ခင်ပွန်းကို လုပ်ကြံသတ်ဖြတ်ရန် ဇနီးက စေခိုင်းမှု လွိုင်ကော်တွင် ဖြစ်ပွား

ကယားပြည်နယ် လွိုင် ကော်မြို့ ကုန်းသာယာလမ်းဘေး ရေမြောင်းအတွင်း ယခုလ ၆ ရက် က ဓားဒဏ်ရာများဖြင့် သေဆုံးနေသည့် အမျိုးသားအလောင်းတစ်လောင်း တွေ့ရှိပြီး ယင်းအမှုနှင့် ပတ်သက်၍ သံသယရှိသူ သုံးဦးကို ဖမ်းဆီးစစ်ဆေးရာမှ သေဆုံးသူ၏ဇနီးက သတ်ရန် ခိုင်းစေမှုအဖြစ် ပေါ်ပေါက်ခဲ့ကြောင်း လွိုင်ကော်မြို့မရဲစခန်းမှ ဒုရဲမှူးကျော်ကျော်ဦးက ပြော သည်။

သေဆုံးသူအမျိုးသား အ လောင်းကို ဇွန်လ ၃ ရက် ည ၇ နာရီကျော်တွင် ကုန်းသာယာလမ်းဘေးရေမြောင်းအတွင်း ဓား ဒဏ်ရာများဖြင့် တွေ့ရှိပြီးနောက် လိုက်လံစုံစမ်းရာ သေဆုံးသူ၏ ဇနီးက သတ်ခိုင်းခြင်းဖြစ်ကြောင်း အဆိုပါရဲအရာရှိကပြောသည်။

‘‘သေတဲ့သူနဲ့ သတ်ခိုင်းတဲ့သူ က လင်မယားတွေဖြစ်နေတယ်ဆို တာ သိရပါတယ်။ ဘာကြောင့် သတ်ခိုင်းရလဲဆိုတာတော့ စစ် နေတုန်းပါ။ အခုလည်း သူတို့ ကျူးလွန်တဲ့ပုံစံတွေကို စစ်နေပါ တယ်။ အမျိုးသမီးနဲ့ သတ်တဲ့သူ တွေက သွားလာနေတာတော့ရှိ တယ်။ ဘယ်လိုပတ်သက်နေလဲ ဆိုတာတော့ စစ်မေးနေတုန်းပါ’’ ဟု ဒုရဲမှူးကျော်ကျော်ဦးကပြော သည်။

သေဆုံးခဲ့သည့် အမျိုးသား မှာ သာစည်မြို့နယ် ဟန်ဇားကျေး ရွာနေ အမျိုးသားဖြစ်ပြီး လူသတ် ရန်ခိုင်းစေသူမှာ ၎င်း၏ဇနီး အ လယ်တန်းပြဆရာမတစ်ဦးဖြစ်ပြီး အမျိုးသားနှစ်ဦးကို ငွေကြေးဖြင့် ခိုင်းသည့်အမှုဖြစ်ကြောင်း လွိုင် ကော်မြို့နယ် ခရိုင်ရဲတပ်ဖွဲ့မှ ရဲ အရာရှိတစ်ဦးက ပြောသည်။

အမှုကတော့ စစ်နေပြီး ပေါ် လာပါပြီ။ ကျန်တဲ့အပိုင်းတွေ တော့ စစ်နေတယ်။ ဒီအမှုက လူ မှုရေးတွေလည်းပါတော့ သေချာ စစ်ဆေးရတယ်။ သတ်တာတော့ ၀န်ခံတယ်။ ကျန်တာတွေတော့ စစ်နေတယ်။ ပတ်ဝန်းကျင်က အ ပြောတစ်မျိုး၊ အမှုစစ်တော့ သတ် တာ ၀န်ခံပေမယ့် ကျန်တာစစ်မေး နေတုန်းပါ’’ဟု အဆိုပါရဲအရာရှိ က ပြောသည်။

လူသတ်မှုကျူးလွန်သူများ ကို လွိုင်ကော်မြို့မရဲစခန်းက ပြစ် မှုပုဒ်မ ၃၀၂ ဖြင့် အမှုဖွင့်စစ်ဆေး နေပြီး ပြစ်မှုကျူးလွန်သူများကို အခင်းဖြစ်ပွားသည့် နေရာသို့ခေါ် ဆောင်ကာ အမှုမှန်ပေါ်ပေါက်စေ ရန် အသေးစိတ်စုံစမ်းမှုများ လုပ် ဆောင်နေကြောင်း ဒုရဲမှူးကျော် ကျော်ဦးက ပြောသည်။

