အိန္ဒိယရှိ ပြည်နယ်တစ်ခုတွင် ကျောင်းသူကျောင်းသားများ စာခိုးချနိုင်ရန် မိဘဆွေမျိုးများ သက်စွန့်ဆံဖျား ကူညီနေ

အိန္ဒိယနိုင်ငံ၊ ဘီဟာပြည်နယ်တွင် စာမေးပွဲများ၌ ကျောင်းသူကျောင်းသားများ စာခိုးချခြင်းသည် သာမန် အခြေအနေသဖွယ် ဖြစ်နေသည်။ သို့သော်လည်း နောက်ဆုံး ထွက်ပေါ်လာသည့် မှတ်တမ်းဓာတ်ပုံများက အဆိုပါ ပြည်နယ်၏ ပညာရေးကဏ္ဍတွင် စာမေးပွဲဖြေဆိုရာ၌ မရိုးမသား ပြုလုပ်မှုများက မည်မျှအတိုင်းအ တာထိ ဆိုးရွားနေသည်ကို ကွက်ကွက်ကွင်းကွင်း ပေါ်လွင်လာစေခဲ့သည်။

ကျောင်းသူကျောင်းသား အများအပြားသည် တင်းတင်းကျပ်ကျပ် စိစစ်တားဆီးနေသည့်ကြားမှ ဖတ်စာအုပ် များနှင့် မှတ်စုစာအုပ်များကို စာမေးပွဲခန်းထဲ ယူဆောင်လာကြသည်။ ထို့အပြင် မိဘများ၊ မိတ်ဆွေ သူငယ် ချင်းများကလည်း ကျောင်းသူကျောင်းသားများ စာခိုးချနိုင်အောင် အမျိုးမျိုး ပံ့ပိုးကူညီပေးကြသည်။

လတ်တလောတွင် ဘီဟာပြည်နယ်ရှိ အလယ်တန်းကျောင်း တစ်ခုတွင် စာမေးပွဲ ဖြေဆိုနေရာ မိသားစု များ ကစာခိုးချရန် အသက်အန္တရာယ်ကိုပင် မငဲ့ဘဲ မည်သို့မည်ပုံ ကူညီကြသည်ကို အိန္ဒိယ ဓာတ်ပုံသတင်း

ထောက် ဒီပန်ကာက မှတ်တမ်းတင်ထားခဲ့သည်။ ဘီဟာပြည်နယ် စာမေးပွဲ ဘုတ်အဖွဲ့က စစ်ဆေးသည့် အဆိုပါ အလယ်တန်း စာမေးပွဲများသည် မတ်၂၄ ရက်ထိ ဆက်လက် ဖြေဆိုရမည်ဖြစ်ပြီး စာသင်ကျောင်း တစ်ခု၏ မြင့်မားသော နံရံများပေါ်ထိ မိသားစုများ၊ မိတ်ဆွေများက တွယ်တက်ကာ ကျောင်းသူကျောင်းသား များ စာခိုးချနိုင်အောင် ကူညီနေသည့် ဓာတ်ပုံအပါအဝင် စာမေးပွဲ ပတ်ဝန်းကျင် အခြေအနေများကို ဒီပန် ကာက မှတ်တမ်းယူ ရိုက်ကူးခဲ့ခြင်း ဖြစ်သည်။

ဘီဟာပြည်နယ်တွင် စာမေးပွဲ ဖြေဆိုသည့် ကျောင်းသူကျောင်းသား (၁.၄)သန်းမျှ ရှိနေကြောင်း တာဝန်ရှိ သူများက ပြောကြားထားသည်။ ယခုနှစ်အတွင်း ဘီဟာရှိ ဆာဟာဆား၊ ချာဟာပရာ၊ ဗိုင်ရှာလီနှင့် ဟာဂျီပွာ ဒေသများတွင် စာခိုးချမှုများ အဓိက ပေါ်ပေါက်ခဲ့ကြောင်းလည်း သိရသည်။

