သူများသီချင်းမှာ ကိုယ့်အကြောင်းကို တကူးတက ဖော်ပြခံရတာ ကစ်အောင်မြင်နေသေးလို့ပါလို့ဆိုလိုက်တဲ့ ၀တ်မှုန်ရွှေရည်

သင်္ကြန်ကို ငပလီမှာ သူငယ်ချင်းတွေနဲ့အတူ ဖြတ်သန်းခဲ့တဲ့ ၀တ်မှုန်ရွှေရည်က ခရီးသွားလိုက်ရတဲ့အတွက် စိတ်ပင်ပန်းမှုတွေ သက်သာပြီး ပျော်ရွှင်ကျေနပ်မှုတွေ အပြည့်နဲ့ ပြာကလပ်စိန်ဆိုတဲ့ ဇာတ်ကားလေးမှာ လတ်တလော ဟန်ချက်ညီညီနဲ့သရုပ်ဆောင်နေတာကြောင့် ကစ်ကစ်ရဲ့ အနုပညာအရေးအရာအချို့၊ လက်ရှိမှာ fb ပေါ်က status တွေကြောင့် သို့လောသို့လော ထင်နေကြတဲ့ သူမရဲ့ အချစ်ရေး စိတ်ခံစားချက်အချို့နဲ့ နာမည်ရ အနုပညာရှင်တစ်ယောက်ရဲ့ အချင်းချင်း စောင်းမြောင်း တိုက်ခိုက်ခံရမှုတွေကို အခုလို သွားရောက်မေးမြန်းဖြစ်တဲ့အခါ

-ခုရိုက်နေတဲ့ကားလေးအကြောင်း နဲ့ လက်ရှိမှာ ရွေးချယ်ဖြစ်နေတဲ့ ဇာတ်လမ်းအမျိုးအစားလေးတွေကို

ပြောပြပေးပါဦး။

ခုရိုက်နေတဲ့ကားလေးက ပြာကလပ်စိန်တဲ့။ မင်းသားကအန်ကယ်လေးပါ။ ဒါရိုက်တာကဦးမိုးဦး။ အပျော်ဟာသလေးပဲပေ့ါ။ ဒီကားလေးထဲမှာ ကစ်က သွက်သွက်လက်လက်၊ ထက်ထက်မြက်မြက်ရှိတဲ့ ကောင်မလေးပုံစံသရုပ်ဆောင်ထားပါတယ်။ ဒီကားပြီးရင် ရုပ်ရှင်ကားကြီးရိုက်ဖြစ်မယ်။ ရန်ကုန်မှာပဲရိုက်မယ်။ ဒါပေမဲ့ နယ်မှာလဲ နည်းနည်းပါတော့ မေလလောက်မှာ နယ်ထွက်ရိုက်ဖြစ်မယ်။ ဇာတ်လမ်းအမျိုးအစားကတော့ ကစ်နဲ့လိုက်ဖက်တာလေးတွေပဲရွေးချယ်ဖြစ်ပါတယ်။

ရုပ်ရှင်ကားကြီးက ကိုနေတိုးနဲ့တစ်ကားရိုက်မယ်။ မင်းသမီးကြီး ၂ ယောက်နဲ့ကစ်နဲ့တစ်ကားရိုက်ဖို့ရှိတယ်။ ဇာတ်လမ်းကိုတော့ ကစ်က ပရိသတ်အတွက်ကြည့်ရကျိုးနပ်အောင်ကြိုးစားတယ်။ ဖန်တီးတင်ဆက်ပါတယ်။ ဗီဒီယိုဆိုလဲ ဗီဒီယိုအလျောက် ပရိသတ်ကြိုက်အောင် ၊ ပရိသတ်စိတ်ဝင်စားအောင်ရိုက်တယ်။

