ယင်းလတ် အယူခံ ငြင်းပယ်ခံရ

ဓာတ်ပုံ - ရိုက်တာ

အမှုကို ဆိုင်းငံ့ပေးဖို့၊ ဆန်ကိစ္စနဲ့ပတ်သက်ပြီး တရားလို တင်သွင်းတဲ့ အထောက်အထားနဲ့ သက်သေတွေကို ငြင်းပယ်ပေးဖို့ ထိုင်းဝန်ကြီးချုပ်ဟောင်း ယင်းလတ် ရှင်နာဝပ်ရဲ့ အယူခံကို ထိုင်းတရားရုံးက ပယ်ချလိုက်ပါတယ်။

တာဝန်ဝတ္တရား ပျက်ကွက်တာ၊ အာဏာကို အလွဲသုံးစားလုပ်ပြီး အကျင့်ပျက် ခြစားမှုကို ရပ်အောင်မလုပ်တာ၊ ဆန်ကိစ္စ အရှုံးပေါ်တာတွေနဲ့ စွဲဆိုခံထားရတဲ့ ယင်းလတ်နဲ့ ပတ်သက်တဲ့ ဆုံးဖြတ်ချက်ကို တရားရုံးက ကြေညာလိုက်တာလို့ ဘန်ကောက်ပို့စ် သတင်းက ရေးပါတယ်။

နိုင်ငံမှာ တာဝန်ထမ်းဆောင်သူတွေကို စစ်ဆေးတဲ့ ရာဇ၀တ်မှု ခုံရုံးမှာ စီရင်ပိုင်ခွင့် မရှိဘဲ အုပ်ချုပ်ရေးဆိုင်ရာ တရားရုံးမှာ စစ်ဆေးစီရင်သင့်တယ်ဆိုတဲ့ ခုခံပြောဆိုချက်နဲ့ အမှုကို ဆိုင်းငံ့ပေးဖို့ ပထမဆုံး အယူခံမှာ ယင်းလတ်က တောင်းဆိုလိုက်တာ ဖြစ်ပါတယ်။

ဒါပေမယ့် တရားရုံးက လက်မခံဘဲ အုပ်ချုပ်ရေးဆိုင်ရာ တရားရုံး လုပ်ထုံးလုပ်နည်းတွေ အရ ရာဇ၀တ်မှုတွေကို စီရင်ပိုင်ခွင့်မရှိဘူးလို့ ဆိုပါတယ်။

အောက်တိုဘာ ၂၉ ရက်မှာ တရားရုံးက တရားလိုတွေနဲ့ တရားပြိုင်တွေရဲ့ သက်သေကို စစ်ဆေးဖို့ ထပ်မံချိန်းဆိုထားပါတယ်။

DVB