လွှတ်တော်ကိုယ်စားလှယ် ရုပ်သိမ်းခြင်း ဥပဒေကြမ်း ဆိုင်းငံ့

လွှတ်တော်ကိုယ်စားလှယ်အဖြစ်မှ ရုပ်သိမ်းခြင်းဆိုင်ရာ ဥပဒေကြမ်းနဲ့ပတ်သက်ပြီး ပြည်ထောင်စုလွှတ်တော်မှာ ဆွေးနွေးကြပြီးတဲ့နောက် ဥပဒေကြမ်းကို ဆိုင်းငံ့ထားဖို့ မဲခွဲဆုံးဖြတ်လိုက်ပါတယ်။

ဥပဒေကြမ်းနဲ့ပတ်သက်လို့ ကိုယ်စားလှယ်၁၅ ဦးက ဆွေးနွေးခဲ့ကြပြီး လွှတ်တော်တွင်း မဲခွဲဆုံးဖြတ်ရာမှာ ဆိုင်းထားဖို့ ထောက်ခံမဲ ၂၆၄ မဲ၊ ကန့်ကွက် ၂၃၅ မဲကြားနေ ၁၂ မဲရှိခဲ့ပြီး ဆိုင်းထားဖို့ ဆုံးဖြတ်ခဲ့ကြတာ ဖြစ်ပါတယ်။

လွှတ်တော်ထဲ မဲခွဲအပြီး လွှတ်တော်ဥက္ကဋ္ဌ သူရဦးရွှေမန်းက “လွှတ်တော်ကိုယ်စားလှယ်များခင်ဗျား-ထောက်ခံဆန္ဒမဲ များတဲ့အတွက် လွှတ်တော်ကိုယ်စားလှယ် ပြန်လည်ရုပ်သိမ်းခြင်းဆိုင်ရာ ဥပဒေကြမ်းအတည်ပြု ပြဋ္ဌာန်းနိုင်ရေး ဆက်လက် ဆွေးနွေးခြင်းကို ဆိုင်းငံ့ထားမည်ဖြစ်ကြောင်း အတည်ပြု ကြေညာပါတယ်”လို့ အသိပေး ပြောကြားသွားခဲ့ပါတယ်။

လွှတ်တော်တွင်း ဥပဒေကြမ်းနဲ့ပတ်သက်လို့ ကိုယ်စားလှယ် ၁၅ ဦးက ဆွေးနွေးခဲ့ကြရာမှာ တပ်ကိုယ်စားလှယ်တဦးနဲ့ မကွေးတိုင်းအမတ် ဦးလှဆွေတို့ နှစ်ဦးကပဲ ဥပဒေအတည်ပြုသင့်တယ်လို့ ဆွေးနွေးခဲ့ကြပြီး ကျန်ကိုယ်စားလှယ်တွေက ကန့်ကွက်ဆွေးနွေးခဲ့ကြတယ်လို့ သီပေါအမတ် ဦးရဲထွန်းက ပြောပါတယ်။

“ဒီဥပဒေကို အမြန်ဆုံး ပြဋ္ဌာန်းသင့်ပါတယ်လို့ ထောက်ခံဆွေးနွေးတာက မကွေးတိုင်း မဲဆန္ဒနယ်အမှတ် ၁၂ က ဦးလှဆွေတို့၊ နောက် တပ်မတော်သားလွှတ်တော်ကိုယ်စားလှယ် ဗိုလ်မှူးချုပ် တင့်ဆန်းတို့ အဲ့ဒီလောက်ပဲ ပါပါတယ်။ ကျန်တဲ့ ပြည်ခိုင်ဖြိုး လွှတ်တော်ကိုယ်စားလှယ်တွေနဲ့ အန်အယ်လ်ဒီက လွှတ်တော်ကိုယ်စားလှယ်တွေကတော့ ကျယ်ကျယ်ပြန့်ပြန့် သုံးသပ်ပြီးတော့မှ ဒါကို ဆွေးနွေးဆောင်ရွက်သင့်တယ်ဆိုပြီးတော့ ဆွေးနွေးသွားကြပါတယ်။”

ဥပဒေကြမ်းပူးပေါင်းကော်မတီရဲ့ သဘောထားအတိုင်း ဥပဒေကြမ်းကို ဆိုင်းငံ့ထားဖို့ ထောက်ခံသူများလို့ ဆိုင်းငံ့လိုက်တာလို့ ပြောပါတယ်။

အဓိကအားဖြင့် မဲဆန္ဒနယ်ရှိ မဲဆန္ဒရှင် ၁ ရာခိုင်နှုန်းက ကန့်ကွက်တိုင်ကြားရင် ကော်မရှင်က စိစစ်အရေးယူနိုင်ဆိုတဲ့အချက်ကို ဝေဖန်ထောက်ပြ ဆွေးနွေးခဲ့ကြတာလည်း ဖြစ်ပါတယ်။

ဖွဲ့စည်းပုံအခြေခံဥပဒေမှာလ်ညး အလားတူ ၁ ရာခိုင်နှုန်းက ကန့်ကွက်ရင်လို့ သတ်မှတ်ထားတဲ့အတွက် ဒီဥပဒေကြမ်းအတည်ဖြစ်ဖို့ အခက်အခဲရှိနေတာ ဖြစ်ပါတယ်။

ဥပဒေကြမ်းကို လွှတ်တော်ထံ ပြုစုတင်ပြခဲ့တဲ့ ကော်မရှင်အနေနဲ့ ဘယ်လိုဆက်လက်လုပ်ဆောင်မလဲဆိုတာ စောင့်ကြည့်ရမှာဖြစ်ပြီး ဒီတကြိမ်လွှတ်တော်မှာ ဥပဒေကြမ်းထပ်တင်ဖို့ အခွင့်အလမ်းကတော့ နည်းသွားပြီ ဖြစ်ပါတယ်။

ဒီနေ့ကျင်းပတဲ့ ပြည်ထောင်စုလွှတ်တော်ကို တက်ရောက်ခွင့်ရှိသူ ၆၃၂ ဦး ရှိတဲ့အနက် ၅၂၄ ဦး တက်ရောက်ခဲ့ကြပြီး ရာခိုင်နှုန်းအားဖြင့် ၈၂ ဒသမ ၉၁ ရာနှုန်း တက်ရောက်ခဲ့ကြတာ ဖြစ်ပါတယ်။

ဒီဥပဒေကြမ်းကို ပြည်ခိုင်ဖြိုးပါတီဥက္ကဋ္ဌနေရာက ဦးရွှေမန်းကို ဖယ်ရှားခဲ့တဲ့နေ့မှာပဲ ပြုစုတင်ပြတဲ့ ရွေးကောက်ပွဲကော်မရှင်က လွှတ်တော်ထံ ၄ ကြိမ်မြောက် ပေးပို့ခဲ့တာ ဖြစ်ပြီး ကော်မရှင်ထံ တိုင်တန်းထားတဲ့ ကိုယ်စားလှယ်တွေထဲ ဦးရွှေမန်းလည်း ပါပါတယ်။

DVB