ပိတ်ဆို့ခံထားရသော ကျောင်းသားသပိတ် စစ်ကြောင်း ထိုင်သပိတ် ဆက်လက်ဆင်နွှဲ

အမျိုးသားပညာရေးဥပဒေ ပြင်ဆင်ရန် ဆန္ဒပြနေသော ပင်မသပိတ်စစ်ကြောင်းမှ ကျောင်းသားများ လက်ပံတန်းမြို့တွင် ရဲတပ်ဖွဲ့၏ တားဆီးခြင်းခံရသောကြောင့် ထိုင်သပိတ်ဆင်နွှဲနေသည်ကို မတ်လ ၄ ရက်က တွေ့ရစဉ်
ဓာတ်ပုံ − ဂျေမောင်မောင်(အမရပူရ)

လက်ပံတန်းမြို့တွင် ရဲတပ်ဖွဲ့၏ ပိတ်ဆို့တားဆီးခြင်း ကြုံတွေ့နေရသော ပင်မသပိတ် စစ်ကြောင်းသည် ဒုတိယမြောက် နေ့အဖြစ် ထိုင်သပိတ် ဆက် လက်ဆင်နွှဲနေပြီး ရဲတပ်ဖွဲ့က လည်း ၀ိုင်းဝန်းပိတ်ဆို့ထားဆဲ ဖြစ်သည်။

မတ်လ ၃ ရက်တွင် လက်ပံ တန်းမြို့မှ သာယာဝတီသို့ လမ်း လျှောက်ချီတက်မည့် သပိတ်စစ် ကြောင်း သည် တည်းခိုသော အောင် မြေဗိမာန်ကျောင်းမှ ထွက်ခွာလာပြီး တစ်ဖာလုံခန့်အကွာ၌ ပိတ်ဆို့တားဆီးမှု ကြုံရကာ သပိတ်မှောက် ကျောင်းသားများနှင့် ရဲတပ်ဖွဲ့တို့ ထိပ်တိုက်တွေ့ဆုံသကဲ့သို့ ဖြစ်ခဲ့သည်။ မတ်လ ၄ ရက်တွင် ထပ်မံတင်းမာမှုမရှိတော့ဘဲ မတ်လ ၃ ရက် နံနက် ၁၀ နာရီက အခြေအနေအတိုင်း ထိုင်သပိတ်ဖြင့် ဆန္ဒပြနေပြီး ရဲ တပ်ဖွဲ့ကလည်း ၀ိုင်းဝန်းပိတ်ဆို့တားဆီးထားဆဲ ဖြစ်သည်။

ဖေဖော်ဝါရီ ၄ ရက်တွင် နေပူရှိန်အောက်၌ ဆန္ဒပြနေသော ကျောင်းသူတစ်ဦးနှင့် ကျောင်းသားများအား လာရောက်အားပေးသော အမျိုးသမီးတစ်ဦးတို့ မူးလဲ၍ ဆေးကုသမှုခံယူခဲ့ရကြောင်း သတင်းရရှိသည်။

ဖေဖော်ဝါရီ ၄ ရက်က လက်ပံတန်းမြို့တွင် သပိတ်မှောက်ကျောင်းသားများကို ထောက်ခံသော ဆန္ဒပြပွဲ တစ်ခု ပြုလုပ်ခဲ့ကြသည်။

ရန်ကုန်မြို့သို့ ချီတက်ရန်ကျောင်းသားများတောင်းဆိုထားသည့် အချက်ရှစ်ချက်ကို ပဲခူးတိုင်းလုံခြုံရေးနှင့် နယ်စပ်ရေးရာ ၀န်ကြီး ဗိုလ်မှူးကြီး သက်ထွန်းက ကျောင်းသားများနှင့် နှစ်ရက် အတွင်း ခြောက်ကြိမ် ဆွေးနွေးခဲ့ သော်လည်း ဖေဖော်ဝါရီ ၄ ရက် တွင်မူ ဆွေးနွေးခြင်း မရှိကြောင်းပင်မသပိတ် ကျောင်း သားခေါင်း ဆောင်များက ပြောသည်။

‘‘အရင်နှစ်ရက်က အချက် ရှစ်ချက်နဲ့ ပတ်သက်လို့ ခြောက်ကြိမ် ဆွေးနွေးခဲ့တယ်။ ဒီနေ့မှာတော့ ဆွေးနွေးဖို့ ကမ်းလှမ်းတာတွေ မရှိဘူး။ ကျွန်တော်တို့ကတော့ ရန်ကုန်ထိသွားဖို့ ဆုံးဖြတ်ပြီးသားပဲ။ အဲဒီအတွက် အချက် ရှစ်ချက်ကို တောင်းဆိုထားတယ်။ မပေးရင်လည်း ဒီနေရာမှာပဲ နေရုံ ပဲရှိတယ်’’ဟု ပင်မသ ပိတ်ကျောင်းသားခေါင်းဆောင် ကိုကျော်ကိုကိုက ပြောသည်။

သပိတ်မှောက်ကျောင်းသား များသည် ဖေဖော်ဝါရီ ၃ ရက်က တစ်ရက်ကြာ အစာငတ်ခံဆန္ဒပြခဲ့ကြပြီး ထိုနေ့တွင် အသေခံဆန္ဒပြ တောင်းဆိုရန် သရဏဂုံတင်ထားခဲ့ကြသည်။

ပညာရေး ဥပဒေကြမ်းကို ယနေ့ မတ်လ ၅ ရက်တွင် အမျိုး သားလွှတ်တော်၌ ကြားနာမည် ဖြစ်သောကြောင့် ဒီမိုကရေစီပညာ ရေးလှုပ်ရှားမှု ဦးဆောင်ကော်မတီ ၀င်ကိုယ်စားလှယ်များ၊ နိုင်ငံရေး ပါတီဝင်များ၊ အရပ်ဘက်အဖွဲ့အ စည်းများနှင့် ဆွေးနွေးအကြံပြု မည့် ကိုယ်စားလှယ်များအားဖိတ် ကြားထားကြောင်း သတင်းရရှိ သည်။

ငြိမ်းချမ်း | 7day