ကားကြီးဆိုရင်လဲ ရုံမှာ ပရိသတ်တွေသွားကြည့်ရကျိုးနပ်အောင် ပြင်ဆင်တယ်။ ဖန်တီးတင်ဆက်ပါတယ်။ အကယ်ဒမီရပြီးမှထူးခြားပြောင်းလဲသွားတာမျိုးလဲမရှိဘူး။ ကစ်ကိုယ်တိုင်ကအသစ်ပါပဲ။ အနုပညာအလုပ်တွေပုံမှန်လုပ်နေတယ်။ ပရိသတ်နဲ့အမြဲတမ်းထိတွေ့နေတယ်။

-ပြောင်းလဲလာတဲ့ သူမရဲ့ဖက်ရှင်ပိုင်း၊ လူနေမှုပုံစံနဲ့ ပရိသတ်ပိုချစ်လာတာနဲ့ပတ်သက်ပြီးတော့လဲ။

တကယ်ကြီးအဲ့လိုဆိုရင်တော့ ကျေနပ်တာပေါ့နော်။ ကစ် အရင်ကနဲ့မတူအောင် ပုံစံကို နည်းနည်းလေးချင်းပြောင်းတယ်။ အခုခေတ်စားနေတဲ့အထဲကမှ အသစ်ဖြစ်မဲ့ပုံစံမျိုးလေးကို ကစ်ရွေးချယ်တယ်။ ကစ်ရဲ့ပုံစံကို ဒီလောကထဲကို ၀င်လာကာစနဲ့မတူအောင် နည်းနည်းချင်းစီပြောင်းလဲဖြစ်တယ်။ ကစ်အမှန်အတိုင်းပြောရရင် ဖက်ရှင်နဲ့ပတ်သက်ရင်ကစ်ကြိုက်တာတွေကို အများဆုံးဝတ်ဖြစ်ပါတယ်။ ကစ်ကြိုက်တဲ့ပုံစံမျိုးကို တော်တော်များများဝတ်ဖြစ်တယ်။

ဒါကိုပရိသတ်တွေလက်ခံတယ်။ ကြိုက်ကြတယ်။ ပြောရရင်ကစ်နဲ့စိတ်ခံစားချက်ချင်းတိုက်ဆိုင်တာပေါ့နော်။ အားပေးလာတဲ့ ပရိသတ်တွေကိုလဲအရမ်းချစ်တယ်။ ကျေးဇူးလဲတင်တယ်။ ဟိုးအစကထဲကနေ ပြောင်းလဲလာတဲ့ ၀တ်မှုန်ရွှေရည်ဆိုတဲ့ ကောင်မလေးတစ်ယောက်ကိုခုချိန်အတိုင်းအတာထိ အရမ်းချစ်ပေး၊ အရမ်းအားပေးတဲ့အတွက်အတိုင်းမသိအောင်ဝမ်းသာပျော်ရွှင်မိတယ်။

-အနုပညာရှင် အချင်းချင်း ပုတ်ခတ်မှုအပေါ် ကစ်ရဲ့စိတ်ခံစားချက်က ဘယ်လိုရှိလဲ။

အဲ့ဒါကျတော့လဲပြောရခက်တယ်။ အဲ့ဒီတွက်ကို ကစ်feeling သိပ်မထားဘူး။ ခေါင်းထဲလဲမရှိဘူး။ ပရိသတ်ဆိုတာကတော့ သူ့ပရိသတ်၊ ကိုယ့်ပရိသတ်ဆိုပြီးအမြဲတမ်းဖြစ်နေမှာပဲလေ။ တစ်ယောက်နဲ့တစ်ယောက်မတူဘူးပေါ့။ ကိုယ်တွေကိုပုတ်ခတ်ရင် ကိုယ့်ထက်ပရိသတ်တွေကပိုပြီးကိုယ့်အစားနာပေးကြတယ်။ ရန်တွေဖြစ်ပေးကြတယ်။ အဓိကကတော့ကိုယ့်ပရိသတ်ကကိုယ့်ကို တန်ဖိုးထားပြီးကိုယ့်ကိုကာကွယ်ပေးနေတယ်။ ကိုယ့်ကို ချစ်ကြတယ်ဆိုတာတွေ့ရတဲ့အတွက်အဲ့ဒါကအမြတ်ပေါ့။ ပြန်တွေးကြည့်ရင်ပီတိဖြစ်တယ်။ ငါကံကောင်းလိုက်တာပေါ့။

