ဆန်ပေးမှ ဆီရသည့် အကောက်ခွန်

“ပေးတာက ပေးတယ်၊ ကိစ္စမရှိဘူး။ ဒါပေမဲ့ ပေးရဲ့သားနဲ့ အရစ် (ညစ်) ခံရတာကို စိတ်နာတာ” ဟု ဆိုလာသူက အကောက်ခွန် ရှင်းလင်းရေး ဝန်ဆောင်မှု လုပ်ကိုင်သူတစ်ဦး ဖြစ်သည်။နိုင်ငံတစ်နိုင်ငံ၏ စီးပွားရေး ဂိတ်တံခါးဟုဆိုရမည့် အကောက်ခွန် ဦးစီးဌာနနှင့် ဆက်စပ်ပတ်သက် လုပ်ကိုင်နေရသူများထံမှ ယင်းကဲ့သို့ ညည်းတွားသံများ ထွက်ပေါ်လျက် ရှိသည်။

နိုင်ငံအတွင်းသို့ ဝင်လာသည့် ကုန်စည်များနှင့် နိုင်ငံအတွင်းမှ ထွက်သွားသည့် ကုန်စည်များကို စိစစ်ကာ အခွန်ကောက်ခံစည်းကြပ်ရန် တာဝန်ယူထားသည့် အကောက်ခွန် ဦးစီးဌာန၏ လုပ်ရှားမှုတိုင်းတွင် ‘အပေးအယူ’ မှာ မပါမဖြစ်။ လာဘ်ငွေမပေးသည့် ကုန်ပစ္စည်းဖိုင်မှာ မရှိသလောက် ဖြစ်သော်လည်း လာဘ်ငွေများများပေးသည့် ဖိုင်မှာ အချိန်မြန်မြန် ပြီးစီးနိုင်သည်ဟု အကောက်ခွန် ဝန်ဆောင်မှု လုပ်ကိုင်နေသူများက ယုံကြည်ထားသည်။

အကောက်ခွန် ဦးစီးဌာနမှ တာဝန်ရှိသူတစ်ဦး၏ ငွေတောင်းသံကို ယခုလို ကြားသိရသည်။
“အပြင်မှာလည်း ကုန်ဈေးနှုန်းတွေ တက်နေတာ မင်းလည်း သိတဲ့အတိုင်းပဲ။ ဒါကြောင့် ဒီမှာလည်း ဒီဈေးနဲ့ မရတော့ဘူး၊ တိုးပေးဖို့လိုတယ်” ဟု အကောက်ခွန် ဦးစီးဌာနမှ အလယ်အလတ်အဆင့်ရှိ အရာရှိတစ်ဦးက အကောက်ခွန် ရှင်းလင်းရေး ကိုယ်စားလှယ်ထံမှ လာဘ်ငွေ တောင်းခံနေသည့် သို့မဟုတ် ငွေညှစ်နေသည့် အသံဖိုင်ကို တိုးတိုးတိတ်တိတ် နားထောင်ခဲ့ရခြင်း ဖြစ်သည်။ ယင်းအသံဖိုင်ထဲတွင် ၅ သိန်း၊ ၈ သိန်း၊ ၁၁ သိန်း စသည်ဖြင့် လာဘ်ငွေတိုး တောင်းနေသံများကို ကြားနေရသည်။ ကုန်ဈေးနှုန်း တက်သည့်အတွက် ‘ဂါ (ဂါရဝဈေးနှုန်း)’ ဈေးနှုန်းတက်ခြင်း ဖြစ်ကြောင်းပြောသည့် ပြည်သူ့ဝန်ထမ်း၏ စကားမှာ အတော်ပင် မှတ်သားစရာ ကောင်းလှသည်။

