အိပ်မက်တွေကပြောတဲ့ သင့်အကြောင်း

အိပ်မက်တွေမှာ အဓိပ္ပာယ်ကိုယ်စီ ရှိကြပါတယ်။

ရေနစ်နေတာတို့၊ ကျားလိုက်ခံရတာတို့ စတဲ့ ကြောက်လန့်ဖွယ် အိပ်မက်တွေ မက်ဖူးပါသလား။

အောက်ပါ အိပ်မက်အမျိုးအစားတွေက သင့်ရဲ့လက်ရှိ ဖြစ်ပေါ်နေတဲ့ မသိစိတ်က ခံစားချက်တွေကို ဖော်ဆောင်ပေးပါတယ်။

၁။ လေယာဉ်ပျံ

လေယာဉ်ပျံကို ကိုယ်တိုင် ချောချောမွေ့မွေ့မောင်းရတယ်လို့ အိပ်မက်မက်ရင် သင့်ရဲ့ ဆုံးဖြတ်ချက်တွေအပေါ် ယုံကြည်မှုအပြည့်ရှိနေတဲ့သဘောပါ။ အဲဒီလိုမဟုတ်ဘဲ လေယာဉ်ပျက်ကျတယ်လို့ အိပ်မက်မက်ရင်တော့ သင့်ရဲ့ ကိုယ်ပိုင်စွမ်းရည်ကို မယုံကြည်တာ ဒါမှမဟုတ် သင်ချမှတ်ထားတဲ့ ပန်းတိုင်တွေက သင့်အတွက် အမှန်တကယ် မဖြစ်နိုင်ဘူးလို့ ခံစားရတယ်ဆိုတဲ့ အဓိပ္ပာယ်ဖြစ်ပါတယ်။

၂။ ကလေးငယ်

ကလေးငယ်တွေက အပြစ်ကင်းစင်မှုနဲ့ ဘဝအသစ် အစပြမှုကို ဖော်ညွှန်းပါတယ်။ နောက်တစ်ခု ဖြစ်နိုင်သေးတာက သင့်ဘဝထဲက တစ်ယောက်ယောက် ဒါမှမဟုတ် သင်ကိုယ်တိုင်က ကလေးဆန်နေတာကို ဖော်ညွှန်းတာလည်း ဖြစ်နိုင်ပါတယ်။ ဒါမှမဟုတ် သင့်စိတ်ထဲမှာ ကလေးလိုချင်စိတ် ဖြစ်ပေါ်နေတာလည်း ဖြစ်နိုင်ပါသေးတယ်။

ကိုယ့်ကလေးကိုယ် မေ့ကျန်ခဲ့တယ်လို့ အိပ်မက်မက်ရင် သင့်ရဲ့ ခံယူချက်တစ်ခုခုကို စွန့်လွှတ်လိုက်တယ်ဆိုတဲ့ အဓိပ္ပာယ် ဒါမှမဟုတ် သင့်ရဲ့ ပျော့ကွက်တွေကို တခြားသူမမြင်အောင် ဖုံးကွယ်နေတယ်ဆိုတဲ့ အဓိပ္ပာယ်ပါ။ ကလေးလေး ငိုနေတယ်လို့ အိပ်မက်မက်ရင်တော့ သင့်ရဲ့ စိတ်ကို သက်သောင့်သက်သာ ဖြစ်အောင် လုပ်ဖို့ လိုအပ်နေပါပြီ။

၃။ သွား

သွားတွေ ကျွတ်ထွက်ကုန်တယ်လို့ အိပ်မက်မက်သလား။ အဲဒီလို အိပ်မက်မျိုးမက်ရင် နောက်တစ်နေ့အထိ စိုးရိမ်မှုက စွဲကပ်နေတတ်ပါတယ်။ ဒါဟာ သင့်အသက်အရွယ် ကြီးရင့်သွားမှာ ဒါမှမဟုတ် သင့်ရဲ့ ရုပ်ရည်နုနယ်လှပမှု ပျောက်ဆုံးသွားမှာကို မသိစိတ်ကနေ ကြောက်ရွံ့နေလို့ ဖြစ်နိုင်ပါတယ်။ နောက်လာမယ့် စိန်ခေါ်မှုတစ်ခုအတွက် မပြင်ဆင်ရသေးတာ၊ ဒါမှမဟုတ် မဝံ့မရဲဖြစ်နေရင်လည်း အဲဒီလို အိပ်မက်မျိုး မက်တတ်ပါတယ်။

