနာဂစ်ကြောင့် ရွာ လုံးကျွတ်သေကုန်ရတဲ့ဒေသတွေမှာ) တွဲဖက်ကျောင်းဆရာလေးဘဝနဲ့ တစ်ကျောင်းလုံးကျောင်းသား ၂၀၀ ကျော်။ အတန်းငါးတန်း (သူငယ်တန်း၊ ပထမတန်း၊ ဒုတိယတန်း၊ တတိယတန်းနဲ့ စတုတ္ထတန်း) ကိုတစ်ယောက်တည်း ပညာသင်ပေးခဲ့ရသူပါ။

စီးပွားရေးကြောင့် ကျောင်းမလာနိုင်တဲ့ ကျောင်းသားတွေအတွက် အိမ်အထိလိုက်လံပညာသင်ပေးခဲ့ သူပါ။

နောက်တော့လည်း စာရေးဆရာဖြစ်ချင်၍ ရန်ကုန်မြို့ကို တက်လာခဲ့တာကြောင့် ကျောင်းဆရာအလုပ် ကနေထွက်ခဲ့ပေမယ့် သားသမီးတွေကတော့ ကျောင်းတွေနေခဲ့ပြီး အခုဆိုရင် ဘွဲ့တွေတောင် အသီး သီးရကုန်ကြပါပြီ။

အခုလည်းကျောင်းတွေဖွင့်ချိန်မို့ တူမဖြစ်တဲ့ ဆရာမတစ်ယောက်ပျာယာခတ်ရောက်လာပါတယ်။ သူနဲ့၊ ကျွန်ုပ်နဲ့ပြောခဲ့တာတွေကို အရှိအတိုင်းဖော်ပြလိုက်တာပါ-

ဆရာမ။ ။ အခုကျောင်းတွေဖွင့်ခါနီးတော့ အရမ်းစိတ်ပင်ပန်းရတယ် ဦးလေးရယ်။

ကျွန်ုပ်။ ။ ဘာများဖြစ်လို့လဲတူမရဲ့။ စာတွေသင်ဖို့ပြင်ဆင်ရတာကြောင့်လား။

ဆရာမ။ ။ စာကနှစ်တိုင်းသင်နေရတာဆိုတော့ ဘာမှထူးထူးခြားခြား ပြင်ဆင်စရာမလိုပါဘူး။ ကျောင်းတွေ မှာက အတန်းတစ်တန်းမှာ ဘာသာရပ်သင်ဆရာမတွေက ၁၂ ယောက်လောက်ရှိတယ်။ အခန်းကကိုး ခန်းပဲရှိတယ်။ ဒီတော့ ဆရာမတစ်ယောက်ကိုတစ်ခန်းပေးမယ်ဆိုရင် ကိုးယောက်ပဲရ မယ်။ ဒီတော့ ကျန်တဲ့ သုံးယောက်က အခန်းပိုင်ရှင်မရှိဖြစ်နေမယ်။ ကျန်တဲ့ဆရာမတွေက နှစ်ယောက် တစ်ခန်းဖြစ်သွားမယ်။

ကျွန်ုပ်။ ။ အခန်းပိုင်မရှိတော့ ဘာများဖြစ်လို့လဲတူမရဲ့။

ဆရာမ။ ။ အခန်းပိုင်ရှိမှ ကျူရှင်ပြလို့ရတာ ဦးလေးရဲ့။ အခန်းပိုင်ဆရာမဆီမှာ ကျူရှင်တက် တော့သေ ချာပေါက် ထူးထူးချွန်ချွန်အောင်ကြတာ ဦးလေးရဲ့။

ကျွန်ုပ်။ ။ သြော် . . . . ဒီလိုကိုး။

လွန်ခဲ့တဲ့နှစ် ၂၀ လောက်က ကျွန်တော့်သမီး ဆဋ္ဌမတန်းတက်တုန်းက အတန်းပိုင်ဆရာမ ကျူရှင်မ တက်ရင် အတန်းချပစ်မယ်ဆိုပြီး သူ့အခန်းထဲက သမီးသူငယ်ချင်းကို ပြောခိုင်းလို့သမီးက ကျွန်ုပ်ပြန် ပြောလို့၊ အဲဒီတုန်းက ဆဋ္ဌမတန်းပတ်လည်ဆရာကို သွားတိုင်ခဲ့ရတာကို ပြန်မြင်ယောင်နေမိသေး တယ်။

(အဲဒီ့ဆရာက ကျုပ်ကျောင်းဆရာဘဝက ကျုပ်လက်အောက်က ဆရာဖြစ်နေတာကြောင့် အတင်းတောင်း ပန်ပြီး နောက်မဖြစ်စေရပါဘူးလို့ တောင်းပန်ခဲ့တာကြောင့် မြို့နယ်ပညာရေးမှူးကို သွားမတိုင်ဖြစ်လိုက်ဘူး။

ဆရာမ။ ။ ဦးလေးတို့ခေတ်ကလိုမျိုး မဟုတ်ဘူး။ တော်တဲ့သူတွေကို (အေ) ခန်းကနေစပြီးတော့ အဆင့်ဆင့်သွားတာဆိုတော့ (အိုင်) ခန်းလောက်ကျတဲ့ဆရာမကတော့ ချာတူးလန်တွေ၊ ပြောမနိုင်၊ ဆိုမနိုင်တွေပေါ့။ (အေ) ခန်းကျတော့ အပြိုင်အဆိုင်ကြိုးပမ်းကျတော့ ကျူရှင်လည်း ကျောင်းသားတိုင်း တက်တယ်။ လခလည်းကောင်းကောင်းပေးတယ်။ ဒါကြောင့်ကျွန်မတို့ဆရာမတွေက (အေ) ခန်းကိုပဲ ကိုင်ချင်ကြတာဦးလေးရေ။ အချို့ကျောင်းပြောင်းလာတဲ့သူတွေကျတော့လည်း သူ့သားသမီးကို (အေ) ခန်းမှာထားချင်ကြတယ်။ အချို့ကျတော့လည်း သူတို့နဲ့ရင်းနှီးတဲ့ကျွန်မအခန်းမှာ ထားချင်ကြတယ်။ အမျိုးမျိုးပေါ့နော်။

ကျွန်ုပ်။ ။ အဲဒီတော့ . . . . .

