ကျပ်သိန်း(၂၅၀၀) ကျော်နဲ့ လေယာဉ် ပြန်ပေးဆွဲမှုအကြောင်း

မြန်မာနိုင်ငံတွင် တကယ့်ဖြစ်ရပ်မှန်တစ်ခု ဖြစ်ခဲ့သည့် မြန်မာ့လေကြောင်းမှ လေယာဉ်တစ်စီးကို KNU များက ပြန်ပေးဆွဲခဲ့သော အကြောင်းအရာကို ဒါရိုက်တာ အဏ်ထော်ဏီက “ရောင်နီဦး အလင်းရောင်နှင့်အတူ” အမည်ဖြင့် (World First Hijack) ကို သရုပ်ဆောင် အသစ်များနှင့် ရိုက်ကူးပုံဖော်ခဲ့ရာ စုစုပေါင်း ကုန်ကျငွေ ကျပ်သိန်း (၂၅၀၀)ကျော် ကုန်ကျခဲ့ကြောင်း ဒါရိုက်တာ အဏ်ထော်ဏီက ပြောသည်။

ထိုရုပ်ရှင်ဇာတ်လမ်းသည် ၁၉၅၄ ခုနှစ်က အုပ်ချုပ်ခဲ့သော အစိုးရကို မကျေနပ်သောကြောင့် ကရင်ပြည်နယ် လွတ်မြောက်ရေး အတွက် KNU အဖွဲ့က မြန်မာ့လေကြောင်းပိုင် လေယာဉ်တစ်ဦးကို ပြန်ပေးဆွဲခဲ့သော အကြောင်းအရာ ဖြစ်ပြီး KNU မှ ဗိုလ်ကြီးစောကျော်အေး၏ ဘ၀အကြောင်းကို ရိုက်ကူးထားခြင်း ဖြစ်သည်။ ဦးစောကျော်အေး ကိုယ်တိုင် ရေးသားထားသော ဇာတ်လမ်းတစ်ပုဒ်လည်း ဖြစ်ပြီး၊ ဇာတ်လမ်းတွင် ပေးထားသော မက်ဆေ့ခ်ျသည် မြန်မာနိုင်ငံတွင် နေထိုင်ကြသော တိုင်းရင်းသားလူမျိုး အားလုံးသည် စည်းလုံးညီညွတ်စေရန် ရည်ရွယ်ကာ ပြောင်းလဲမှုများကို မှတ်တိုင်ထူနိုင်ခြင်းနှင့် လက်တွဲပူးပေါင်းနိုင်ပါက စစ်မှန်သော ငြိမ်းချမ်းမှုကို ရနိုင်ကြောင်း၊ မိမိသားသမီးတို့၏ အနာဂတ်များလည်း လှပနိုင်ကြောင်းကို ဖော်ကျူးထားခြင်း ဖြစ်သည်။ လက်ရှိတွင် ဦးစောကျော်အေးသည် အလင်းဝင်ပြီးနောက် ရန်ကုန်မြို့၊ ရွှေပြည်သာမြို့နယ်တွင် နေထိုင်လျက်ရှိသည်။

ဓာတ်ပုံ ဒါရိုက်တာ အဏ်ထော်ဏီ

“ဒီကားလေးကတော့ တကယ့်ဖြစ်ရပ်မှန်ကို ရိုက်ထားတာပါ။ မြန်မာပြည်မှာ ပထမဆုံး လေယာဉ် ပြန်ပေးဆွဲတဲ့ အကြောင်းကို ရိုက်ထားတယ်။ ကျွန်တော်တို့ ဒီကားကိုရိုက်ဖို့က ပွင့်ပွင့်လင်းလင်း ပြောရရင် တပ်မတော်လေယာဉ် မင်္ဂလာဒုံ လေတပ်စခန်းမှ လေယာဉ်ကြီးရဖို့ကို ကျွန်တော်တို့က ကာကွယ်ရေး ဦးစီးချုပ်ရဲ့ တိုက်ရိုက်ခွင့်ပြုချက် ရအောင် ကြိုးစားပါတယ်။ ကြိုးစားတဲ့အတွက် တပ်မတော် ကာကွယ်ရေး ဦးစီးချုပ်ကိုယ်တိုင်က မင်္ဂလာဒုံ လေယာဉ်တပ်စခန်းမှာ ပြထားတဲ့ လေယာဉ်ကို သုံးခွင့်ပေးတဲ့အတွက် ကျေးဇူးတင်ပါတယ်။ ၁၉၅၄ ခုနှစ်က လက်နက်တွေ ပြည်ထဲရေးမှာပဲရှိတော့ ပြည်ထဲရေးဝန်ကြီးကလည်း ရိုက်ခွင့်ရအောင် ရဲချုပ်ကလည်း ခွင့်ပြုပေးခဲ့တယ်။

