ရခိုင်တွင် မတရားအသင်း ဆက်သွယ်မှုဖြင့် အရေးယူခံရသူ ၃၁ ဦးထိမြင့်တက်

ရက္ခိုင့် တပ်မတော်(AA)နှင့် ဆက်သွယ်သည်ဆိုသော စွပ်စွဲချက်ဖြင့် ရခိုင်ပြည်နယ် မြို့နယ်ပေါင်းစုံမှ သံသယ ရှိသူ ရခိုင်တိုင်းရင်းသား ၃၁ ဦး အထိ ရှိလာပြီဖြစ်ပြီး ၎င်းတို့ကိုမတရားအသင်း အက်ဥပဒေ ပုဒ်မ ၁၇ (၁)၊ (၂) တို့ဖြင့် တရားစွဲဆိုခံနေရကြောင်း သတင်းရရှိသည်။
-
ပုဒ်မ ၁၇ (၁) ၊ (၂) ဖြင့် ဖမ်းဆီးခံထားရသည့် ရခိုင်တိုင်းရင်းသားများမှာ စစ်တွေ၊ ကျောက်တော်၊ မြောက်ဦး၊ ဘူးသီး တောင်၊ ရသေ့ တောင်၊ မင်းပြားနှင့် ကျောက်ဖြူမြို့နယ် စသည့် မြို့နယ်ပေါင်းစုံမှဖြစ်ပြီး လက်ရှိတွင် ဖမ်းဆီးခံ ရခိုင် တိုင်းရင်းသား အယောက် ၃၂ ဦး ထဲမှ ၃၁ ဦးကို တရားစွဲဆိုထားကြောင်း၊ ကျန် ၁ ဦးအား တရားစွဲတင်နိုင်ရေး အတွက် စစ်ဆေး မေးမြန်းနေကြောင်း၊ တရားစွဲဆိုခံထားရသူများကို ဇွန် ၂ ရက်နေ့နှင့် ၄ ရက်နေ့တို့တွင် ကျောက်တော်မြို့နယ် တရားရုံးတွင် ဒုတိအကြိမ်မြောက် ရုံးထုတ် စစ်ဆေးမည် ဖြစ်ကြောင်း ကျောက်တော်မြို့နယ် ရဲတပ်ဖွဲ့မှ မြို့နယ်မှူး ရဲမှူးခင်မောင် က ဧရာဝတီသို့ ပြောသည်။
-
“ကျနော်တို့ စစ်ဆေးကြည့်လိုက်တဲ့ အခါ ပုဒ်မ ၁၇ (၁)နဲ့ အကျုံးဝင်တဲ့သူ ရှိတယ်။ ၁၇(၂) ၀င် တဲ့သူ ရှိတယ် ။ သူတို့ရဲ့ လုပ်ရပ်၊ လုပ်ကွက်တွေကို ကြည့်ခြင်းအားဖြင့် မတရားအသင်း ဥပဒေနဲ့ ငြိစွန်း နေပါတယ်။ ဒါနဲ့ တရားစွဲတင်တာ ဖြစ်ပါ တယ်”ဟု ရဲမှူး ခင်မောင်က ပြောသည်။
-
တရားစွဲဆိုခံထားရသူများတွင် မင်းပြားမြို့နယ် င/စရိုင်းချောင်းကျေးရွာမှ အလယ်တန်းပြဆရာ ကိုရွေလုံး( ခ )ရွှေဇင်ဝင်း တစ်ဦးလည်း ပါဝင်ကြောင်း ၄င်းအမှုကို လိုက်ပါ ဆောင်ရွက် နေသူ တရားလွှတ်တော် ရှေ့နေ ဒေါ်အေးနုစိန်က ပြော သည်။
-
“ကျမတို့က ဒီအမှုအတွက် ဥပဒေဘောင်ထဲကပဲ လုပ်ဆောင်သွားမှာပါ။ ဘာလုပ်မယ်၊ ဘာဖြစ်တယ်၊ တရားမျှတမှု မရှိဘူးဆိုတာမျိုးတွေ ဖော်ထုတ် မပြောချင်ဘူး။ ဥပဒေအတိုင်းပဲ ဥပဒေဘောင် အတွင်းကပဲ လုပ်ဆောင်မယ်”ဟု ဒေါ်အေးနုစိန်က ဆိုသည်။
-
ရခိုင်တိုင်းရင်းသား ၃၁ ဦးအမှုကို မေလ ၃ ရက်နေ့ ရမန်ရယူခဲ့ပြီး မေလ ၂၈ ရက်နေ့တွင် ပထမအကြိမ် ရုံးထုတ်ခဲ့ကြောင်း၊ တရားစွဲဆိုခံရသူများသည် ကျောက်တော် အခြေစိုက် အမှတ် (၉) စစ်ဆင်ရေး ကွပ်ကဲမှူး ဌာနချုပ်(စကခ-၉) နှင့် ကျော်တော်မြို့နယ်မှ စစ်ဖက်ဆိုင်ရာ လုံခြုံရေး တပ်ဖွဲ့တို့မှ ဖမ်းဆီးကာ ရဲတပ်ဖွဲထံသို့ လွှဲပြောင်းပေးလာခြင်း ဖြစ်ကြောင်း သိရှိရသည်။
-
မတရားအသင်း အက်ဥပဒေဖြင့် ဖမ်းဆီးတရားစွဲခံနေရသည့် ရခိုင်းတိုင်းရင်းသားများအတွက် မြောက်ဦးခရိုင် ရှေ့နေ အသင်းနှင့် ကျောက်တော်မြို့နယ် ရှေ့နေအသင်းတို့က အခမဲ့ ရှေ့နေ လိုက်ပါရန် စီစဉ်ဆောင်ရွက် နေကြောင်း၊ ယခုကဲ့သို့ ရခိုင်တိုင်းရင်းသားများကို သံသယဖြင့် ဖမ်းဆီးတရားစွဲဆိုနေသည့်အပြင် ညအချိန် ကျေးရွာများတွင် အာဏာ ပိုင်များက ဧည့်စာရင်းများ လာရောက် စစ်ဆေးခြင်းတို့ကြောင့် ဒေသခံများမှာ စိုးရိမ် ကြောက်လန့် နေကြောင်း သိရှိရသည်။
-
ရခိုင်အမျိုးသားပါတီ၊ ကျောက်တော်မြို့နယ် အလုပ်အမှုဆောင် ဦးမောင်အေးစိုးက “ကျနော်တို့ဒေသခံတွေက တော တောင် ကိုမှီပြီး လုပ်စားနေရသူတွေ ဖြစ်တယ်။ ခုလိုမျိုး သံသယနဲ့ လိုက်ဖမ်းနေတော့ တောထဲကိုလည်း မသွားရဲ၊ မ၀င်ရဲဘူးဖြစ်နေရတယ်။ ညဘက်ဆို လည်း ဧည့်စာရင်း စစ်တာကတမျိုး တော်တော် စိတ်ထိခိုင်စရာပါပဲဗျာ”ဟု ဆိုသည်။
-
အစိုးရ တပ်မတော်နှင့် ရက္ခိုင့် တပ်မတော်(AA)တို့ကြား ၂၀၁၅ ခုနှစ်၊ မတ်လ၂၉ ရက်နေ့က စတင်၍ တိုက်ပွဲများ ဖြစ်ပွားလျက်ရှိပြီး ဒေသခံ များမှာလည်း စစ်ရှောင်ဒုက္ခသည်များအဖြစ် ရွှေ့ပြောင်းနေထိုင်လျက်ရှိကြောင်း သိရှိရသည်။

ဧရာဝတီ