စာတော်သောသူသည် သူဋ္ဌေးဖြစ်နိုင်ပါသလား။

ကျောင်းမှာတုန်းကတော့ စာတော်သောသူသာလျှင် လူတော်ဖြစ်ပြီး ချီးကျုးအားပေးမူကို ခံရမှာပါ။

ဒါပင်မဲ့ ကျောင်းတွေလည်းပြီး ဘွဲ့တွေလည်း ရပြီးသောအခါမှာတော့ အခြေအနေက တစ်မျိုးပြောင်းလဲလာနိုင်ပါတယ်။

ကျောင်းတော်ကြီးနဲ့ ဘာတွေက ဘယ်လိုပြောင်းလဲပြီး ကွာခြားသွားသလဲဆိုတာကို ဖတ်ကြည့်လိုက်ပါနော်။

၀၁. စာမေးပွဲ ရမှတ် နဲ့ အလုပ်က ရမှတ်

လပတ်၊ အတန်းတင်စာမေးပွဲ စသည်ဖြင့် အားလုံးလဲကြုံတွေ့ဖူးမှာပါ။ စာမေးပွဲမှာ ရရှိတဲ့ရမှတ်တွေ အပေါ်မူတည်ပြီး သူတော်တယ်လို့ အမှတ်နဲ့ ဆုံးဖြတ်ပါလိမ့်မယ်။
အလုပ်ခွင်ထဲကို ရောက်သွားပြီးဆိုတာနဲ့ စာမေးပွဲတုန်းက အမှတ်တွေ၊ ပညာအရည်အချင်းတွေထက် အလုပ်လုပ်တတ်ပြီး လုပ်ငန်းခွင်ကို နားလည်မူရှိသူသာလျှင် ဘဝရည်မှန်းချက်တွေ
အောင်မြင်ရန်အတွက် လောကကြီးက အမှတ်တွေပေးသွားမှာပါ။

၀၂. အကြံဥာဏ်ကောင်းသူ

ကျောင်းတုန်းကတော့ ပေးသမျှကို အလွတ်ကျက်ပြီး အမှတ်ကောင်းတွေရပြီး ကိုယ့်ကိုကိုယ် လူတော်ကြီးလို့ ခံယူထားသူတွေလည်း နည်းမှာမဟုတ်ပါ။
အလုပ်ခွင်ရောက်ရင်တော့ အကြံဥာဏ်ကောင်းသူကသာလျှင် နေရာကို ရပါလိမ့်မယ်။ ကမ္ဘာပေါ်မှာ လူတိုင်းသိသော ပညာရှင်၊လုပ်ငန်းရှင်တွေဟာ ပတ်ဝန်းကျင်မှာ ရှိပြီးဖြစ်သော
နည်းပညာတွေကို ပိုပြီးကောင်းမွန်အောင်လုပ်မယ်ဆိုတဲ့ အကြံဥာဏ်ကောင်းတွေကို အမြဲတွေးပြီး လက်တွေ့လုပ်ဆောင်နေတာကြောင့် အောင်မြင်နေတာပါ။

၀၃. အောင်မြင်သောသူရဲ့ ခံယူချက်

အောင်မြင်နေသောသူရဲ့ ခံယူချက်ဆိုတာလဲ ၁၀၀ ရာခိုင်နှုန်းမှန်တယ်လို့ မရှိပါ။ သူတို့ကိုယ်တိုင်လည်း အမြဲတမ်း ကောင်းတာကို သင်ယူပြီး အတုယူမယ်ဆိုတာကို အမြဲလက်စွဲထားပါတယ်။
ဘယ်သူနဲ့မဆိုတွေ့ရန် အသင့်ရှိသလို၊ ဘယ်လောက်ပဲ မကောင်းသောသူပဲဖြစ်ဖြစ် သူ့ဆီကလည်း တစ်ခုခုကို ရအောင်ယူမယ်ဆိုတဲ့ ဆန္ဒရှိပါတယ်။
ဒါကြောင့် တစ်ယောက်နဲ့တစ်ယောက်တွေ့ရန်ကြုံလာလျှင် အများကြီး မစဉ်းစားပဲ တွေ့ကြည့်လိုက်ပါ။ မကြိုက်ရင် ထပြီး ပြန်လာရင်ပြီးတာပါပဲ။