လက်နက် အစစ်တွေ သုံးခွင့်ရခဲ့ပါတယ်။လေယာဉ်က ၁၉၇၈ ကတည်းက မပျံတော့ဘူး၊ ရပ်ထားတယ်။ ပြထားတဲ့ဟာဆိုတော့ အထဲမှာ ဘာမှမရှိဘူး။ အထဲကိုလည်း ပြင်ရတယ်။ အဲဒီတုန်းက ယူဘီအေ အရောင်ဖြစ်အောင် တစ်စီးလုံး ပြင်ရတယ်။ မှတ်တမ်းတွေ ရှာပြီးတော့ အကုန်လုပ်ရတယ်။ပြုပြင်စရိတ်က သိန်းတစ်ရာကျော်လောက် ကုန်တယ်။ ဒါက လေယာဉ်တစ်စီးစာ ပြင်ဆင်စရိတ်ပဲ ရှိတယ်။ အခက်အခဲက လေယာဉ်က လေပေါ်ပျံလို့ မရတဲ့အတွက် ပျံလို့ရအောင် 3D ပညာရှင်တွေနဲ့ သုံးကြိမ်လောက် ပြန်ပြင်ရတယ်။ ဒါကတော့ ကျွန်တော်တို့ တိုင်းပြည်မှာ မပြည့်စုံတဲ့ ပစ္စည်းအခက်အခဲပေါ့။

ရိုက်ကူးချိန်ကတော့ ၂၀၁၃ ခုနှစ်၊ ဒီဇင်ဘာလမှာ ကန်တော့ပွဲ ပေးပြီးတော့ ရိုက်လိုက်နားလိုက်နဲ့ ရိုက်တာ ၂၀၁၄ ခုနှစ်၊ ဇွန်လမှာ ပြီးတယ်။ ၂၀၁၄ ခုနှစ်၊ သြဂုတ်လ (၁၈)ရက်နေ့မှာ ပထမအကြိမ် ဆင်ဆာစကြည့်တယ်။ ဆင်ဆာမှာတော့ ခေတ်နဲ့ မကိုက်တဲ့ ပြကွက်တချို့ကို ထောက်ညွှန်တယ်။ ဒါကလည်း လက်နက်ပြကွက်တွေရယ်၊ ပိုင်းလော့ပခုံးက ဘားတွေပေါ့နော်။ ဒါတွေက နည်းနည်းလည်း ကွာဟချက်ရှိလို့ ပြန်ရိုက်ရတာ ရှိတယ်။ ကျန်တာတော့ မရှိပါဘူး။

၂၀၁၅ ခုနှစ်၊ အောက်တို ဘာလ(၁၅)ရက်မှ နောက်ဆုံးအကြိမ် ဆင်ဆာကြည့်တော့ အခုမှ ဆင်ဆာခွင့်ပြုချက် ရသွားတာပါ။ ဇာတ်ကားတစ်ကားလုံး အပြီးအစီးဆိုရင် ကုန်ကျစရိတ်က ကျပ်သိန်း(၂၅၀၀) ကျော် ကုန်ပါတယ်။ ၂၀၁၅ ခုနှစ် အကယ်ဒမီ ဇာတ်ကားဝင်အောင် ပြမယ်။ ပြီးရင်တော့ ထိုင်းနိုင်ငံမှာလည်း ဒီကားကို ပရက်ရှိုး ထပ်ပြမယ်။ ထိုင်းမှာပြပြီးရင်တော့ ထိုင်းမှာ ရုံတင်နိုင်အောင် ကျွန်တော်တို့ ညှိနှိုင်းပါမယ်။ ကျွန်တော် ရိုက်ထားတဲ့ ကားလေးကလည်း တက်သစ်စ ကလေးတွေကို မြေတောင်မြှောက်ပြီးတော့ ရိုက်ပေးတဲ့ ကားလေးပါ။ ပရိသတ်အတွက် မက်ဆေ့ခ်ျကတော့ လက်နက်ကိုင် လမ်းစဉ်ကို စွန့်လွှတ်ပြီးတော့ နေထိုင်ရင် အေးချမ်းစွာ နေထိုင်ရတယ် ဆိုတာကို ပေးချင်တယ်။

သရုပ်ဆောင်စိုင်းလျှံ (KNUမှ ဗိုလ်ကြီး စောကျော်အေးအဖြစ် သရုပ်ဆောင်ထားသူ)

