မိုဘိုင်းဖုန်းသုံးသူများထံမှ ကောက်မည့်အခွန် ၅ ရာခိုင်နှုန်း ၁ နှစ် ဆိုင်းငံ့

ဇွန်လ ၁ ရက်နေ့ကစတင်ပြီး ကောက်ခံမယ့် မိုဘိုင်းဖုန်းသုံးစွဲသူတွေထံက ကုန်သွယ်လုပ်ငန်းခွန် ၅ ရာခိုင်နှုန်း ကောက်ယူမယ့် အစီအစဉ်ကို ၁ နှစ်ဆိုင်းထားဖို့ ဒီနေ့ကျင်းပတဲ့ ပြည်ထောင်စုလွှတ်တော်မှာ ဆုံးဖြတ်လိုက်ပါတယ်။

ဖုန်းအသုံးပြုရင် ပေးရမယ့် ကုန်သွယ်လုပ်ငန်းခွန် ၅ ရာခိုင်နှုန်း ဆိုင်းငံ့ထားဖို့နဲ့ ပတ်သက်ပြီး ဒီနေ့ကျင်းပတဲ့ ပြည်ထောင်စု လွှတ်တော် အစည်းအဝေးမှာ ဆွေးနွေးခဲ့ကြပါတယ်။ ဒီအပေါ်မှာ ဆက်သွယ်ရေး၊ သတင်းအချက်အလက်နဲ့ နည်းပညာ ၀န်ကြီးဌာန ၀န်ကြီးနဲ့ ဒုတိယ၀န်ကြီးတို့ လာရောက်ရှင်းလင်းခဲ့ပါတယ်။

အဲဒီနောက် ပြည်ထောင်စုလွှတ်တော်ရဲ့ သဘောဆန္ဒအရ ၂၀၁၅-၁၆ ဘဏ္ဍာနှစ်မှာ ဆိုင်းငံ့ထားဖို့ အဆိုကို လွှတ်တော်က အတည်ပြုလိုက်ပါတယ်။

DVB