၎။ အိမ်

အိမ်တို့ အဆောက်အအုံတို့ဆိုတာ သင့်ရဲ့ အတွင်းစိတ်ကို ကိုယ်စားပြုပါတယ်။ အခန်းတစ်ခုချင်းဆီကလည်း မတူညီတဲ့ စိတ်ခံစားချက်တွေကို ရည်ညွှန်းပါတယ်။ ယေဘုယျအားဖြင့် ထပ်ခိုးက အသိဥာဏ်ကို ကိုယ်စားပြုပြီး မြေအောက်ခန်းက မသိစိတ်ကို ကိုယ်စားပြုပါတယ်။ အိပ်မက်ထဲမှာ နံရံမပါတဲ့ အိမ်တစ်လုံးကို မြင်မက်ရင် သီးသန့်ဘဝမရှိဘူးလို့ ခံစားရလို့ပါတဲ့။ အိမ်ပြိုကျတယ်လို့ အိပ်မက်မက်ရင်တော့ သင့်ရဲ့ ခံစားချက်ကို သင်ကိုယ်တိုင် လျစ်လျူရှုထားမိလို့ပါပဲ။

၎။ အောက်သို့ ပြုတ်ကျခြင်း

အောက်ကို ပြုတ်ကျတယ်လို့ အိပ်မက်မက်ရင် လုံခြုံမှု၊ ထိန်းချုပ်မှုနဲ့ ယုံကြည်မှု လျော့နည်းစိတ် ဖြစ်ပေါ်နေလို့ပါ။ ကိုယ့်ရဲ့ အချစ်ရေး ဒါမှမဟုတ် အလုပ်မှာ တည်ငြိမ်မှုမရှိဘူးလို့ ခံစားရတာမျိုးလည်း ဖြစ်နိုင်ပါတယ်။

၅။ လမ်းပျောက်ခြင်း

အိပ်မက်ထဲမှာ လမ်းပျောက်တယ်ဆိုရင်တော့ ကိုယ့်ဘဝမှာလည်း လမ်းပျောက်တယ်လို့ ခံစားရလို့ပါ။

၆။ ပင်လယ်

ပင်လယ်၊ ရေကူးကန်၊ မြစ်၊ ရေကန် ဘာပဲဖြစ်ဖြစ် ရေက သင့်ရဲ့ စိတ်ခံစားချက်တွေကိုပဲ ကိုယ်စားပြုပါတယ်။ ရေနစ်နေတယ် ဒါမှမဟုတ် ရေစီးအတိုင်း မြောပါနေရတယ်လို့ အိပ်မက်မက်ရင် သင်ဟာ လွှမ်းမိုးခံရတယ်လို့ ခံစားနေရလို့ပါလို့ ဆိုပါတယ်။ တကယ်လို့ ပင်လယ်မှာ ရွက်လွှင့်ရတယ်လို့ အိပ်မက်မက်ရင်တော့ သင့်မှာ ကောင်းမွန်တဲ့ သဘောထားအမြင်ရှိပြီး လွတ်လပ်မှုကို ခံစားနေရလို့ပါပဲ။

၇။ ပြေးခြင်း

ပြေးဖို့ ကြိုးစားပေမယ့် ခြေထောက်တွေက လှုပ်လို့မရဘူးလို့ အိပ်မက်မက်သလား။ ဒါဟာ ကိုယ့်ကိုကိုယ် ယုံကြည်မှု မရှိတာကို ညွှန်ပြနေတာပါ။ တစ်ယောက်တည်း ပြေးနေတယ်လို့ အိပ်မက်မက်ရင်တော့ ကိုယ့်ရဲ့ ပန်းတိုင်တွေကို ရောက်ရှိဖို့ ဆုံးဖြတ်ချက် ခိုင်မာနေလို့ပါပဲ။ တစ်ခုခုကနေ ထွက်ပြေးနေရတယ်လို့ အိပ်မက်မက်ရင်တော့ ကိုယ့်ရဲ့ ကြောက်ရွံ့မှုတွေကို ရင်ဆိုင်ဖြေရှင်းလိုစိတ် မရှိတာကို ဖော်ပြပါတယ်။

Duwun