သတ္တုအိုးထဲ ရေသောက်ပြီး ခေါင်းပြန်ထုတ်မရဖြစ်နေသည့် ကျားသစ် (ရုပ်သံ)

အိန္ဒိယနိုင်ငံရဲ့ ကန္တာရပြည်နယ် ရာဂျတ်စ်သန်မှာ ရေရှာတဲ့ ကျားသစ်တကောင်ဟာ စက်တင်ဘာ ၃၀ ရက်နေ့က သတ္တုရေအိုးထဲမှာ ခေါင်းဝင် ရေသောက်အပြီး ခေါင်းညပ်နေလို့ ပြန်ထုတ်မရ ဖြစ်ခဲ့ပါတယ်။

စိတ်လှုပ်ရှားနေတဲ့ ကျားသစ်ဟာ ခေါင်းဝင်နေတဲ့ အိုးကို ပြန်ချွတ်ဖို့ ဟိုဟိုဒီဒီ လျှောက်သွားခဲ့ပါတယ်။

ဒီမတော်တဆဖြစ်ရပ်ကို ဘေးက ရပ်ကြည့်သူ အတော်များများက မှတ်တမ်းတင် ဓာတ်ပုံရိုက်ခဲ့ကြတာပါ။

သစ်တောအရာရှိတွေ ရောက်လာပြီး ကျားသစ်ကို ငြိမ်ဆေးကျွေး ကယ်ဆယ်ခဲ့ပါတယ်။ အိုးကိုချွတ်ပေးပြီး ကျားသစ်ကို အထူးလှောင်အိမ်ထဲထည့် ကားနဲ့သယ်သွားပြီး တောနက်ထဲ ပြန်လွှတ်ပေးခဲ့ကြပါတယ်။

ကျားသစ်ဟာ အသက် ၃ နှစ်ကနေ ၃ နှစ်ခွဲသားရှိပြီး မြို့နားက သတ္တုတွင်းတူးရာ ချိုင့်ဝှမ်းမှာ ကျက်စားနေသူ ဖြစ်တယ်လို့ ခရိုင် သစ်တောအရာရှိက ပြောပါတယ်။

အိန္ဒိယမှာ သားရိုင်း စားကျက်မြေတွေကို ဖျက်ဆီးနှောင့်ယှက်မှုကြောင့် သားရိုင်းတိရစ္ဆာန်နဲ့ လူတို့ကြား ပဋိပက္ခတွေ အဓိက ဖြစ်ပွားနေပါတယ်။

ကျားသစ်လို သားရိုင်းတွေဟာ လူနေဒေသကို မကြာခဏ ရောက်လာပြီး အစာနဲ့ သားကောင် ရှာဖွေလေ့ ရှိပါတယ်။

DVB