နိုင်ငံတော်သမ္မတ ပညာတော်သင်ဆု အရည်အချင်းစစ်စာမေးပွဲ ကျင်းပမည်

နိုင်ငံတော်သမ္မတ ပညာတော်သင်ဆုအတွက် အရည်အချင်းစစ်စာမေးပွဲကို ဒီဇင်ဘာလ ၆ ရက်မှ ၁၂ ရက်နေ့များအတွင်း ကျင်းပပြုလုပ်သွားမည်ဖြစ်ကြောင်း နိုင်ငံပိုင်သတင်းစာများမှတစ်ဆင့် ကြေညာ ချက်ထုတ်ပြန်ထားသည်။

စာမေးပွဲအား ဗြိတိသျှကောင်စီ၏ Global English Assessment Tool တစ်ခုဖြစ်သော ကွန်ပျူတာ အသုံးပြု ၍ ဖြေဆိုရသည့် Aptis Test ကို အသုံးပြုစစ်ဆေးမည်ဖြစ်ပြီး Grammar and Vocabulary, Reading, Listening, Writing, Speaking များကို သတ်မှတ်ထားသော အချိန်အလိုက် ဖြေဆိုရမည်ဖြစ်သည်။

မေးခွန်းနမူနာနှင့် ဖြေဆိုနည်းလမ်းညွှန်များကို နိုင်ငံပိုင်နေ့စဉ်သတင်းစာများနှင့် MRTV, MRTV-4, Sky Net ရုပ်သံလိုင်းများတွင် ထုတ်လွှင့်ဖော်ပြပေးသွားမည်ဖြစ်ပြီး ဖြေဆိုမည့်သူ အမည်စာရင်း၊ ခုံအမှတ်၊ စာဖြေဌာ န၊ ဖြေဆိုရမည့်ရက်စွဲနှင့် အချိန်တို့ကိုလည်း ထုတ်လွှင့်ဖော်ပြပေးသွားမည်ဖြစ်သည်။

ပညာတော်သင်ဆု လျှောက်ထားသူများသည် စာစစ်ဌာနခြောက်ခုတွင် ဖြေဆိုရမည်ဖြစ်ပြီး ရန်ကုန်တိုင်းဒေ သကြီး၊ တနင်္သာရီတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင်ပြည်နယ်တို့မှ
လျှောက်ထားသူများသည် ရန်ကုန်စာစစ်ဌာနတွင် လည်းကောင်း၊ နေပြည်တော်၊ မန္တလေးတိုင်းဒေသကြီးနှင့် ကချင်ပြည်နယ်တို့မှ လျှောက်ထားသူများသည် မန္တလေးစာစစ်ဌာနတွင် လည်းကောင်း၊ မကွေးတိုင်းဒေသ ကြီးမှ လျှောက်ထားသူများသည် မကွေးစာစစ်ဌာနတွင်လည်းကောင်း၊

စစ်ကိုင်းတိုင်းဒေသကြီးနှင့် ချင်းပြည် နယ်တို့မှ လျှောက်ထားသူများသည် မုံရွာစာစစ်ဌာနတွင်လည်းကောင်း ၊ ရှမ်းပြည်နယ်နှင့်ကယားပြည်နယ်တို့မှ လျှောက်ထားသူများသည် တောင်ကြီးစာစစ်ဌာနတွင်လည်းကောင်း ၊ မွန်ပြည်နယ်နှင့် ကရင်ပြည်နယ် တို့မှ လျှောက်ထားသူများသည် မော်လမြိုင်စာစစ်ဌာနတွင်လည်းကောင်း အသီးသီး အရည်အချင်းစစ်စာမေးပွဲ ဖြေဆိုရမည်ဖြစ်ကြောင်း သိရသည်။

စာမေးပွဲဖြေဆိုသည့်နေ့တွင် စတင်ဖြေဆိုမည့်အချိန် မတိုင်မီ တစ်နာရီအလိုတွင် ဖြေဆိုနည်းများကို ပို့ချပေး မည်ဖြစ်ပြီး သတ်မှတ်ထားသောစာစစ်ဌာနများတွင် ဖြေဆိုရန်အခက်အခဲရှိပါက အမည်၊ အဖအမည်၊ နိုင်ငံ သားမှတ်ပုံတင်အမှတ်၊ မွေးသက္ကရာဇ်၊ မူလစာစစ်ဌာန၊ ပြောင်းလဲဖြေဆိုလိုသော စာစစ်ဌာနများကို eiei.mon@mm.britishcouncil.org သို့ နိုဝင်ဘာလ ၇ ရက် နောက်ဆုံးထား ဆက်သွယ် အကြောင်းကြားပေး ရမည် ဖြစ်သည်။ Aptis Test နမူနာနှင့် အသေးစိတ် အချက်အလက်များကို လေ့လာလိုပါက www.britishcouncil.org/Aptis တွင် ဝင်ရောက်လေ့လာနိုင်မည်ဖြစ်ကြောင်း သိရသည်။

နိုင်ငံတော်သမ္မတ၏ ပညာသင်ဆုအတွက် လျှောက်လွှာများ လက်ခံခဲ့ရာ ဘွဲ့ကြိုတန်းအတွက် ၆၅၈ ဦး၊ မဟာတန်းအတွက် ၁,၈၄၈ ဦး၊ ပါရဂူတန်းအတွက် ၂,၃၇၆ ဦး စုစုပေါင်း ၄,၈၈၂ ဦး လျှောက်ထားခဲ့ကြောင်း သိရသည်။

Internet Journal