ရုပ်တူတဲ့အမြွာညီအစ်ကိုနဲ့လက်ထပ်ထားပြီး တစ်အိမ်တည်းအတူနေကြတဲ့ ရုပ်ချင်းခွဲမရတဲ့အမြွာညီအစ်မ

ရုပ်တူတဲ့အမြွာတွေဆိုတာ ခွဲခြားရ အရမ်းခက်ခဲပါတယ်။ အခုဟာကတော့ အမြွာ ၂ စုံပါ။ မော်စကိုမြို့ အိုင်ဒါဟိုက ရုပ်ချင်းခွဲမရတဲ့အမြွာတွေဖြစ်တဲ့ ဖီးလ်နဲ့ ဒေါက်တို့ညီအစ်ကိုဟာ သူတို့ဇနီးတွေဖြစ်တဲ့ ရုပ်တူတဲ့အမြွာညီအစ်မ ဂျီနာ၊ ဂျေးလ်တို့နဲ့အတူ တစ်အိမ်တည်းမှာ နေထိုင်ကြတာဖြစ်လို့ အိမ်ကိုလာလည်တဲ့ဧည့်သည်တွေအတွက်တော့ အမြဲတမ်းဇဝေဇ၀ါဖြစ်ရပါတယ်။ သူတို့ ဇနီးမောင်နှံ ၂ စုံလုံးဟာ တစ်အိမ်တည်းမှာအတူနေတဲ့အပြင် ရင်သွေး ၁ ဦးစီလည်း ရှိကြပြီး အဲဒီရင်သွေးတွေကလည်း ရုပ်ချင်းတူနေတာကတော့ အံ့သြစရာဖြစ်တော့မယ် မထင်ပါဘူး။

အသက် ၅၈ ရှိပြီဖြစ်တဲ့ ညီအစ်ကို ၂ ဦးနဲ့ အသက် ၄၈ နှစ်ရှိပြီဖြစ်တဲ့ ညီအစ်မ ၂ ဦးဟာ ၁၉၉၃ ခုနှစ်က ကမ္ဘာ့အကြီးဆုံးအမြွာပွဲတော်မှာ ဆုံဆည်းခဲ့ကြတာဖြစ်ပါတယ်။ ဖီးနဲ့ ဒေါက်တို့ ညီအစ်ကိုဟာ တစ်သက်လုံးအတူနေလာခဲ့ပြီး ဂျီနာနဲ့ ဂျေးလ်တို့ကို တွေ့ချိန်မှာတော့ ချက်ချင်းကို သဘောကျသွားခဲ့ကြပါတယ်။ နောက်နှစ်ပွဲတော်ရောက်တော့ သူတို့ဟာ ညီအစ်မ ၂ ဦးကို ပွဲတော်စင်မြင့်ပေါ်ခေါ်သွားပြီး လူသိရှင်ကြား လက်ထပ်ခွင့်တောင်းခဲ့ပါတယ်။ နောက်နှစ်မှာတော့ အဲဒီပွဲတော်မှာပဲ သူတို့လက်ထပ်ခဲ့ကြတယ်လို့ သိရပါတယ်။

ဖီးလ်က သူတို့အတူနေကြတာနဲ့ပတ်သက်ပြီး လူတွေက နားမလည်ဘူးလို့ ဆိုပါတယ်။ ဒါပေမဲ့ အခုလိုအနေအထားဟာ အမြွာတွေသာသိနိုင်တဲ့ သံယောဇဉ်ဖြစ်ပြီး သူတို့အတွက် ဘာပြဿနာမှမရှိဘူးလို့ ပြောခဲ့ပါသေးတယ်။ ဖီးလ်နဲ့ ဂျီနာတို့မှာ တင်မ်လို့ခေါ်တဲ့ သားတစ်ဦးရှိပြီး ဒေါက်နဲ့ဂျေးလ်မှာတော့ ရိုင်လီလို့ခေါ်တဲ့သမီးတစ်ဦးရှိနေပါတယ်။

ညီမင်းဟန်(ဆန္ဒကူး)