“ကျွန်တော် KNU ဗိုလ်စောကျော်အေး နေရာက သရုပ်ဆောင်ထားတယ်။ ဒါပေမဲ့လည်း ကျွန်တော့်ရဲ့ မျက်နှာ အနေအထားကတော့ လိုပါသေးတယ်။ မျက်နှာက နည်းနည်းပျော့နေတယ် ပေါ့နော်။ ကျွန်တော်ကတော့ ကာရိုက်တာနဲ့ တူအောင်လို့တော့ မျက်နှာကိုတော့ တင်းထားပါတယ်။ ခက်ထန်အောင်လို့တော့ ကြိုးစားပြီး လုပ်ထားတယ်။ ကျွန်တော် တတ်သလောက်၊ မှတ်သလောက် လုပ်ထားတာလေးတွေကို ပရိသတ်က လက်ခံပေးမယ်၊ အသိအမှတ်တော့ ပြုပေးမယ်လို့ ယုံကြည်ပါတယ်။

လေယာဉ်ပြန်ပေးဆွဲရတဲ့ အခန်းကို ရိုက်တော့ ကျွန်တော့်အတွက် အခက်အခဲတော့ ရှိခဲ့ပါတယ်။ ခရီးသွားတဲ့ အချိန်မှာ လမ်းတွေကလည်း ကြမ်းတယ်။ စစ်တိုက်တဲ့ အခန်းဆိုရင်လည်း အလူးအလဲ ရိုက်ရတယ်။ အခုပြန်ကြည့်ရတာတော့ မထည့်ထားတဲ့ အခန်းတွေလည်း ပါပါတယ်။ ဒါပေမဲ့လည်း ကျွန်တော် အတတ်နိုင်ဆုံး ကြိုးစားထားတယ်။ ဖြတ်လိုက်ရတဲ့ အခန်းတွေမှာ ကျွန်တော်အားထုတ်ပြီး ရိုက်ထားတဲ့ အခန်းတွေလည်း ပါသွားပါတယ်။ အခက်အခဲကြားကနေ လုပ်ထားတာ ဖြစ်လို့ ပရိသတ်တွေလည်း အားပေးမယ်လို့ ယုံကြည်ပါတယ်။

သရုပ်ဆောင် မိုးမြင့်သဇင် (သူနာပြုဆရာမ နော်ပူးပူးအဖြစ် သရုပ်ဆောင်ထားသူ)

“ညီမတို့ ဒီကားကို နယ်စပ်တွေမှာ ရိုက်ထားတာပါ။ လမ်းပန်း ဆက်သွယ်ရေးလည်း ခက်ခဲတယ်။ ညီမတို့ရိုက်တဲ့ နေရာဆိုရင် ရေတောင် သောက်စရာမရှိတဲ့နေရာ။ ဒုက္ခလည်း ရောက်တယ်။ ညီမဆို ကျန်းမာရေး မကောင်းဖြစ်ခဲ့ရတယ်။ရောက်တာနဲ့ ဖျားတယ်။ ဒါပေမဲ့လည်း ညီမကြိုးစားပြီး ရိုက်တယ်။ ကိုယ်လုပ်နိုင်သလောက်ကို ညီမကြိုးစားပြီး သရုပ်ဆောင်တယ်။ အခုလို ရုံတင်ပြသတော့မယ် ဆိုတော့လည်း အရမ်းပျော်တယ်။ ရိုက်ထားတာကလည်း တစ်နှစ်ကျော်ပြီ။ ဂုဏ်လည်းယူတယ်။ ဒီကားလေးက ဖြစ်ရပ်မှန်လည်း ဖြစ်တဲ့အတွက် မြန်မာနိုင်ငံမှာ ၁၉၅၄ ခုနှစ်က လေယာဉ်ပြန်ပေးဆွဲတယ်။

ညီမတို့တောင် မမွေးသေးပါဘူး။ ဒီကားမှာလည်း ရိုက်ခွင့်ပါခွင့်ရတဲ့ အတွက် ဂုဏ်ယူပါတယ်။ ပရိသတ်ကို ပြောချင်တာက ညီမတို့က အသစ်တွေ၊ ၀ါရင့်သရုပ်ဆောင် တွေလည်း မပါဘူး။ ညီမတို့မှာ လိုအပ်တာတွေ ရှိရင်လည်း နားလည်ပေးချင်တယ်။ ခွင့်လွှတ်ပေး စေချင်တယ်။ လာကြည့်ဖို့လည်း ဖိတ်ခေါ်ချင်တယ်။ ညီမအတွက် အမှတ်တရကတော့ ညီမရဲ့သမီးလေး ဆေးမကုနိုင်တာပေါ့နော်။ ကိုယ်တိုင်ကလည်း သူနာပြုဆရာမ ဖြစ်ပြီးတော့ ကိုယ့်သမီးကို ဆေးမကုနိုင်တာကို ၀မ်းနည်းပြီး ငိုတဲ့အခန်းပေါ့။ အဲဒီအခန်းဆိုရင် တစ်နေ့လုံး ညီမငိုခဲ့ရတယ်။ အဲဒါလေးက အမှတ်တရ ဖြစ်ပါတယ်”

messenger news journal