ဆရာမ။ ။ မနှစ်ကပြောင်းသွားရတဲ့ ကျောင်းအုပ်ဆရာကြီးကတော့ ရှင်းတယ်။ ကျောင်းမဖွင့်ခင် မှာဘယ်ဆ ရာမက (အေ) ခန်းကိုဘယ်လောက်နဲ့ လေလံဆွဲမလဲ။ ဘယ်အခန်းကို ဘယ်လောက်ပေး မလဲဆို ပြီး ပြောင်ပြောင်ပဲ တောင်းယူတယ်။ အဲဒီတော့ ကျွန်မတို့ကလည်း ကိုယ်ပေးနိုင်တဲ့ဈေး နဲ့ တောင်းကြည့် တယ်။ မရတော့လည်း ငါကမှပိုမပေးနိုင်တာဆိုပြီး ကေနပ်လိုက်ကြရတာပေါ့။ မပေးနိုင် တဲ့ဆရာမတွေ ကတော့ နှစ်ယောက်တစ်ခန်းဖြစ်သွားကြတာပေါ့။ နှစ်ယောက်တစ်ခန်းကျတော့ ကိုယ် လုပ်ချင်တိုင်းလုပ် လို့မရဘူး။ သူ့မျက်နှာကြည့်နေရသေးတယ်။ အခုပြောင်းလာတဲ့ ဆရာမကြီးကျတော့ အဲဒီ့လိုမဟုတ်ဘူး။ လာကန်တော့တဲ့ပစ္စည်းကို ကြည့်မယ်ဆိုလို့ ကျောင်းကလုံခြုံရေးကို ကပ်ပေါင်း ထားပြီး သူ့ထက်သာအောင် ကန်တော့ဖို့ကြိုးစားနေရတာကြောင့် ကောင်းကောင်းတောင် အိပ်မပျော် ပါဘူးဦးလေးရယ်။

ကျွန်ုပ်။ ။ နင်တို့ဟာကလည်း မလွယ်ပါလား။

ဆရာမ။ ။ အချို့အတန်းတက်လာတဲ့ ကျောင်းသားမိဘတွေက ကျွန်မအခန်းမှာထားချင်လို့ ဖုန်းဆက်ပြီး ဆရာမဘယ်အခန်းရလဲ။ ဘယ်တော့ကျောင်းအပ်ရမလဲနဲ့ မေးနေကြပြီ။ အတန်းခွဲမရ သေးတော့ ဘာမှပြန်မပြောနိုင်သေးဘူး။ ဒီလိုကိုယ့်အတန်းလာအပ်ပြန်တော့လည်း ဆရာမကြီးကို ဒီကျောင်းသား ကတော့ ကျွန်မအခန်းမှာ နေချင်ပါတယ်လို့ ပြောပြလိုက်ရင် ဆရာမကြီးက ကျွန်မအ တန်းမှာ အပ်ဖို့စာရင်း ထည့်ပေးလိုက်တယ်။ ကန်တော့ကြေးကတော့ မိဘတွေက ဆရာမကြီးကိုပေးရ တယ်။ ပေးမှစာရင်း ထည့်ပေးတာ ဦးလေးရေ။

ကျွန်ုပ်။ ။ ကျူရှင်မသင်ရဘူးဆို ငါ့တူမရဲ့။

ဆရာမ။ ။ ဒါကတော့ နားလည်မှုပေါ့ဦးလေးရေ။ ကျွန်မတို့တစ်နှစ်လုံး ကျူရှင်သင်ပေးတဲ့ ကျောင်းသား အားလုံးအတွက် ကျွန်မတို့က တစ်နှစ်လုံးအတွက် ၁၀ လစာကျူရှင်လခရတယ်။ ကိုးလ စာက ကျွန်မတို့အတွက်လေ။ တစ်လစာကကျောင်းအုပ်ဆရာမကြီးကို ကန်တော့ကြေးပေးရတာ ဦးလေးရဲ့။ ကျောင်းသားဘယ်လောက်ကျူရှင်တက်တယ်ဆိုတာ ဆရာမကြီးကကွက်တိသိပြီးသား ဦးလေးရေ။ လိမ်လို့မရဘူး။

ကျွန်ုပ်။ ။ ဟိုက် . . . .

ကျွန်ုပ်လည်း ဘာပြန်ပြောရမှန်းမသိ ဖြစ်သွားပါတော့တယ်။

စိတ်မဆိုးပါနဲ့။

တကယ့်ဖြစ်ရပ်မှန်ပါဗျာ။

ပညာရေးလောက သန့်ရှင်းစင်ကြယ်နိုင်ပါစေဟု ဆုတောင်းလျက် . . . . .။

စံတော်ချိန်သတင်းစာ