ဒေသတွင်း သတင်းစာများကလည်း မိမိတို့၏ အသက်ကိုပင် အရင်းပြု စွန့်စားကာ သားသမီးများ စာခိုးချနိုင် ရန် ကူညီနေသည့် မိဘများနှင့် အခြားသော ဆွေမျိုးသားချင်းများ၏ ဓာတ်ပုံများကို ဝေဝေဆာဆာ ဖော်ပြခဲ့ သည်။ အချို့သော ဓာတ်ပုံများတွင် စာသင်ကျောင်း အပြင်ဘက်၌ လုံခြုံရေး စောင့်ကြပ်နေသည့် ရဲတပ်ဖွဲ့ ဝင်များက လာဘ်ငွေယူပြီး မိဘများကို ဝင်ခွင့်ပေးနေကြောင်းလည်း တွေ့ရသည်။ အချို့သော နေရာများ တွင်မူ စည်းကမ်းတင်းကျပ်သည့် ရဲများနှင့် ကျောင်းသူကျောင်းသား မိဘများ ပြဿနာ တက်နေကြကြောင်း သိရသည်။

ဒီပန်ကာက သတင်းမီဒီယာများ အနေဖြင့် စာမေးပွဲများတွင် မရိုးမသား အခြေအနေများ ရှိနေကြောင်းကို တာဝန်ကျေကျေ ဖော်ပြခဲ့သော်လည်း ဒေသဆိုင်ရာ အာဏာပိုင်များကမူ ယင်းအခြေအနေကို အရေးယူရန် တစ်စုံတစ်ရာ စိတ်ဝင်စားဟန် မရှိဟု မှတ်ချက်ပြု ပြောကြားခဲ့သည်။

မတ် ၁၈ ရက်က ကျောင်းတစ်ကျောင်းတွင် ကလေးများကို စာခိုးချနိုင်ရေး ကူညီရန် ကြိုးစားသည့်အတွက် မိဘ (၂၀)ခန့်ကို ထိန်းသိမ်းခဲ့သော်လည်း သတိပေးမှုမျှ ပြုလုပ်ပြီး ပြန်လွှတ်ခဲ့ကြောင်းလည်း ၎င်းက ဆို သည်။ ဆာရန်နှင့် ချာဟာပရာတို့တွင် ကျောင်းထဲဝင်ခွင့် မရသဖြင့် လုံခြုံရေး စောင့်ကြပ်နေသည့် ရဲများနှင့် မိဘများကြား ပဋိပက္ခများပင် ဖြစ်ခဲ့ကြောင်း သိရသည်။

ဘီဟာပြည်နယ် ပညာရေးဌာန တာဝန်ရှိသူများကမူ မိမိတို့သည် လွတ်လပ်သော၊ မျှတသော၊ငြိမ်းချမ်းသော စာမေးပွဲများကို ပြုလုပ်ပေးနေပြီး စာဖြေဌာနများတွင် လုံခြုံရေး ကင်မရာများဖြင့် စောင့်ကြည့်ခြင်း၊ ရှောင်တ ခင် ဝင်ရောက်စစ်ဆေးမှုများ ပြုလုပ်ခြင်းတို့ဖြင့် ကြပ်မတ်နေကြောင်း ပြောကြားထားသည်။ ထို့အပြင် မရိုးမ သား နည်းလမ်းများဖြင့် ဖြေဆိုသည့် ကျောင်းသူကျောင်းသား (၄၀၀)ထက် မနည်းကိုလည်း ဖြေဆိုခွင့် ပယ် ဖျက်ခဲ့ကြောင်း ၎င်းတို့က ဆိုသည်။

ထို့အပြင် ကျောင်းသူကျောင်းသားများ မရိုးမသား စာမေးပွဲ ဖြေဆိုသည်ကို အစိုးရသာ ထိန်းချုပ်နိုင်မည် မဟုတ်ဘဲ မိဘများကလည်း ပူးပေါင်းကူညီရန် လိုအပ်ကြောင်း ဘီဟာပြည်နယ် ပညာရေးဝန်ကြီး ပီကေ ရှာဟီးက ပြောကြားခဲ့သည်။ “စဉ်းစားကြည့်လေ။ မိဘတွေ၊ ဆွေမျိုးတွေ ကိုယ်တိုင်က အတူပူးပေါင်း ပါဝင်ဖို့ အဆင်သင့် မဖြစ်ဘူးဆိုမှတော့ အစိုးရဘက်က ဘာလုပ်နိုင်မှာလဲ။ စာခိုးချဖို့ ကူညီနေတဲ့ မိဘတွေကို အစိုး ရက ပစ်မိန့်ပေးလိုက်ရမလား”ဟု ၎င်းက မေးခွန်းထုတ်သွားသည်။

7day