အကောက်ခွန် ဦးစီးဌာနနှင့် အကောက်ခွန် ရှင်းလင်းရေး ဝန်ဆောင်မှု လုပ်ကိုင်သူများအကြားတွင် ပေါ်ပေါ် ထင်ထင် တင်းမာမှု မရှိသော်လည်း လူမှုရေးကွန်ရက် ဖေ့စ်ဘွတ် စာမျက်နှာများတွင်မူ အကောက်ခွန် ဝန်ထမ်းများ၏ လာဘ်ပေးလာဘ်ယူမှုနှင့် လုပ်ငန်းကြန့်ကြာမှုအကြောင်း ရေးသားဖော်ပြချက်များ အများအပြား ပေါ်ထွက်လျက် ရှိသည်။ ယင်းအပြင် အကောက်ခွန်ဦးစီးဌာန အတွင်းရှိ အကျင့်ပျက် ဝန်ထမ်းများ အကြောင်းနှင့် အကောက်ခွန် ရှင်းလင်းရေး လုပ်ငန်းစဉ် များပြားရှုပ်ထွေးမှုနှင့် လုပ်ငန်းကြန့် ကြာမှုများအကြောင်း ရေးသားထားသော တိုင်စာတစ်စောင်ကိုလည်း သတင်းမီဒီယာအချို့သို့ ဖြန့်ဝေထား သည်။

အဆိုပါ တိုင်စာထဲတွင် အကောက်ခွန် အကျင့်ပျက် ဝန်ထမ်းများ၏ လာဘ်ပေးလာဘ်ယူမှုများ အကြောင်း ပါဝင်ပြီး တစ်လလျှင်ပျမ်းမျှ ကျပ်သိန်း ၉၀၀ ကျော်မှ သိန်း ၃၀၀၀ နီးပါး လာဘ်ပေးလာဘ်ယူမှု များ ရှိနေကြောင်းနှင့် ယင်းငွေပေးရမှုကြောင့် အခွန်ရှောင်မှုများ ဖြစ်ပေါ်နေကြောင်း ရေးသားထားသည်။

“မမှန်မကန် လုပ်ချင်တဲ့သူဆိုတာ ရှားပါတယ်။ မဖြစ်မနေ ပေးနေရတာပါ။ ဒီလိုမှ မပေးရင်လည်း ကိုယ့်အလုပ်က တော်တော်နဲ့ မပြီးတော့ဘူး။ ဘယ်လောက် ကြာမယ်ဆိုတာ မသိနိုင်ဘူး” ဟု အကောက်ခွန် အေးဂျင့်တစ်ဦးက ဆိုသည်။

လာဘ်ပေးလာဘ်ယူမှုနှင့် တံစိုးလက်ဆောင် ယူမှုများသည် သေချာစွာ တွက်ချက်ပြီးမှ ကျူးလွန်ကြသော ရာဇဝတ်မှုများ ဖြစ်ကြောင်းနှင့် စီးပွားရေး ဖွံ့ဖြိုးမှု နိမ့်ကျသည့် နိုင်ငံများတွင် အဂတိလိုက်စားမှုမှာ ပျံ့နှံ့စွာရှိတတ်ကြောင်း နိုင်ငံတော်သမ္မတ စီးပွားရေးအကြံပေး ဦးမြင့်၏ ‘အဂတိလိုက်စားမှု’ စာတမ်း တွင် ဖော်ပြထားသည်။ ကုန်သည်များနှင့် အကောက်ခွန် အေးဂျင့်များထံမှ မကျေနပ်ချက်များ ထွက်ပေါ် လာခြင်းသည် စည်းကမ်းတင်းကျပ်ခြင်းနှင့် ယခင်ကကဲ့သို့ ငွေပေးလုပ်ဆောင်ရန် မဖြစ်နိုင်တော့သည့်အ တွက် ဖြစ်ကြောင်း အကောက်ခွန်ဦးစီးဌာန အကြီးတန်း အရာရှိတစ်ဦးက ဆိုသည်။

