သင်္ချာတပုဒ်ကို မဖြေနိုင်သည့် သတိုးသားကြောင့် မင်္ဂလာပွဲကနေ သတိုးသမီးထွက်ပြေး

အိန္ဒိယနိုင်ငံ နယူးဒေလီမှာ သချာင်္တပုဒ်ကို သတိုးသားက မဖြေနိုင်တဲ့အတွက် သတိုးသမီးကမင်္ဂလာဆောင် ကနေထွက်ပြေးခဲပါတယ်။

သတိုးသမီးက ၁၅ နဲ့ ၆ ပေါင်းရင် ဘယ်လောက်လဲလို့ သတိုးသားကို မေးရာမှာ သတိုးသားက ၁၇ လို့ ပြန်ဖြေခဲ့တဲ့ အတွက် မင်္ဂလာဆောင်ကနေ ထွက်ပြေးခဲ့တာလို့ ဆိုပါတယ်။

ဒီဖြစ်ရပ်ဟာ မတ် ၁၁ ရက် ဥတ္တပရာဒက်ခ်ျပြည်နယ် ကန်ပူးမြို့အနီးက ရွာတရွာမှာ ဖြစ်ပွားခဲ့တယ်လို့ ရဲတပ်ဖွဲ့ကိုကိုးကားပြီး အေပီသတင်းက ရေးပါတယ်။

သတိုးသားမိသားစုက သတိုးသမီးကို ပြန်လာဖို့ တိုက်တွန်းခဲ့ပေမယ့် သတိုးသမီးက ငြင်းဆန်ခဲ့ပြီး သတိုး သားပညာရေးကို အမှန်အတိုင်းမပြောဘူးလို့ ဆိုပါတယ်။

ဒေသခံရဲတပ်ဖွဲ့တွေက မိသားစု ၂ ခုအကြားကြားဝင်ဖြေရှင်းခဲ့ပြီး မင်္ဂလာပွဲအတွက် ပေးထားတဲ့ ရွှေငွေ လက်ဆောင်တွေအားလုံးကို ပြန်ပေးခဲ့တယ်လို့ ဆိုပါတယ်။

DVB