ဖန်တီးထားတဲ့ ဦးနှောက်ဆဲလ်တွေက စက်ရုပ်တွေကို အလိုအလျောက် မောင်းနှင်မှုအတတ်ပေး

လူတွေ၊ တိရိစ္ဆာန်တွေ အလုပ်လုပ်တဲ့အတိုင်း စက်ရုပ်တစ်ခုက သူ့ကိုယ်တိုင် လမ်းကြောင်းပြပြီး ဘယ်လိုမောင်းနှင်မယ်ဆိုတဲ့ အကြောင်းကို စင်ကာပူ သိပ္ပံ၊ နည်းပညာနှင့် သုတေသန အစိုးရဌာနမှ သုတေသီများအဖွဲ့က ထုတ်ပြန်ကြေညာခဲ့ပါတယ်။

သတ္တဝါတွေကို သဘာဝအတိုင်း မြေမျက်နှာပြင်အနေအထား သိရှိဖို့ ကူညီပေးတဲ့ ဦးနှောက်ဆဲလ် နှစ်မျိုးကို ဒီဂျစ်တယ်လ် နည်းနဲ့ ဖန်တီးပွားယူပြီး စက်ရုပ်တွေမှာ အလုပ်လုပ်နိုင်စေခဲ့တယ်လို့ သတင်း ရရှိပါတယ်။

ဒီဦးနှောက်ဆဲလ်တွေကို “Grid” နဲ့ “Place” ဆဲလ်တွေဆိုပြီး သိထားကြပါတယ်။

Place ဆဲလ်တွေကို နိုဘယ်လ်ဆုရှင် ဦးနှောက်သိပ္ပံပညာရှင် John O’Keefe က ၁၉၇၀ ခုနှစ်မှာ ပထမဆုံးအကြိမ် ရှာဖွေတွေ့ရှိခဲ့တာပါ။ သတ္တဝါတစ်ကောင်က သူ့ပတ်ဝန်းကျင်မှာ ရင်းနှီးပြီးသား နေရာကိုဖြတ်သွားတိုင်း ဒီဆဲလ်တွေက အလုပ်လုပ်ပေးပါတယ်။

Grid ဆဲလ်တွေကိုတော့ ၂၀၀၅ခုနှစ်မှာ ရှာတွေ့ခဲ့ပြီး သူတို့က 3D နေရာလွတ် တည်နေရာတွေကို အသေးစိတ် ခံစားသိရှိဖို့နဲ့ စိတ်မြေပုံ တည်ဆောင်ဖို့ကို ကူညီပေးပါတယ်။

“ဖန်တီးထားတဲ့ Grid ဆဲလ်တွေက ကျင့်သားရနိုင်တဲ့ မြေပုံနဲ့ လမ်းကြောင်းပြ စနစ်ကို ထောက်ပံ့ပေးနိုင်ပါတယ်။” လို့ ဦးဆောင်သုတေသီ Haizhou Li ကပြောခဲ့ပါတယ်။

Skyler - သစ်ထူးလွင်
Ref: engadget