-သီချင်းတွေထဲမှာ ကိုယ့်အကြောင်းကို တကူးတက ဖော်ပြခံရတဲ့အခါ ပိုပြီးနာမည်ကြီးသွားတယ်လို့ရောမခံစားမိဘူးလား။

ကိုယ့်အကြောင်းပြောတဲ့လူကတော့ကိုယ့်ကို စိတ်ဝင်စားတဲ့လူပေါ့။ ကိုယ်အောင်မြင်နေတယ်။ ကိုယ့်ကိုစိတ်ဝင်စားနေလို့တာအဲ့လို ပြောတာပေါ့နော်။ ကိုယ့်ကို စိတ်မ၀င်စားရင် အဲ့ဒီလိုပြောကြတော့မှာမဟုတ်ဘူးလေ။ ကစ်ကိုတစ်ယောက်ကပြောဖူးတယ်။ ကိုယ်အောင်မြင်နေသေးရင် နင့်ကိုလူတွေနင့်အကြောင်းပြောနေကြတယ်။ နင့်အကြောင်း ကိုစိတ်ဝင်စားနေကြသေးတယ်ဆိုရင် နင်အောင်မြင်နေသေးတယ်လို့ပဲမှတ်ပါတဲ့။ ကစ်အဲ့လိုပဲမှတ်ပါတယ်။

-အပြင်လူပုပ်ခတ်မှုနဲ့ အနုပညာရှင်အချင်းချင်းပုတ်ခတ်ခံရမှု မှာ ကစ်အတွက်ဘယ်လိုမျိုးများကွာခြားသွားမလဲ။

ကစ်ထင်တာတော့ ဒီအလုပ်လုပ်ပြီဆိုလို့ကတော့ အနုပညာသမားပုတ်ခတ်ခံရတာက ၇၀ ရာခိုင်နှုန်းလောက်က တော့ပိုပြီးပုတ်ခတ်ခံရတာပေါ့။ ဘာလို့လဲဆိုတော့ ဟုတ်တာတွေရောမဟုတ်တာတွေရောချဲ့ကားပြောခံရတာတွေရောအများကြီးပဲ။ ဒါပေမဲ့အဓိကကတော့ ကိုယ့်လိပ်ပြာကိုယ်လုံပြီး ကိုယ့်အလုပ်ကို ကိုယ်တန်ဖိုးထားပြီးကြိုးစားဖို့လိုတယ်။ ရိုးသားဖို့လိုတယ်။ ကိုယ့်အလုပ်ကိုတန်ဖိုးထားသစ္စာရှိဖို့လိုတယ်။ တချိန်ကျရင် အဲ့ဒီပုတ်ခတ်မှုတွေက ဘယ်သူမှားတယ်။

ဘယ်သူမှန်တယ်ဆိုတာ ပေါ်လာမှာပါ။ အဓိကကိုယ့်ဖက်က စိတ်ကောင်းထားပြီးကိုယ့်အလုပ်ကို ပုံမှန်လုပ်နေဖို့ပဲလိုပါတယ်။ အနုပညာသမားမှန်ရင် ပုတ်ခတ်ခံရမှာက တော့ ရှိမှာပဲ။ တိုက်ခိုက်တာလဲခံရမှာပဲ။ ညစ်ညမ်းစွာဆဲဆိုတာတွေလဲခံရမှာပဲ။ အခုခေတ်က ပိုဆိုးတယ်လေ။ အဓိက က အဲ့ဒီအပေါ်မှာ ခံစားချက်မရှိဖို့ပဲလိုပါတယ်။ အောင်မြင်လေ ပိုတိုက်ခိုက်ခံရလေပေါ့။ ကျန်တာကတော့ ကံတရားနဲ့သူ့စေတနာသူပြန်အကျိုးပေးသွားပါလိမ့်မယ်။