“ဒါက မမှန်မကန် လုပ်နေကျလူတွေ အခုလို စည်းကမ်းတင်းကျပ်လိုက်လို့ အသံတွေ ထွက်လာတာပါ။ အခုလက်ရှိဌာနရဲ့ အနေအထားနဲ့ အရင်တုန်းကနဲ့ မတူတော့ပါဘူး။ တော်တော်ကွာသွားပါပြီ” ဟု အကောက်ခွန်ဦးစီးဌာန အကြီးတန်း အရာရှိတစ်ဦးက ဆိုသည်။ ယခင်အစိုးရလက်ထက်နှင့် ယခုအစိုးရသစ် လက်ထက်တွင် အကောက်ခွန် ဦးစီးဌာန၏ လုပ်ငန်း စွမ်းဆောင်ရည်ပိုင်း ကွာခြားသကဲ့သို့ လုပ်ငန်း စွမ်းဆောင်ရည် အကဲဖြတ်မှု ဘုတ်အဖွဲ့ဝင် ရောက်ပြီး နောက်ပိုင်းတွင် လုပ်ငန်းပိုင်း ဆောင် ရွက်ချက်များ တိုးတက်လာကြောင်း ၎င်းက ဆက်လက်ပြောကြားသည်။

လက်စာရင်းနှင့် ကွန်ပျူတာစာရင်း တွဲဖက်အသုံးပြုနေရသည့် လက်ရှိအကောက်ခွန် ရှင်းလင်းရေး လုပ်ငန်းစဉ်ကို ပိုမိုတိုးတက်စေရန် ကွန်ပျူတာ အသုံးပြု အကောက်ခွန်စနစ်သစ်ကို အကောင်အ ထည် ဖော်လျက်ရှိပြီး ယင်းစနစ်ကို ကျင့်သုံးနိုင်ပါက ဝန်ထမ်းနှင့် ပြည်သူတိုက်ရိုက် ထိတွေ့ရန်မလိုတော့ သည့်အတွက် လာဘ်ပေးလာဘ်ယူမှု လျော့ကျသွားမည် ဖြစ်ကြောင်း ၎င်းတို့က ဆိုသည်။

လာဘ်ပေးလာဘ်ယူ ပြုလုပ်သည့် ဝန်ထမ်းကို အပြစ်တင်နေခြင်းထက် အကောက်ခွန်စနစ်ကို ပြင်ဆင်ရန် လိုအပ်ပြီး အခြားနိုင်ငံများနည်းတူ အလိုအလျောက် အကောက်ခွန် ရှင်းလင်းရေးစနစ် (Online စနစ်) ကို ကျင့်သုံးနိုင်ရန် လိုကြောင်း မြန်မာနိုင်ငံ ဆန်စပါးအသင်းချုပ် တွဲဖက်အထွေထွေ အတွင်းရေးမှူး ဒေါက်တာ စိုးထွန်းက ဆိုသည်။

“အောက်ခြေဝန်ထမ်းတွေကို စာနာပါတယ်။ ကျွန်တော်တို့အနေနဲ့ ပေးပါတယ်။ သူတို့ဘက်ကလည်း ကူညီပေးပါတယ်။ လူသားချင်းစာနာလို့ ပေးတာပါ” ဟု အကောက်ခွန် ရှင်းလင်းရေး ဝန်ဆောင်မှု လုပ်ကိုင်သူတစ်ဦးက ဆိုလာသည်။

ပေးသူရှိနေသည့် ကာလတစ်လျှောက်လုံး အဂတိလိုက်စားမှု၊ လာဘ်ပေးလာဘ်ယူမှု လျော့ကျရန် မဖြစ်နိုင်သလို တောင်းသူရှိနေသည့် ကာလတစ်လျှောက်လုံး မည်သည့်အခါမှ သန့်ရှင်းသောအစိုး ရ ဖြစ်လာနိုင်စရာ မရှိပေ။

ပြည်သူ့ဝန်ဆောင်မှုလုပ်ငန်း ဆောင်ရွက်နေရသည့် အကောက်ခွန်ဦးစီးဌာန အနေနှင့် လုပ်ငန်းများ အဆင်ပြေချောမွေ့စေရန် အတတ်နိုင်ဆုံး ဆောင်ရွက်ပေးရမည် ဖြစ်သော်လည်း ‘ဆန်ပေးမှ ဆီရ’ မည့် ပြည်သူ့ဝန်ဆောင်မှုမျိုး မဖြစ်ရန် လိုအပ်ပေသည်။