‘‘ရှားတောမြို့နယ် ဒေါတ နောကျေးရွာက အလယ်တန်းပြ ကျောင်းဆရာမ ဇင်မာခိုင်ရဲ့ ယောက်ျား ရဲလွင်ဦးဆိုတာက မန္တလေးကနေ ၃၁ ရက် ည ၇ နာရီ ရွှေလွန်းပျံကားနဲ့ လွိုင်ကော်ကို လာပြီးတွေ့တယ်။ မနက် ၃ နာရီ ခွဲလောက်မှာ လွိုင်ကော်နာရီစင် နားက ကားဂိတ်မှာ ကားဆိုက် တယ်။ သူ့မိန်းမဆီကို ဖုန်းဆက် တော့ လွိုင်ကော်နဲ့ ဒေါ်တနော ကျေးရွာဆိုတာ လေးနာရီလောက်ကြာအောင်သွားရတယ်။ ဆရာမက ကလောရယ်နဲ့တိုးရယ် ဆိုတဲ့ အမျိုးသားနှစ်ယောက်နဲ့ လာပြီးတော့ တွေ့တယ်။ တွေ့ တော့ လာတွေ့တဲ့သူတွေမှာ ဓား တွေပါလာတယ်။ ပြီးတော့ ခရား တွင်းကို ခေါ်သွားပြီးတော့ ဓားနဲ့ ခုတ်တယ်။ အလောင်းကို မြို့ပြင် ဘက်က ကုန်းသာယာကျေးရွာ ဘက်က လမ်းဘေးမြောင်းမှာ ပစ် ထားခဲ့တယ်။ မြောင်းကလည်း ၃ ပေလောက် နက်တယ်။ ဇွန်လ ၃ ရက်မှာ အကြောင်းကြားလို့ ကျွန် တော်တို့သိတယ်။ အလောင်းမှာ မှတ်ပုံတင်တို့၊ ဖုန်းတို့ပါလာတော့ သူ့ရဲ့ဟာ ဟုတ်၊ မဟုတ် အတည် ပြုတယ်။

မှတ်ပုံတင်အရ ဟန်ဇာ ကျေးရွာကို ကျွန်တော်တို့ ဖုန်း ဆက်တယ်။ သူ့ရဲ့ ဆွေမျိုးတွေကို ဖုန်းဆက်တော့ ဒေါ်တနောကျေး ရွာက သူ့မိန်းမကျောင်းဆရာမဆီ ကို သွားတာ။ သူက လွိုင်ကော်မ ရောက်ဖူးဘူးဆိုပြီးတော့ ပြောပါ တယ်။ သူ့အလောင်းကို ကျွန် တော်တို့ ရင်ခွဲစစ်ဆေးလိုက်တဲ့အ ချိန်မှာ ဓားဒဏ်ရာ အနည်းဆုံး ခြောက်ချက်လောက်ရှိတယ်။ ဦး ခေါင်းကို ဓားနဲ့ခုတ်လိုက်တာမှာ နောက်စေ့ထိပြီးသေသွားတာပါ။ ကျောင်းဆရာမကို မေးမြန်းတော့ သူက ငြင်းကွယ်ပေမယ့် နောက် ဆုံးမှာ ၀န်ခံထွက်ဆိုတဲ့အတွက် သူနဲ့အတူပါသွားတဲ့သူကို လိုက် ဖမ်းတော့ သူ့ကိုဖမ်းပြီးသားဖြစ် သွားတယ်။ ကလောရယ်ဆိုတဲ့ ကောင်လေးက ဆရာမကို ချစ် ကြိုက်နေတယ်။

ဆရာမကလည်း သူ့ယောက်ျားကို မပေါင်းချင်ဘူး ဆိုတာမျိုး ပြောတဲ့အခါကျတော့ ဓားနဲ့ခုတ်တာပေ့ါ။ ကျောင်းဆရာ မနဲ့ ကလောရယ်နဲ့က အရှုပ်အ ရှင်းလေးတွေ ရှိမှာပေါ့ဗျာ။ အဲဒီ အရှုပ်အရှင်းကိုရှင်းဖို့ ဆရာမရဲ့ ယောက်ျားက လာတဲ့အချိန်ဖြစ် ကြတာ။ သေဆုံးသူက မန္တလေး တိုင်းဒေသကြီး သာစည်မြို့နယ် ဟန်ဇားကျေးရွာနေ ရဲလွင်ဦး။ ဧည့်လမ်းညွှန်အလုပ် လုပ်ကိုင် သူ။ အသက် (၃၀) ခန့်။ ကလော ရယ် (၁၈) နှစ်၊ ဒေါ်တနောကျေး ရွာနေ တိုးရယ် (၃၀) နှစ်ခန့်၊တောင်ယာလုပ်ကိုင် ကျောင်း ဆရာမ ဟန်ဇားကျေးရွာနေ သူ့ ယောက်ျားကို သတ်တဲ့အချိန်မှာ သူလည်း ဘေးမှာရှိတယ်လို့ သိရ တယ်’’ဟု ဒုရဲမှူးကျော်ကျော်ဦး ကပြောသည်။

ဖိုးတုတ် - 7day