-စတက်ကတည်းက ၀တ်မှုန်ရွှေရည်က ကောလဟလ ထွက်ရင် နဲနဲများတယ်လို့ခံစားမိတယ်။ အဲ့ဒီလိုအခိုက်အတန့်မှာ ကိုယ့်စိတ်ကိုဘယ်လိုထိန်းချုပ်ဖြစ်လဲ။

မပြောတတ်ဘူး။ ကောလဟလနဲ့ပတ်သက်ပြီး ကစ်ထွေထွေထူးထူး ဖြေရှင်းခဲ့တာမရှိဘူး။ အရမ်းကြီးလဲ သိပ် feel မထည့်ထားဘူး။ အစတုန်းကတော့ စိတ်ဆိုးတာတို့၊ ခံစားရတာတို့ရှိတယ်။ ဒါပေမဲ့ နောက်ပိုင်းကျတော့ သူ့ဟာနဲ့သူပြီးသွားလိမ့်မယ်။ မဟုတ်ဘူးဆိုတာ တစ်ချိန်ချိန်မှာပေါ်လာလိမ့်မယ်။ အမှန်တရားဆိုတာ ပေါ်လာဖို့အချိန်တစ်ခုပဲစောင့်ရတယ်လေ။

-ခုနောက်ပိုင်း ကစ်တင်တဲ့ status လေးတွေက အရင်ရည်းစားဟောင်းနဲ့ သွားတူတာလေးတွေတွေ့ရတယ်။ စိတ်ဝင်စားနေကြတဲ့ ပရိသတ်ကို ရော ဘယ်လိုပြောပြချင်လဲ။

တိုက်ဆိုင်သွားတာဖြစ်မှာပါ။ တခြားတော့ဘာမှမရှိပါဘူး။ ကိုယ့်အချစ်ရေးက ပရိသတ်တွေစိတ်ဝင်စားနေလို့လားတော့မသိဘူး။ ကိုယ့်ဟာကိုယ်တောင် စိတ်ဝင်စားစရာကောင်းလားမလားမသိတော့ပါဘူး။ မပြောတတ်ဘူး။ ကစ်ကတော့ ဒီအတိုင်းပါပဲ။

-သင်္ကြန်ကို ငပလီမှာ ကုန်ဆုံးခဲ့တဲ့ စိတ်ခံစားချက်ကရော ဘယ်လိုရှိလဲ။

တစ်နှစ်လုံး စိတ်ပင်ပန်းမှုတွေကို သင်္ကြန်မှာအနားယူတယ်။ သင်္ကြန်ကိုကစ်ဘယ်တော့မှအလုပ်မလုပ်ဘူး။ စိတ်လွတ်ကိုယ်လွတ်၊ စိတ်အပန်းဖြေချင်တာပေါ့။ ကစ်ကတော့ ခရီးတစ်ခုသွားလိုက်ရင် စိတ်ပြောင်းသွားတယ်။ ကိုယ်လုပ်နေတဲ့ နေရာကနေအသစ်တစ်ခုကိုပြောင်းရင် အသစ်ဖြစ်သလိုခံစားရလို့ခရီးထွက်လိုက်တာလဲပါတယ်။ ကစ်က beach ကိုလဲကြိုက်တယ်။ အစကတော့ နိုင်ငံခြားသွားမလို့ပါ။ ဒါပေမဲ့ သူငယ်ချင်းတွေကပြန်ရောက်လာတော့သူတို့ကို ပို့ပေးချင်တယ်။ ငပလီကိုလဲကြိုက်တာနဲ့သွားဖြစ်တာပါ။

ခင်ဆွေသက် - Trend Myanmar