လာဘ်ပေးလာဘ်ယူ ကိစ္စတစ်ခုတွင် ပေးသူဘက်ကပေးရခြင်း အကြောင်းရင်းသည် အချိန်ကုန် သက်သာရေးနှင့် ရှုပ်ထွေးပွေလီသော စည်းမျဉ်းစည်းကမ်း အထိန်းအချုပ်များကို ရှောင်ရှားနိုင်ရန် ဖြစ်ပြီး ယူသူသို့မဟုတ် တောင်းသူဘက်ကမူ လောဘနှင့် လိုအပ်ချက်ကြောင့် ဖြစ်နိုင်ကြောင်း နိုင်ငံတော်သမ္မတ၏ စီးပွားရေးအကြံပေး ဦးမြင့်၏ စာတမ်းတွင် ရေးသားထားသည်။

ကုန်စည်များ အဝင်အထွက် ဂိတ်ပေါက်တွင် လုပ်ငန်းစဉ်များ ရှုပ်ထွေးခြင်းနှင့် ယင်းကဲ့သို့ လာဘ်ပေးလာဘ် ယူမှု များပြားနေခြင်းက ကုန်စည်စီးဆင်းမှုကို နှောင့်နှေးကြန့်ကြာစေသည်။

သမ္မတဦးသိန်းစိန်ကမူ “အထူးသဖြင့် ကုန်စည်အဝင်အထွက် ဆိပ်ကမ်းများ၊ လေဆိပ်များ၊ ပြည်သူတွေနဲ့ အများဆုံး ထိတွေ့နေရတဲ့ ရုံးဌာနအသီးသီးနဲ့ စည်ပင်သာယာ အဖွဲ့အစည်းတွေမှာ ပြည်သူတွေ မနှစ်မြို့မလိုလားတဲ့ ဆက်ဆံ ဆောင်ရွက်မှုတွေ ရှိနေခြင်းအပေါ် တာဝန်ရှိတဲ့ ဝန်ကြီးများ၊ ဒုတိယဝန်ကြီးများက မသိကျိုးကျွန် ပြုမနေဘဲ ပြည်သူတွေကျေနပ်မှု၊ ယုံကြည်မှု ရှိလာတဲ့အထိ ဝန်ဆောင်မှုတွေ လျင်မြန်တိုးတက် ကောင်းမွန်အောင် ဖိဖိစီးစီး ဆောင်ရွက်သွားကြဖို့ မှာကြားလိုပါတယ်” ဟု ဆိုထားသည်။

လတ်တလော ဆိပ်ကမ်းတွင် ကုန်ပစ္စည်းများနှင့် တင်သွင်းကားများ သောင်တင်နေခြင်းမှာမူ လာဘ်ပေးလာဘ်ယူ ကိစ္စကြောင့်မဟုတ်ဘဲ တင်သွင်းကား အရေအတွက် များလာခြင်းကြောင့်ဟု အကောက်ခွန် ဦးစီးဌာနက ဆိုသည်။

စီးပွားရေးဖွံ့ဖြိုးစ မြန်မာနိုင်ငံတွင် သွင်းကုန်၊ ထုတ်ကုန်လုပ်ငန်း များလာခြင်းနှင့် ကားမူဝါဒ ပြောင်းလဲ မှုကြောင့် ကားတင်သွင်းမှု များလာရာ ယင်းကုန်ပစ္စည်းများကို စိစစ်ရှင်းလင်းရန် အကောက်ခွန် ဝန်ထမ်းများကို ယခင်ထက် ပိုမိုချထား ပေးစေလိုကြောင်း Distinct ကားရောင်းဝယ်ရေး ကုမ္ပဏီ အုပ်ချုပ်မှုဒါရိုက်တာ ဦးဇေယျာကြည်က ပြောကြားသည်။

