ပြီးခဲ့သည့် ဧပြီတွင် နစ်မြုပ်ခဲ့ပြီး လူပေါင်း ၃၀၀ကျော် သေဆုံးခဲ့သည့် တောင်ကိုရီးယားကူးတို့သင်္ဘော နစ်မြုပ်မှုတွင်ကျန်ရစ်သည့်အလောင်းများကို ရှာဖွေ ရေးလုပ်နေစဉ်အတွင်း ရေငုပ်သမားတစ်ဦးထပ်မံသေ ဆုံးခဲ့သည်။
အသက်(၄၆)နှစ်အရွယ်ရှိ ရေငုပ်သမားမှာ ရေအောက်မှ ဆူဝိုးလ်ကူးတို့သင်္ဘောအတွင်း ကျန်ရှိသည့် အလောင်းများကို ရှာဖွေဆယ်ယူရန်ကြိုးစားစဉ် သေဆုံးခဲ့ရခြင်းဖြစ်သည်။ လက်ရှိတွင်ထိုသင်္ဘောမှ သေ ဆုံးသူဦးရေမှာ ၂၈၈ ဦးရှိပြီး ၁၆ ဦးမှာ ပျောက်ဆုံးနေဆဲဖြစ်သည်။ရေငုပ်သမား များမှာ သင်္ဘောနစ်မြုပ်ချိန်မှ စ၍ ရေအောက်တွင် ပြင်းထန်သော ရေအောက်ရေစီးကြောင်းနှင့် သင်္ဘောအတွင်း မြင်နိုင်စွမ်းလုံးဝမရှိ သည့်အခြေအနေ များကို ရင်ဆိုင်ပြီး ရှာဖွေရေးများခက်ခက်ခဲခဲပြုလုပ်ခဲ့ရသည်။
ယခုသေဆုံးခဲ့သော ရေငုပ်သမားမှာ သင်္ဘောအတွင်းဝင်ရောက်နိုင်ရန် အပေါက်သစ်တစ်ခုဖောက်လုပ်ရန် ကြိုးစားစဉ် သတိလစ်မေ့မြောကာ သွေးယိုစီးမှုဖြစ်ခဲ့ခြင်းဖြစ်သည်။ ၎င်း၏ ခန္ဓာကိုယ်ကို အခြားရေငုပ်သမား များက ရေပေါ်သို့ပြန်ဆွဲယူလာခဲ့သည်။
၎င်းအား ဆေးရုံသို့တင်ပို့ကုသခဲ့သော်လည်း နောက်ပိုင်းတွင် သေဆုံးသွားခဲ့သည်။ ယခုလအစောပိုင်း ကလည်း အခြားအရပ်သားရေငုပ်သမားတစ်ဦးသည် ရေအောက်တွင် ရှာဖွေရေးပြုလုပ်စဉ် သတိလစ်မေ့မြောကာ သေဆုံးခဲ့သောကြောင့် ရေငုပ်သမားနှစ်ဦး ထပ်မံသေဆုံးခဲ့ပြီးဖြစ်သည်။
BBC
Sign up here with your email
ConversionConversion EmoticonEmoticon