၀၄. အသေးစိတ်သောသူ

လူတွေမှာ တစ်ခုခုတော့ အားနည်းချက်ဆိုတာ ရှိပါတယ်။ အားနည်းချက်ရှိလို့ အလုပ်မလုပ်နိုင်ဘူးဆိုရင်တော့ တစ်ကမ္ဘာလုံးက လူတွေကတော့ အလုပ်လုပ်လို့ရတော့မှာ မဟုတ်ပါ။
ဥပမာ အရမ်းကိုတော်ပြီး ထူးချွန်တဲ့ စီးပွားရေးလုပ်ငန်းရှင်ပဲဖြစ်ပါစေ၊ သူ့ကို အားကစားလုပ်ခိုင်းရင် ရယ်စရာကောင်းလောက်အောင် အပြေးမသန်တာမျိုးလည်းရှိတတ်ပါတယ်။

၀၅. အစီအစဉ်ဆွဲတတ်သူ

ဘယ်လောက်ပဲ အစီအစဉ်တွေကို စနစ်တကျဆွဲတတ်တဲ့သူဖြစ်ပါစေ၊ လက်တွေ့မလုပ်နိုင်သောသူဖြစ်ရင်တော့ အဓိပ္ပာယ်မရှိပါ။
နော်၅နှစ်၊၁၀နှစ် ဘဝစီမံကိန်းကို စဉ်းစားပြီးအချိန်ကုန်နေတာထက်စာရင် ယခုဘာကိုလုပ်သင့်တယ်ဆိုတာကို သေသေချာချာ စဉ်းစားပြီး လက်တွေ့လုပ်ဆောင်သင့်တယ်လို့ အကြံပေးပါရစေ။

၀၆. အမှားကို မလုပ်မိစေရန် သတိထားသူ

အလုပ်မှာ အမှားကို မလုပ်မိစေရန်ဆိုပြီး အမှားကိုရှောင်နည်းသင်ပေးသောကျောင်းကို တတ်တာထက် မှားလိုက်သောအခါမှာ ပြန်လည် သုံးသပ်ပြီးနောင်မမှားအောင် ဘယ်လိုလုပ်မလဲဆိုတာကို
စဉ်းစားနိုင်သူဖြစ်အောင် ကြိုးစားပါ။ အောင်မြင်သောသူတွေဟာ အမှားကနေ အမှန်ဖြစ်လာတာပါ။ မှားခဲ့တဲ့အတွက် ဆုံးရှုံးမှုတွေကို ခဏမေ့ထားပြီး နောင်မမှားအောင် ဘယ်လိုလုပ်မလဲဆိုတာကိုသာ
အလေးထားသူများဖြစ်ပါတယ်။

၀၇. နားလည်ပြီး ဆုံးဖြတ်ပေးနိုင်သူ

ဘယ်အစည်းအဝေးမှာပဲဖြစ်ဖြစ် မှန်တယ်မှားတယ်ကို သေသေချာချာ ပြောနိုင်သောသူဖြစ်ပါစေ။ မဟုတ်တာကို မဟုတ်ဘူးလို့ြေ့ပာနိုင်မှသာလျှင် ကောင်းသောလမ်းကို ရောက်မှာပါ။

၀၈. ဆုံးခန်းတိုင်အောင်လုပ်ပါ

လုပ်ငန်းကြီး လုပ်ငန်းသေး မဆိုင်ပါ။ ဘယ်အလုပ်ကို လုပ်နေသူပဲဖြစ်ဖြစ် ဆုံးခန်းတိုင်အောင် လုပ်သင့်ပါတယ်။ ပန်းတိုင်ကိုရောက်သွားလျှင် တာထွက်တုန်းက ထင်ထားတာထက် အခြေအနေတွေက
အများကြီး ပြောင်းလဲသွားနိုင်ပါတယ်။

Chelmo Team