လက်ရှိ ကျင့်သုံးနေသော အကောက်ခွန်စနစ်ကို ပြင်ဆင်ခြင်း၊ ဝန်ထမ်းအင်အား မလုံလောက်မှုကို ဖြည့် တင်းခြင်းနှင့် မလိုအပ်သော ဝန်ထမ်းထုတ်နုတ် သုံးစွဲခြင်းတို့ကို ရှောင်ရှားနိုင်ရန် လိုကြောင်း မြန်မာနိုင်ငံ ဆန်စပါးအသင်းချုပ် တွဲဖက်အထွေထွေ အတွင်းရေးမှူး ဒေါက်တာ စိုးထွန်းက ပြောဆိုသည်။

ပို့ကုန်သွင်းကုန် လုပ်ငန်းများနှင့် ဆက်စပ်လုပ်ကိုင်နေရသော ကုန်သည်များ လက်ထဲသို့ ကုန်ပစ္စည်း အမြန်ဆုံး ရရှိရေးသည် အဓိကကျပြီး တင်သွင်းလာသည့် ကုန်ပစ္စည်းများ ဆိပ်ကမ်းတွင် သောင်တင်ကာ အကောက်ခွန် ရှင်းလင်းရေးလုပ်ငန်း ကြန့်ကြာခြင်းသည် ဈေးကွက်ကို အနည်းနှင့် အများထိခိုက်မှု ရှိစေသည်။ “အဓိက ထိခိုက်နစ်နာတာကတော့ ကုန်သည်ပေါ့။ အချိန်ကိုက်ဖို့ လိုတယ်လေ၊ ဒီပစ္စည်းတစ်ခု ဈေးကွက်ထဲကို ဒီအချိန်ရောက်မှ ဖြစ်မယ်ဆိုရင် အခုအကောက်ခွန် လုပ်ပုံမျိုးနဲ့ဆို သွားပြီပဲ” ဟု အကောက်ခွန်ဝန်ဆောင်မှု အေးဂျင့်တစ်ဦးက ဆိုသည်။

ကုန်သည်လက်ထဲသို့ ကုန်ပစ္စည်းအမြန်ဆုံး ရောက်ရှိရန်နှင့် ကုန်သွယ်ရေး လုပ်ငန်းစဉ်များ အဆင်ပြေစေရန် အစိုးရဌာနများကို လာဘ်ထိုးနေသည့် ကုန်ကျစရိတ်များမှာ ရောင်းချမည့် ကုန်ပစ္စည်းပေါ် ထပ်တိုး ဈေးတင်လိုက်သည့်အတွက် အမှန်တကယ် နစ်နာသူမှာ ပြည်သူလူထုသာ ဖြစ်သည်။ ကုန်ဈေးနှုန်း ကြီးမြင့်မှုကို အခြေခံ ပြည်သူများ ခံစားကြရပြီး နိုင်ငံတော် အတွက်လည်း ရသင့်ရထိုက်သော အခွန်ဘဏ္ဍာငွေ ဆုံးရှုံးကာ မသမာသော ဝန်ထမ်းများထံသို့ အကျိုးအမြတ်များ ရောက်ရှိသွားသည်။

အကြီးတန်း အရာရှိအချို့၏ အတောမသတ်နိုင်သော လောဘနှင့် ဝင်ငွေနိမ့် ဝန်ထမ်းများ၏ လိုအပ်ချက် တို့ကြောင့် ဖြစ်ပေါ်နေသည့် လာဘ်ပေးလာဘ်ယူ ကိစ္စနှင့် ပြည်သူ့ဝန်ဆောင်မှု အားနည်း ချက်များ အပေါ် နိုင်ငံအကြီးအကဲ၏ ပြောစကား မည်မျှထိရောက်မှု ရှိမည်ကိုမူ ပြန်လည် ဆန်းစစ်ရမည်ပေဦးမည်။

ယခုအထိ အကောက်ခွန် လောကအတွင်း အသုံးများဆုံး စကားတစ်ခုမှာ အောက်ပါအတိုင်း။ “ပေးတယ် ဆိုတာကတော့ ကိုယ့်လုပ်ငန်း အဆင်ပြေပြေ ပြီးသွားအောင် ပေးကြတာပဲ။ ဒါက အပြန်အလှန်ပါပဲ၊ ပုံမှန်လိုဖြစ်နေပါပြီ”

စစ်ငြိမ်းသူ | the voice