ကျွန်တော့်အမေ

ကျွန်တော့်အမေမှာ မျက်လုံးတစ်လုံးပဲရှိပါတယ်…ကျွန်တော်အမေ့ကိုမုန်းတယ်…
သူမဟာ တကယ်အရှက်ရစရာသက်သက်ပါပဲ…သူမဟာ ကျောင်းသားတွေ ဆရာဆရာမတွေအတွက် ထမင်းချက်လုပ်ရင်း မိသားစုရပ်တည်နိုင်ဖို့ ဝင်ငွေရှာနေရပါတယ်…

ကျွန်တော်ကျောင်းသားဘဝက တစ်ရက်မှာ ကျွန်တော့်ကို အမေလာတွေ့တယ်…
ကျွန်တော်ရှက်လိုက်တာဗျာ…ဘာကြောင့်များသူဒီလိုလုပ်လဲမသိပါဘူး…
ကျွန်တော်အမေ့ကိုဂရုမစိုက်ဘဲနေလိုက်တယ်…အမုန်းတရားနဲ့ စူးစူးရဲရဲတစ်ချက်ကြည့်ပြီး ကျွန်တော်ပြေးထွက်ခဲ့တယ်…နောက်နေ့ကျတော့ ကျွန်တော့်အတန်းဖော်တစ်ယောက်ကပြောတယ်…
“ဟင်း… မင်းအမေကလည်း မျက်လုံးတစ်လုံးပဲရှိပါလား”

ကျွန်တော်ကိုယ့်ကိုယ် လူမသိသူမသိလေးပဲနေလိုက်ချင်တယ်…အမေ့ကိုလည်း ပျောက်သွားစေချင်တယ်…
အဲ့ဒီနေ့မှာပဲ ကျွန်တော်အမေ့ကို ထိပ်တိုက်တွေ့ပြီး ပြောပစ်လိုက်တယ်…
“ကျွန်တော့်ကို ဟားစရာဖြစ်အောင် အမေလုပ်နေတာပဲ… ဘာလို့အခုထိမသေနိုင်သေးတာလဲ…”
အမေကတော့ ဘာမှပြန်မပြောပါဘူး…ကျွန်တော်ဘာပြောလိုက်မိသလဲဆိုတာကိုတောင် နည်းနည်းလေးမှ မစဉ်းစားနိုင်လောက်အောင် ကျွန်တော်ဒေါသထွက်နေမိပါတယ်…အမေဘယ်လိုခံစားနေရမလဲဆိုတာကို ကျွန်တော်သတိမထားမိခဲ့ဘူး…ကျွန်တော်အဲ့ဒီအိမ်ကထွက်သွားချင်ခဲ့မိတယ်…
အမေနဲ့လည်း မပတ်သက်ချင်တော့ဘူး…

ဒါကြောင့် ကျွန်တော်စာကြိုးစားခဲ့တယ်…ပညာသင်ကြားဖို့ နိုင်ငံခြားထွက်ခွင့်ရခဲ့တယ်…
နောက်တော့ ကျွန်တော်အိမ်ထောင်ကျတယ်…ကိုယ့်အိုးကိုယ့်အိမ်နဲ့ နေနိုင်လာတယ်…
ကျွန်တော့် ရင်သွေးလေးတွေလည်း ရလာခဲ့တယ်…

