နားနေခြင်းနှင့် အောင်မြင်မှု

မကြာသေးမီက မိတ်ဆွေတစ်ဦးနှင့် စကားပြောစဉ် အလုပ်အောင်မြင်မှုနှင့် အားလပ်ချိန်ကိစ္စ ဆွေးနွေး ဖြစ်ခဲ့ကြသည်။ စီးပွားရေး စွမ်းဆောင်ရှင် အချို့သည် အလုပ်ပြီး အလုပ်ချာလည် ပတ်လည် နေကြသဖြင့် နားရကောင်းမှန်း မသိကြတော့။ မည်သည့်နှစ်၊ မည်သည့်အချိန်မဆို အောင်မြင်သော စီးပွားရေး လုပ်ငန်းသို့ သွားရာလမ်းတွင် နားနေခြင်းနှင့် စိတ်ဖြေလျှော့ အပန်းဖြေခြင်း တို့သည် အခြားအရာများနှင့် အတူ ပါဝင်သည် ဆိုသည်ကို သတိရ နေရမည် ဖြစ်၏။

ကျန်းမာရေး ဆိုင်ရာ ပြပွဲ တစ်ခုတွင် ကောင်းစွာ အိပ်ပျော်ရေးသည် မည်မျှ အရေးကြီးကြောင်း ပြသထားသည်။ လုံလောက်စွာ မအိပ်လိုက်ရသည့်အခါ ထိုနေ့တစ်နေ့လုံး အဆင်မပြေ ဖြစ်နေ တတ်သည် ဟုဆိုသည်။ စီးပွားရေး စွမ်းဆောင်ရှင်များ၊ ထူးချွန် ထင်ရှားသူများတွင် အများစုသည် တစ်ညလျှင် အိပ်ချိန် လေးနာရီ၊ ငါးနာရီမျှသာ ရှိကြောင်း သိရသည်။

စီးပွားရေး စွမ်းဆောင်ရှင် များစွာသည် အလုပ်လုပ်ခြင်းကို တန်ဖိုး ထားကြသလောက် နားနေခြင်းနှင့် စိတ်ဖြေလျှော့ အပန်းဖြေခြင်းတို့၌ တန်ဖိုး မထားတတ်ကြသည် ကို တွေ့ရ ၏။ အောင်မြင်ရေး အတွက် လှုပ်ရှားမှု အရေးကြီးသလို နားနေခြင်းလည်း အရေးကြီးပါသည်။ နားနေခြင်းသည် ကျန်းမာခြင်း၊ စိတ်သက်သာ ပျော်ရွှင်ခြင်း အတွက်သာ မက အောင်မြင်သော စီးပွားရေး လုပ်ငန်း ဖွံ့ဖြိုးရေး အတွက်ပါ အရေးကြီးလှသည်။

အလုပ်၏ခရီး အဘယ်မျှ ပေါက်မြောက် ခဲ့ပြီးပြီ၊ ရှေ့ရည်မှန်းချက် ဘာတွေထားမည်၊ ရှေ့ခရီး မည်သို့ ဆက်မည် စသည်တို့ကို သုံးသပ်ဆင်ခြင်ခြင်း၊ စစ်ဆေးခြင်း များ ဆောင်ရွက်နိုင်ရန် အတွက် နားနေခြင်းနှင့် စိတ်ဖြေလျှော့ အပန်းဖြေခြင်း လုပ်ဖို့လိုအပ်သည်။ ထို့ပြင် စီးပွားရေး စွမ်းဆောင်ရှင် တစ်ဦးအဖြစ် ပုံမှန် တွန်းထိုး ယှဉ်ပြိုင်လှုပ် ရှား နေရမှုများမှ ခေတ္တခဏ လွတ်မြောက်ရာ တိတ်ဆိတ် ငြိမ်သက်သော နေရာတစ်ခုရှိဖို့ လိုအပ်သည်။ ထိုနေရာတွင် နေထိုင်ခြင်းမှ ရရှိသည့် အကျိုး ရလဒ်လိုအပ်သည်။

လေ့လာမှုများ အရ အိပ်ရေး မဝသည့်အခါ အာရုံ စူးစိုက်နိုင်မှု စွမ်းအား၊ စိတ်အခြေအနေနှင့် ဘက်စုံ ကျန်းမာရေးတို့ ထိခိုက် နိုင်ကြောင်းသိရသည်။ ယင်းအခြေ အနေက မိသားစု အပေါ် သက်ရောက်မှု ဖြစ်သလို မိမိလုပ်ငန်းနှင့် ဆက်နွှယ်သည့် သူများအပေါ်လည်း သက်ရောက်မှု ဖြစ်နိုင်သည်။ အိပ်ရေး မဝခြင်းက ကိုယ်အလေး ချိန် လျော့ကျမှု ကို နှောင့်နှေးစေပြီး ခန္ဓာကိုယ်တွင်း ရောင်ရမ်းမှု ဖြစ်စေပါသည်ဟု ဆရာဝန်တစ်ဦးက ပြောသည်။

ကျောင်းကားမောင်းသူ တစ်ဦး အချက်ပြ မီးပွိုင့်တွင် ကားခဏရပ်စဉ် လက်ကိုင်ဘီးပေါ်၌ ရုတ်တရက် အိပ်ပျော် သွားကြောင်း၊ အချက်ပြမီး အပြောင်းစောင့်နေသည့် အချိန်တို အတွင်း အိပ်ပျော် သွားခြင်း ဖြစ်ကြောင်း သတင်းများ ကြားရသည်။ အန္တရာယ် များလှပါသည်။ ရုပ်ပိုင်းနှင့် စိတ်ပိုင်း လုံလောက်သော အနားရရှိမှု မရှိခြင်းသည် ချီးကျူးစရာ မဟုတ်ပေ။ သင်စိတ်ဖြေလျှော့ အနားယူဖို့ သင့်အလုပ်များက နေ့အချိန်၌ သင့်ကိုခွင့်မပြု ခဲ့လျှင် ညဘက် အိပ်ရေးဝဝ အိပ်လိုက်ပါ။

လူများက မိမိတို့တွင် အနားယူဖို့ အချိန်မရှိကြောင်း ပြောကြသည့်အခါ အ်ိပ်ရေးမဝသော လေယာဉ်မှူး သို့မဟုတ် ခွဲစိတ် လုပ်ငန်း မစတင်မီ အိပ်ချိန်နည်းနည်းသာ ရခဲ့သော ခွဲစိတ် ဆရာဝန်တို့ နေရာမှဝင်၍ စဉ်းစားကြည့်ရန် ပြောလိုပါသည်။ မိမိကိုယ်ကို ဂရုစိုက်ရမည်။ မိသားစုကို ဂရုစိုက်ရမည်။ ထို့ပြင် လုံလောက်သော အနားယူမှု ရရှိနေခြင်းဖြင့် သင်၏ ဘက်စုံ အောင်မြင်ရေး လမ်းကြောင်းကို စတင်ရန်ဖြစ်ပါသည်။

ယင်းသည် သင့်ဘဝတွင် အရာရာ ပိုမိုဟန်ချက်ညီ မျှတမှုရှိသော အောင်မြင်ရေး လမ်းကြောင်း ဆီသို့ ဦးတည်သည့် ကောင်းသော ခရီး စတင် လိုက်ခြင်းပင် မဟုတ်ပါလော။ ။

စိန်ဝင်းနွယ်