ကျွန်တော့်စည်းစိမ် ကျွန်တော့်ရင်သွေးလေးတွေနဲ့ ကျွန်တော့်ဘဝနဲ့ကျွန်တော် ပျော်ခဲ့ရပါတယ်…
တစ်နေ့တော့ အမေကျွန်တော့်ဆီလာလည်တယ်…
ဒီနှစ်တွေမှာ အမေကျွန်တော့်ကိုမတွေ့ခဲ့သလို သူမရဲ့ မြေးလေးတွေကိုလည်း မြင်တောင်မမြင်ဖူးခဲ့ပါဘူး…
တံခါးဝမှာရပ်နေတဲ့အမေ့ကိုကြည့်ပြီး ကျွန်တော့်ကလေးတွေက ရယ်နေကြတယ်…
ကျွန်တော်မခေါ်ဘဲရောက်လာတဲ့ အမေ့ကို အော်ပစ်လိုက်တယ်…
“ဘာလို့အိမ်အထိရောက်လာပြီး ကလေးတွေကို လန့်အောင်လာလုပ်နေတာလဲ… သွားပါဗျာ… အခုထွက်သွားပါ….”
ကျွန်တော်ပြောလိုက်တဲ့အခါ အမေကတိုးတိုးတိတ်တိတ်ပြန်ပြောပါတယ်…
“သြော်… စိတ်မရှိပါနဲ့… ကျွန်မအိမ်မှားဝင်မိတယ်ထင်တယ်…”
ပြီးတော့ သူမထွက်သွားပါတယ်…

တစ်နေ့တော့ ကျောင်းသားဟောင်းပြန်လည်တွေ့ဆုံပွဲအတွက် စာတစ်စောင်အိမ်ကိုရောက်လာတယ်…
ကျွန်တော်လည်း ကျွန်တော့်အမျိုးသမီးကို အလုပ်ကိစ္စခရီးထွက်စရာရှိတယ်လို့ လိမ်ပြီးထွက်လာခဲ့တယ်…
တွေ့ဆုံပွဲပြီးတဲ့အခါ တဲအိမ်ဟောင်းလေးဖက် အမှတ်တမဲ့ထွက်လာခဲ့မိတယ်…

အိမ်နီးချင်းတွေကပြောကြတယ် အမေမရှိတော့ဘူးတဲ့…ကျွန်တော် မျက်ရည်တစ်စက်မှ မကျခဲ့ပါဘူး…
အမေကျွန်တော့်အတွက် ထားခဲ့တဲ့စာတစ်စောင်ကို သူတို့လှမ်းပေးကြတယ်…

“သားလေးရေ..သားကိုအမေအမြဲသတိရနေပါတယ်…သားရဲ့အိမ်ကိုလာပြီး သားရဲ့ကလေးတွေ လန့်အောင်လုပ်မိတဲ့အတွက်အမေစိတ်မကောင်းပါဘူး…ပြန်လည်တွေ့ဆုံပွဲအတွက်သားပြန်လာမယ်
ဆိုတဲ့သတင်းကြားတော့ အမေသိပ်ဝမ်းသာတာပဲ…

ဒါပေမဲ့ သားကိုတွေ့ဖို့တောင် အမေအိပ်ရာထဲက မထနိုင်တော့ပါဘူးသားရယ်…
သားဘဝတစ်လျှောက်လုံး အမေ့ကြောင့် အမြဲအရှက်ရနေခဲ့ရတဲ့အတွက်လည်း အမေစိတ်မကောင်းပါဘူး…
သားသိလား…

သားငယ်ငယ်လေးတုန်းက မတော်တဆဖြစ်ပြီး မျက်လုံးတစ်လုံးပျက်စီးခဲ့ရတယ်လေ…
အမေတစ်ယောက်အနေနဲ့ ကိုယ့်သားကို မျက်လုံးတစ်လုံးထဲနဲ့ကြီးပြင်းလာမှာကို အမေဘယ်လိုမှကြည့်မနေနိုင်ပါဘူးသားရယ်…

ဒါကြောင့် အမေ့မျက်လုံးတစ်လုံးကို သားကိုပေးခဲ့တာပါ…အဲ့ဒီမျက်လုံးနဲ့ အမေ့ကိုယ်စား ကမ္ဘာလောကသစ်ကြီးတစ်ခုလုံးကို တွေ့မြင်နေမယ့်သားတစ်ယောက်အတွက် အမေအရမ်းဂုဏ်ယူခဲ့မိတာပေါ့…သားကိုအရမ်းချစ်တဲ့
သားရဲ့ အမေ”

thityaraik